ខេត្តព្រះសីហនុ ៖ អនុវត្តតាមបញ្ជារបស់លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ក្រោមការដឹកនាំផ្ទាល់ពីលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ នៅវេលាម៉ោង១រសៀល ថ្ងៃទី២១ ខែធ្នូ ឆ្នាំ២០២២ កម្លាំងការិយាល័យប្រឆាំងគ្រឿងញៀ.ន មន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យចំនួន១០នាក់ រួមនឹងវត្ថុតាងសារធាតុញៀ.នមួយចំនួនធំ ទៅកាន់អយ្យការអមសាលាដំបូងខេត្តព្រះសីហនុ ពាក់ព័ន្ធនឹងករណីរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន. និងសម្អាតប្រាក់ដែលជាផលបានមកពីបទល្មើស។
សូមជម្រាបជូនថា ប្រតិបត្តិការស្រាវជ្រាវបង្ក្រាបមុខសញ្ញាពាក់ព័ន្ធនឹងបទល្មើសគ្រឿងញៀ.នលក្ខណៈទ្រង់ទ្រាយធំ បានបិទបញ្ចប់ និងទទួលជោគជ័យនាពេលនេះ ដោយមានការចូលរួមសហការយ៉ាងស្អិតរមូត និងយកចិត្តទុកដាក់បំផុតជាមួយតំណាងស្ថាប័នអយ្យការអមសាលាដំបូងខេត្តព្រះសីហនុ ខេត្តសៀមរាប ខេត្តស្វាយរៀង ខេត្តបន្ទាយមានជ័យ រួមនឹងកម្លាំងជំនាញកងរាជអាវុធហត្ថលើផ្ទៃប្រទេស ខេត្តសៀមរាប ខេត្តស្វាយរៀង ខេត្តបន្ទាយមានជ័យ និងកម្លាំងមន្ទីរប្រឆាំងគ្រឿងញៀ.ន អាជ្ញាធរជាតិប្រយុទ្ធប្រឆាំងគ្រឿងញៀ.ន អស់រយៈពេល១០ថ្ងៃ។
ជនសង្ស័យទាំង១០នាក់ខាងលើ (ក្នុងនោះជនជាតិចិនចំនួន០៦នាក់ ជនជាតិចិនតៃវ៉ាន់ចំនួនម្នាក់ និងជនជាតិខ្មែរចំនួន០៣នាក់ ) មានឈ្មោះដូចជា ៖ ១- ឈ្មោះ ZHOU JING BIN ភេទប្រុស អាយុ៤៣ឆ្នាំ ជនជាតិចិន មុខរបរមិនពិតប្រាកដ ស្នាក់នៅសណ្ឋាគារ «ហានហៃ» ស្ថិតក្នុងភូមិ១ សង្កាត់លេខ៣ ក្រុងព្រះសីហនុ ខេត្ដព្រះសីហនុ។ ២- ឈ្មោះ CAI JIAN FONG ភេទប្រុស អាយុ២៩ឆ្នាំ ជនជាតិចិនតៃវ៉ាន់ ស្នាក់នៅមិនពិតប្រាកដ។ ៣- ឈ្មោះ YE LICHI ភេទប្រុស អាយុ៣៣ឆ្នាំ ជនជាតិចិន ស្នាក់នៅក្រុងប៉ោយប៉ែត។ ៤- ឈ្មោះ WANG JIAN ភេទប្រុស អាយុ៣៦ឆ្នាំ ជនជាតិចិន មុខរបរកសិករ ស្នាក់នៅអគារខុនដូ ស្ថិតក្នុងភូមិ២ សង្កាត់លេខ២ ក្រុងព្រះសីហនុ ខេត្តព្រះសីហនុ។ ៥- ឈ្មោះ ព្រឹម រាជ ភេទប្រុស អាយុ៣១ឆ្នាំ ជនជាតិខ្មែរ មុខរបររត់តាក់ស៊ី ស្នាក់នៅមិនពិតប្រាកដ។ ៦- ឈ្មោះ ចាន់ រតនា ភេទប្រុស អាយុ៣០ឆ្នាំ ជនជាតិខែ្មរ ស្នាក់នៅក្រុងបាវិត។ ៧- ឈ្មោះ LI PENG FEI ភេទប្រុស អាយុ២៤ឆ្នាំ ជនជាតិចិន ស្នាក់នៅក្រុងបាវិត។ ៨- ឈ្មោះ LIU YANG ភេទប្រុស អាយុ៣០ឆ្នាំ ជនជាតិចិន មុខរបរមិនពិតប្រាកដ ស្នាក់នៅអគារខុនដូ ស្ថិតក្នុងភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ។ ៩- ឈ្មោះ ZHAO BING FEI ភេទប្រុស អាយុ២៩ឆ្នាំ ជនជាតិចិន មុខរបរមិនពិតប្រាកដ ស្នាក់នៅអគារខុនដូ ស្ថិតក្នុងភូមិ៥ សង្កាត់៤ ក្រុងព្រះសីហនុខេត្តព្រះសីហនុ។ ១០- ឈ្មោះ ពោធិ បញ្ញា ហៅ ចៅ ភេទប្រុស អាយុ៣១ឆ្នាំ មានទីលំនៅមុខក្លិប LVចាស់ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។
