ហាងឆេងមាសនៅក្នុងឆ្នាំ២០២៣នេះត្រូវបានក្រុមអ្នកវិភាគនៅលើទីផ្សារអន្តរជាតិអះអាងថា នឹងហក់ឡើងខ្លាំង ដោយសារតែស្ថានភាពនៃភាពមិនច្បាស់លាស់នៃសេដ្ឋកិច្ចសាកលបូករួមនឹងការសម្រុកទិញចូលស្តុករបស់ធនាគារកណ្តាលនៅប្រទេសមួយចំនួន។ តាមសេចក្តីរាយការណ៍ព័ត៌មានរបស់បណ្តាញព័ត៌មានស៊ីអេនប៊ីស៊ី (CNBC)បានឲ្យដឹងថា ហាងឆេងមាសបានកើនឡើងខ្ពស់ក្នុងរយៈពេលប្រាំមួយខែដំបូងឆ្នាំ២០២៣ មកដល់រួចទៅហើយដោយឡែកនៅពេលខាងមុខពេញមួយឆ្នាំនេះក្រុមអ្នកវិភាគជឿថា វានឹងបន្តឡើងបន្ថែមទៀត។ ប្រភពដដែលបានបន្តថា នៅមុនដំណាច់ឆ្នាំ២០២៣…
ហាងឆេងមាសនៅក្នុងឆ្នាំ២០២៣នេះត្រូវបានក្រុមអ្នកវិភាគនៅលើទីផ្សារអន្តរជាតិអះអាងថា នឹងហក់ឡើងខ្លាំង ដោយសារតែស្ថានភាពនៃភាពមិនច្បាស់លាស់នៃសេដ្ឋកិច្ចសាកលបូករួមនឹងការសម្រុកទិញចូលស្តុករបស់ធនាគារកណ្តាលនៅប្រទេសមួយចំនួន។
តាមសេចក្តីរាយការណ៍ព័ត៌មានរបស់បណ្តាញព័ត៌មានស៊ីអេនប៊ីស៊ី (CNBC)បានឲ្យដឹងថា ហាងឆេងមាសបានកើនឡើងខ្ពស់ក្នុងរយៈពេលប្រាំមួយខែដំបូងឆ្នាំ២០២៣ មកដល់រួចទៅហើយដោយឡែកនៅពេលខាងមុខពេញមួយឆ្នាំនេះក្រុមអ្នកវិភាគជឿថា វានឹងបន្តឡើងបន្ថែមទៀត។
ប្រភពដដែលបានបន្តថា នៅមុនដំណាច់ឆ្នាំ២០២៣ ប្រមាណជា១ត្រីមាសតម្លៃមាសនៅលើទីផ្សារអន្តរជាតិ គឺមានតម្លៃប្រមាណជា២.៤៥០ដុល្លារនៅក្នុងមួយតម្លឹង ប៉ុន្តែនៅពេល ដំណាច់ឆ្នាំ គឺឡើង២.៤៦៦ដុល្លារនៅក្នុងមួយតម្លឹង។ទោះបីជាតម្លៃមាសបានធ្លាក់ចុះ ជាទូទៅចាប់តាំងនៅអំឡុងខែវិច្ឆិកា ឆ្នាំមុន ប៉ុន្តែដោយសារភាពចលាចលទីផ្សារការកើនឡើងការរំពឹងទុកនៃការធ្លាក់ចុះសេដ្ឋកិច្ច និងការទិញមាសកាន់តែច្រើនពីធនាគារកណ្តាលនាំឲ្យតម្លៃវាមានហាងឆេងខ្ពស់ឡើងវិញ។
លោក អោល ហានសេន ( Ole Hansen) ប្រធានយុទ្ធសាស្ត្រទំនិញនៅធនាគារ Saxo Bank ដែលជាធនាគារមួយនៅហូឡង់បាននិយាយ សេចក្តីព្រួយបារម្ភអំពីវិបត្តិសេដ្ឋកិច្ចសាកលដោយសារតែការធ្លាក់ចុះនៃសេដ្ឋកិច្ចនៅអាមេរិក និងចិនបូករួមនឹងហានិភ័យនៃភាពមិនច្បាស់លាស់នៃតម្លៃទីផ្សារភាគហ៊ុន ការរំពឹងទុកនៃអស្ថេរភាពនៃប្រាក់ដុល្លារ ហើយកម្រិតអតិផរណាមិនអាចទាញមកនៅត្រឹម៣% ដូចដែលគេរំពឹងទុក គឺសុទ្ធសឹងតែជាបញ្ហាដែលរុញច្រានឲ្យហាងឆេងមាសឡើងថ្លៃ ។លោកបានអះអាងថា បញ្ហានេះបានធ្វើឲ្យហាងឆេងមាសនឹងចាប់ផ្តើមឡើងជាបន្តបន្ទាប់ចាប់តាំងពី២.៤៥០ដុល្លារនៅក្នុងមួយតម្លឹង កាលពីឆ្នាំ២០២២ ទៅ២.៤៦០ ដុល្លារទៅ២.៥០០ ដុល្លារនឹងអាចឡើងជាបន្តបន្ទាប់ទៀត។
