ហ៊ានមែន! មិនលើកលែងសូម្បីអ្នកលក់លៀសហាល ធ្វើសកម្មភាពទាំងកណ្ដាលថ្ងៃត្រង់
- ព្រៃវែង
ចោរជើងឆើតម្នាក់ កាលពីវេលាម៉ោង១២ថ្ងៃត្រង់ ថ្ងៃទី៣ ខែកមរា ឆ្នាំ២០២៣ បានធ្វើសកម្មភាពវា.យប្លន់យកម៉ូតូអ្នកលក់លៀសហាលទាំងកណ្តាលថ្ងៃត្រង់
ចោរជើងឆើតម្នាក់ កាលពីវេលាម៉ោង១២ថ្ងៃត្រង់ ថ្ងៃទី៣ ខែកមរា ឆ្នាំ២០២៣ បានធ្វើសកម្មភាពវា.យប្លន់យកម៉ូតូអ្នកលក់លៀសហាលទាំងកណ្តាលថ្ងៃត្រង់
ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា ចោរជើងឆើតម្នាក់ កាលពីវេលាម៉ោង១២ថ្ងៃត្រង់ ថ្ងៃទី៣ ខែកមរា ឆ្នាំ២០២៣ បានធ្វើសកម្មភាពវា.យប្លន់យកម៉ូតូអ្នកលក់លៀសហាលទាំងកណ្តាលថ្ងៃត្រង់ ស្ថិតនៅចំណុចភូមិចុងក្រូច ឃុំរាប ស្រុកពារាំង ខេត្តព្រៃវែង តែទីបំផុតរត់មិនរួចពីសមត្ថកិច្ច ។
សេចក្តីរាយការណ៍បន្តថា ជនរងគ្រោះក្នុងអំពើប្លន់នោះមានឈ្មោះ សាត ផល្លា ភេទប្រុសអាយុ២៨ឆ្នាំ មុខរបរអ្នកលក់លៀសហាល មានទីលំនៅភូមិមេសរប្រចាន់លើ ឃុំមេសរប្រចាន់ ស្រុកពារាំង ខេត្តព្រៃវែង ជិះម៉ូតូម៉ាកហុងដាឌ្រីមសង់ សេ១២៥ ស៊េរី២០២១ ពណ៌ខ្មៅ ពាក់ស្លាកលេខ ព្រៃវែង ១U-៥៨៧៤។ ចំណែកសង្ស័យឈ្មោះ សុំ រ៉ុញ ភេទប្រុស អាយុ៣៩ឆ្នាំ មានទីលំនៅភូមិចុងក្រូច ឃុំរាប ស្រុកពារាំង ខេត្តព្រៃវែង។
តាមសេចក្តីរាយការណ៍បានឲ្យដឹងបន្តថា មុនពេលកើតហេតុ នៅវេលាម៉ោងខាងលើ ជនរងគ្រោះបាននិងកំពុងដឹកលៀសហាលដើរលក់តាមភូមិដូចសព្វមួយដង ពេលនោះស្រាប់តែលេខមុខជនសង្ស័យម្នាក់ (ចោរជើងឆើត) បានយកព្រនង់ដេញវា.យសំពងជនរងគ្រោះប្លន់យកម៉ូតូតែម្តង។ ខណៈពេលនោះជនរងគ្រោះមិនបានត.ដៃជាមួយជនសង្ស័យទេ ដោយបានព្យាយាមរត់ចេញពីកន្លែងកើតហេតុ ដោយឃើញដូច្នោះជនសង្ស័យក៏បានលើកយកម៉ូតូដែលមានចងប្រដាប់ហាលលៀសជិះចេញទៅបាត់ទៅ។
ប្រភពដដែលបន្តទៀតថា បន្ទាប់ពីជនសង្ស័យវា.យប្លន់យកម៉ូតូអ្នកលក់លៀលហាលបានរួចជិះចេញផុតទៅ ជនរងគ្រោះក៏បានផ្តល់ព័ត៌មានដល់សមត្ថកិច្ចនគរបាលមូលដ្ឋានភ្លាមដែរ។ ពេលនោះកម្លាំងសមត្ថកិច្ច នៃអធិការដ្ឋាននគរបាលស្រុកពារាំង សហការជាមួយនឹងប៉ុស្តិ៍រដ្ឋ បាលឃុំរាប ដេញតាមប្រមាញ់ចោរជើងឆើតរូបនោះ រហូតដល់ស្រុកខ្សាច់កណ្តាល ខេត្តកណ្តាល ក្រោមការសហការជាមួយកម្លាំងមូលដ្ឋាន ទើបឈានដល់ការឃាត់ខ្លួនជនសង្ស័យ ព្រមទាំងធ្វើការដកហូតវត្ថុតាងម៉ូតូ១គ្រឿងដែលជារបស់ជនរងគ្រោះ និងបានបញ្ជូនជនសង្ស័យមកកាន់អធិការដ្ឋាននគរបាលស្រុកពារាំងវិញ ដើម្បីកសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