ចំណែកវត្ថុតាងដែលចាប់បាន រួមមាន ៖ សារធាតុញៀ.ន (កេតាមីន) ទម្ងន់សរុប ១.១៣៣គីឡូ ៧៨៩,១១ក្រាម, តម្រុយសារធាតុញៀ.ន (MDMA) ទម្ងន់សរុប២គីឡូ៥៩៧.៨ក្រាម, សារធាតុគីមី សរុបទម្ងន់១០គីឡូ៣៥៨ក្រាម, សារធាតុគីមីផ្សំ ទម្ងន់៥០០ក្រាម, សារធាតុគីមី ទម្ងន់៤២០ក្រាម, សារធាតុគីមីមិនច្បាស់ ទម្ងន់៤៤៨ក្រាម, ម្សៅក្រាមសថ្លា ទម្ងន់៧,២៤ក្រាម (មេតាហ្វេតាមីន), ម្សៅគ្រាប់ពណ៌ទឹកក្រូច (WY) ទម្ងន់៣,៤៨ក្រាម (មេតំហ្វេតាមីន), ម្សៅពណ៌ស្វាយ (MDMA) ទម្ងន់៣៨១,២៨ក្រាម, ម៉ូតូចំនួន២គ្រឿង, ទូរស័ព្ទដៃចំនួន១៤គ្រឿង លិខិតឆ្លងដែន ចំនួន៩ច្បាប់, ប័ណ្ណបើកបរ ចំនួន១សន្លឹក, ឧបករណ៍វេចខ្ចប់ និងកែច្នៃគ្រឿងញៀ.នមួយចំនួន, ចិញ្ចៀនលោហៈធាតុពណ៌ទឹកប្រាក់ ចំនួន២វង់, ខ្សែ.កលោហៈធាតុពណ៌ទឹកប្រាក់ ចំនួន១ខ្សែ, ប័ណ្ណការងារជនបរទេស ចំនួន១សន្លឹក (ជនជាតិចិន), នាឡិកាដៃ ចំនួន៣គ្រឿង, ប័ណ្ណសម្គាល់យានយន្ត ចំនួន១សន្លឹក។
រួមនឹងវត្ថុតាង ៖ កាបូបពណ៌ខ្មៅ ចំនួន២, ដបជក់ ចំនួន១, កាតផ្សេងៗ ចំនួន៥សន្លឹក, កុំព្យូទ័រ ចំនួន១គ្រឿង, ប័ណ្ណសម្គាល់ជនជាតិចិនតៃវ៉ាន់ ចំនួន១, ប័ណ្ណសម្គាល់ (ឈ្មោះ CAI JIANFONG) ចំនួន១, ប័ណ្ណចាក់វ៉ាក់សាំងកូវីដ-១៩ ចំនួន១, ប័ណ្ណសម្គាល់ខ្លួន ចំនួន២សន្លឹក, កាតធនាគារ ចំនួន១សន្លឹក, ប្រាក់បាត ចំនួន ៥.២៧០ (ម្ភៃបាត), ប្រាក់ដុល្លារ ចំនួន ១.៨១០ដុល្លារ, ប្រាក់រៀល ចំនួន៤.៥០០រៀល, ម៉ាស៊ីនហ្គេម ចំនួន១គ្រឿង និង រថយន្តចំនួន៨គ្រឿង ក្នុងនោះមាន (ម៉ាក FORD ពណ៌ស ពាក់ស្លាកលេខ 2BF-7484 មួយគ្រឿង, ម៉ាក TUNDRA ពណ៌ស ពាក់ស្លាកលេខ ភ្នំពេញ 2BJ-8429 មួយគ្រឿង, ម៉ាក TUNDRA ពណ៌ទឹកមាស ពាក់ស្លាកលេខ ភ្នំពេញ 2BR-8706 មួយគ្រឿង, ម៉ាក TUNDRA ពណ៌ខ្មៅ ពាក់ស្លាកលេខ ភ្នំពេញ 2AQ-1313 មួយគ្រឿង, ម៉ាក TUNDRA ពណ៌ស ពាក់ស្លាកលេខ ភ្នំពេញ 2BP-7818 មួយគ្រឿង, ម៉ាក LEXUS RX300 ពណ៌ស ពាក់ស្លាកលេខ កំពង់ធំ 2A-4216 មួយគ្រឿង, ម៉ាក LEXUS CT200H ពណ៌ស ពាក់ស្លាកលេខ ភ្នំពេញ 2BL-1872 មួយគ្រឿង, និងម៉ាក HILANDER ពណ៌ទឹកមាស ពាក់ស្លាកលេខ ភ្នំពេញ 2AK-9067 មួយគ្រឿង)៕
ចែករំលែកព័តមាននេះ