លោក ថោង ខុន ជំរុញឲ្យម្ចាស់អាជីវកម្ម ខិតខំបង្កើនគុណភាពសេវាកម្មទេសចេរណ៍
រាជធានីភ្នំពេញ ៖ នៅក្នុងឱកាសផ្សព្វផ្សាយការរៀបចំពិព័រណ៍ទេសចរណ៍កម្ពុជា (Cambodia Travel Mart -CTM) លើកទី១ នៅសណ្ឋាគារណាហ្គាវើល នាថ្ងៃទី២៦
រាជធានីភ្នំពេញ ៖ នៅក្នុងឱកាសផ្សព្វផ្សាយការរៀបចំពិព័រណ៍ទេសចរណ៍កម្ពុជា (Cambodia Travel Mart -CTM) លើកទី១ នៅសណ្ឋាគារណាហ្គាវើល នាថ្ងៃទី២៦
រាជធាភ្នំពេញ ៖ នៅក្នុងឱកាសផ្សព្វផ្សាយការរៀបចំពិព័រណ៍ទេសចរណ៍កម្ពុជា (Cambodia Travel Mart -CTM) លើកទី១ នៅសណ្ឋាគារណាហ្គាវើល នាថ្ងៃទី២៦ ខែមិថុនា ឆ្នាំ២០១៧ តំណាងក្រុមហ៊ុន ម្ចាស់អាជីវកម្មទេសចរណ៍ ក៏ដូចជាមន្ត្រីពាក់ព័ន្ធនឹងវិស័យទេសចរណ៍ជាច្រើនរូប ក្នុងគោលបំណងពង្រឹងគុណភាពឧស្សាហកម្មទេសចរណ៍ អបអរសាទរព្រឹត្តការណ៍ទេសចរណ៍ដ៏ធំនៅលើទឹកដីខេត្តសៀមរាប។
ឱកាសនោះលោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានស្នើឲ្យម្ចាស់អាជីវកម្មទេសចរណ៍ ម្ចាស់រមណីយដ្ឋាន និងអ្នកពាក់ព័ន្ធដទៃទៀត ត្រូវបម្រើសេវាកម្មប្រកបដោយគុណភាព ឲ្យបានពេញចិត្តជូនភ្ញៀវទេសចរណ៍ ព្រោះទាំងភ្ញៀវទេសចរជាតិ-អន្តរជាតិ ពួកគាត់មានលុយទិញសេវាពីម្ចាស់អាជីវកម្ម ដូចនេះម្ចាស់អាជីវកម្មត្រូវមានកាតព្វកិច្ចផ្តល់នូវសេវាកម្ម ប្រកបដោយគុណភាព និងការពេញចិត្តជូនភ្ញៀវទេសចរណ៍ ពោលគឺកុំគិតតែយកលុយ ហើយមិនអភិវឌ្ឍន៍ មិនយកចិត្តទុកដាក់ពីគុណភាព សេវាអនាម័យ បន្ទប់ទឹក សណ្តាប់ធ្នាប់ ចំណតយានយន្តជាដើម។
លោកបន្តថា ភ្ញៀវទេសចរណ៍មានលុយដើរកម្សាន្ត និងទិញសេវាពីប្រតិបត្តិករទេសចរណ៍ សុំឲ្យតែប្រតិបត្តិករទេចរណ៍ផ្តល់នូវសេវាកម្ម ប្រកបដោយគុណភាពជាទីពេញចិត្ត និងកក់ក្តៅប៉ុណ្ណោះ។ តើយើងអាចធ្វើបានទេ? វាជារឿងគួរឲ្យខ្មាសអៀនមួយ ប្រសិនប្រតិបត្តិករយើងមិនអាចឆ្លើយតបបាន។ លោកបានលើកឡើង អំពីភ្ញៀវទេសចរណ៍អន្តរជាតិបានកោតសរសើរថា ប្រទេសកម្ពុជាមានសុខសន្តិភាពល្អ មានទេសភាពស្រស់បំព្រង ធម្មជាតិខៀវស្រងាត់ អាកាសធាតុអំណោយផល ខ្យល់អាកាសបរិសុទ្ធ តំបន់ទេសចរណ៍សម្បូរបែប និងតំបន់ឆ្នេរសមុទ្រដ៏ស្រស់ស្អាត គួរឲ្យចង់ទស្សនាកម្សាន្ត។ លោករដ្ឋមន្ត្រីបានរម្លឹកផងដែរថា ភាពស្អាត និងបៃតង គឺជាភាពទាក់ទាញសំខាន់ណាស់ សម្រាប់គោលដៅទេសចរណ៍ ដែលបច្ចុប្បន្ន គ្រប់ប្រទេសកំពុងមានការយកចិត្តទុកដាក់ខ្លាំងណាស់ ពិសេសប្រទេសដែលជាគោលដៅទេសចរណ៍។
ចំណែកផ្នែកពាក់ព័ន្ធសាធារណៈ ឯកជន ប្រជាពលរដ្ឋ ត្រូវពង្រឹង និងបង្កើនផ្នែកបដិសណ្ឋារកិច្ចឲ្យបានល្អ ចំពោះភ្ញៀវទេសចរណ៍ ដោយចាត់ទុកការងារបដិសណ្ឋារកិច្ច ជារបៀបវារៈរបស់ជាតិមួយ។ គួរបញ្ជាក់ថា នៅក្នុងខែវិច្ឆិកា ឆ្នាំ២០១៧ខាងមុខ នឹងមានការប្រកាសលទ្ធផលប្រលងប្រណាំងរមណីយដ្ឋានទេសចរណ៍ ដែលរមណីយដ្ឋានទេសចរណ៍ទាំងអស់ ត្រូវតែមានស្ដង់ដារប្រកបដោយភាពទាក់ទាញ ពិសេសត្រូវយកចិត្តទុកដាក់ខ្ពស់ដល់បញ្ហាអនាម័យ សណ្តាប់ធ្នាប់ និងគុណភាពសេវា ហើយត្រូវខិតខំធ្វើយ៉ាងណាឲ្យមានផលិតផលថ្មីៗ ប្រកបដោយភាពទាក់ទាញ៕
ចែករំលែកព័តមាននេះ