ដោយឡែកសម្រាប់ក្រុមអ្នកវិភាគសេដ្ឋកិច្ចផ្សេងទៀតក៏បានវា.យតម្លៃថា ហាងឆេងមាសនៅក្នុងឆ្នាំ២០២៣នេះនឹងឡើងខ្លាំងផងដែរ ដោយសារតែគន្លងនៃគោលនយោបាយរូបិយវត្ថុពិភពលោកនៅលើស្ថានភាពសេដ្ឋកិច្ចមិនសូវអំណោយផល ខណៈដែលធនាគារកណ្តាលនៅប្រទេសជាច្រើនបានកំពុងតែបន្ធូរបន្ថយការដំឡើងអត្រាការប្រាក់ដ៏ខ្លាំងក្លា ចំពេលមានកំណើនសេដ្ឋកិច្ចយឺត និងការធ្លាក់ចុះដែលអាចកើតមាន។
លោក អេរិន ស្ត្រេន ( Eric Strand )អ្នកគ្រប់គ្រងក្រុមហ៊ុនរ៉ែមាស AuAg ESG Gold Mining ETF បាននិយាយថា ការជំរុញយ៉ាងពេញទំហឹងដោយធនាគារកណ្តាលនានានៅឆ្នាំនេះ ទំនងជាមានផលប៉ះពាល់យ៉ាងសំខាន់សម្រាប់ តម្លៃហាងឆេង មាសសាកល។លោកបានអះអាងកាលពីខែមុនថា ហាងឆេងមាសនៅឆ្នាំ២០២៣នឹងឡើងខ្ពស់លើសពី២.៧៩០ដុល្លារនៅក្នុងមួយតម្លឹង ដោយសារធនាគារកណ្តាលនៅប្រទេសជាច្រើនបានបន្តប្រមូលមាសដើម្បីបន្ថែមទុនបម្រុងរបស់ពួកគេជាមួយនឹងកំណត់ត្រាថ្មីមួយដែលបានកំណត់សម្រាប់តួរលេខប្រចាំឆ្នាំ។លោកបានបន្តថា ដោយសារតែស្ថានភាពនេះហាងឆេងមាសនៅលើទីផ្សារអន្តរជាតិអាចនឹងប្រែប្រួលពោល គឺឡើងខ្លាំងបំផុតពោល គឺរហូតដល់ទៅលើសពី២០ភាគរយ។
លោក ជូអឺ គីយឺណឺ ( Juerg Kiener) នាយកគ្រប់គ្រង និងជាប្រធានផ្នែកវិនិយោគនៅ ក្រុមហ៊ុន Swiss Asia Capital បានអះអាងថា ហាងឆេងមាសនៅក្នុងឆ្នាំ២០២៣នេះ គឺប្រែប្រួលខ្លាំងលើសពីអ្វីដែលកើតឡើងនៅឆ្នាំ២០០១ និង២០០៨ ពោល គឺហាងឆេងមាសនឹងប្រែប្រូលចន្លោះពី៦០០ទៅ ១.៨០០ដុល្លារ ដូច្នេះកម្រិតនៃការប្រែប្រូលគិតជាភាគរយគឺមិនមែនត្រឹម១០ទៅ២០ភាគរយនោះទេ គឺលើសពីនេះ។
ផ្អែកតាមទឡ្ហីករណ៍បី គឺភាពមិនច្បាស់លាស់នៃសង្គ្រាម, ការបន្តការជំរុញការចំណាយលើឱនភាពលើគម្រោងផ្លាស់ប្តូរប្រភពផ្គត់ផ្គង់ថាមពល និងសេចក្តីព្រួយបារម្ភនៃវិបត្តិកសេដ្ឋកិច្ចសាកលនាំឲ្យអ្នកវិភាគខ្លះទៀតបានអះអាងថា ហាងឆេងមាសអាចឡើងដល់ជិត៤.០០០ ដុល្លារឯណោះនៅក្នុងមួយតម្លឹង ឬលើសពីនេះនៅក្នុងឆ្នាំ២០២៣។
តាមសេចក្តីរាយការណ៍មួយចំនួនបានឲ្យដឹងថា នៅក្នុងត្រីមាសទី៣ នៃឆ្នាំ២០២២ កន្លងទៅ ធនាគារកណ្តាលនៃប្រទេសជាច្រើនបានបង្កើនការប្រមូលទិញមាសសុទ្ធដែលមានចំនួនរហូតដល់ទៅ៤០០តោន នៅក្នុងតម្លៃប្រហែលជា២០ពាន់លានដុល្លារដែលជាចំនួនច្រើនបំផុតក្នុងរយៈពេលជាងកន្លះសតវត្ស។
ធនាគារកណ្តាលប្រទេសទួរគី គឺជាអ្នកទិញមាសដ៏ធំបំផុតនៅក្នុងត្រីមាសទី៣កន្លងទៅតាមពីក្រោយដោយប្រទេសអូបេគីស្ថាន និងប្រទេសឥណ្ឌាដោយឡែកក្នុងសប្តាហ៍នេះធនាគារកណ្តាលរបស់ប្រទេសចិនបានអះអាងផងដែរថា ខ្លួនបានទិញមាសជាលើកដំបូងចាប់តាំងពីឆ្នាំ២០១៩មក។ប្រទេសមហាអំណាចសេដ្ឋកិច្ចធំទីពីរនេះបាននិយាយថា ថ្មីៗនេះខ្លួនបានបន្ថែមទុនបម្រុងជាមាសដល់ទៅចំនួន៣២តោន ឬ១,៨ពាន់លានដុល្លារដែលនាំឱ្យចំនួនមាសសរុបរបស់ចិនកើនឡើងដល់១.៩៨០តោន៕ដោយៈ ហេង ចេស្តារ
ចែករំលែកព័តមាននេះ