ម្ចាស់នៅសល់តែ១ចង្កេះជាប់ខ្លួន ក្រោយអគ្គិភ័យលេបត្របាក់ផ្ទះ២ខ្នងអស់គ្មានសល់ (មានវីដេអូ)
- ស្វាយរៀង
ខេត្តស្វាយរៀង ៖ មានភ្លើងអគ្គីភ័យឆាបឆេះផ្ទះ២ខ្នងក្លាយជាផេះផង់ឆេះទាំងទ្រព្យសម្បត្តិមាស
ខេត្តស្វាយរៀង ៖ មានភ្លើងអគ្គីភ័យឆាបឆេះផ្ទះ២ខ្នងក្លាយជាផេះផង់ឆេះទាំងទ្រព្យសម្បត្តិមាស
ខេត្តស្វាយរៀង ៖ មានភ្លើងអគ្គីភ័យឆាបឆេះផ្ទះ២ខ្នងក្លាយជាផេះផង់ឆេះទាំងទ្រព្យសម្បត្តិមាសប្រាក់ស្រូវអង្ករ និងសំលៀកបំពាក់ មុងភួយកន្ទេលខ្នើយឆេះអស់គ្មានសល់សល់ នៅសល់តែខាអាវ១ចង្កេះជាប់ខ្លួន។
ហេតុការណ៍ខាងលើនេះបានកើតឡើងកាលពីវេលាម៉ោង៤និង៥០នាទីល្ងាចថ្ងៃទី២៨ ធ្នូ ឆ្នាំ២០២២ នៅភូមិសាមគ្គី សង្កាត់ស្វាយតឿ ក្រុងស្វាយរៀង ។
បើតាមសមត្ថកិច្ចបានឲ្យដឹងថា ផ្ទះដែលត្រូវភ្លើងឆាបឆេះសង់អំពីឈើលើ ថ្មក្រោម ជណ្តើរថ្ម ជញ្ជាំងឈើ រនាបក្តារ ដំបូលប្រក់ក្បឿងឆេះអស់ទាំងស្រុង នៅសល់តែសំយ៉ាបគ្របជណ្តើរ ។ ទ្រព្យសម្បត្តិ រួមមាន៖១, ឯកសារប្លង់ដី សំបុត្រកំណើត និងឯកសារផ្សេងៗ ជាច្រើន និងទូរទស្សន៍១គ្រឿង និងកង្ហា៣គ្រឿង កងដៃកូន១កង ទម្ងន់១ជីកន្លះ មាស៣តម្លឹង ប្រាក់ដុល្លារចំនួន៦,០០០ដុល្លារ ស្រូវ អង្ករ និងសំលៀកបំពាក់ មុងភួយ កន្ទេលខ្នើយ ចានឆ្នាំងស្លាបព្រា, ធុងបាស១គ្រឿង ឆេះអស់គ្មានសល់។
តាមប្រភពដដែលបានបន្តថា ម្ចាស់ផ្ទះជនរងគ្រោះឈ្មោះកែវយ៉ាំ ភេទស្រី អាយុ៦២ឆ្នាំ មុខរបរធ្វើស្រែ មានសមាជិកគ្រួសារ៥នាក់ ស្រី៤នាក់ ។
តាមប្រភពដដែលបានបន្តថា មុនពេលកើតហេតុ សមាជិកគ្រួសារបានចេញទៅធ្វើការរោចក្រអស់នៅសល់តែម្តាយ មានជម្ងឺប្រចាំកាយពិការមួយចំហៀងខ្លួន នៅចាំផ្ទះ ស្រាប់តែឆ្លងចរន្តអគ្គីសនីនៅក្នុងផ្ទះ ទុស្សេខ្សែភ្លើងឆាបឆេះផ្ទះតែម្តង។
តាមប្រភពដដែលបានបន្តទៀតថា ស្ត្រីម្ចាស់ផ្ទះបានរត់ចេញពីផ្ទះហើយហៅអ្នកស្រុកជិតខាងឲ្យជួយ ហើយអ្នកស្រុកក៏បានទូរសព្ទ័ហៅរថយន្តពន្លត់អគ្គីភ័យ អធិការនគបាលស្រុកស្វាយទាប១គ្រឿងនិងរថយន្តពន្លត់អគ្គីភ័យអធិការដ្ឋាននគបាលក្រុងស្វាយរៀង១គ្រឿង ក៏ប៉ុន្តែទំរាំមកដល់ភ្លើងបានឆេះយ៉ាងសន្ធោសន្ធៅទៅហើយ ម្យ៉ាងមានខ្យល់ខ្លាំង ហើយផ្ទះគ្រឿងឈើស្ងួតផងគឺឆេះ២០នាទីឆេះអស់គ្មានសល់ ។ ប្រើប្រាស់ទឹករថយន្ត២គ្រឿង សល់តែជញ្ជាំងឥដ្ឋ និងជណ្តើរថ្ម ហើយនិងសំយ៉ាបគ្របដំបូល ។ សូមជួយសោកស្តាយផង ស្ត្រីម្ចាស់ផ្ទះស្រែកទ្រហោយំថា ផ្ទះ២ខ្នងនេះ គាត់លក់ដីស្រែយកមកសង់ផ្ទះពេលនេះឆេះអស់គ្មានសល់អ្វីសល់តែខោអាវ១ចង្កេះជាប់និងខ្លួន ៕
ចែករំលែកព័តមាននេះ