បា.ញ់ប្រហារជនបរទេសម្នាក់ចំនួន៣គ្រាប់នៅមុខអគារមួយកន្លែង តាមបណ្តោយផ្លូវ សប៊ិត
- ភ្នំពេញ
រាជធានីភ្នំពេញ ៖ មានករណីជនមិនស្គាល់មុខដកកាំភ្លើ.ងបា.ញ់ចំនួន៣គ្រាប់ ទៅលើជនបរទេស
រាជធានីភ្នំពេញ ៖ មានករណីជនមិនស្គាល់មុខដកកាំភ្លើ.ងបា.ញ់ចំនួន៣គ្រាប់ ទៅលើជនបរទេសម្នាក់ បណ្តាលឱ្យបាត់បង់ជីវិត ក្រោយបញ្ជូនទៅកាន់មន្ទីរពេទ្យ ។
ហេតុការណ៍ខាងលើនេះបានកើតឡើងកាលពីវេលាម៉ោង១១និង៥៥នាទីយប់ថ្ងៃទី២៤ ខែធ្នូ ឆ្នាំ២០២២ នៅចំណុចក្រោមអគារ THE PEAK ផ្លូវ សប៊ិត ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនរងគ្រោះដែលបាត់បង់ជីវិតក្នុងហេតុការណ៍បា.ញ់ប្រហារខាងលើមិនទាន់ស្គាល់អត្តសញ្ញាណ និងជាជនជាតិអ្វីនៅឡើយទេ ។
យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានអោយដឹងថា៖ នៅមុនពេលកើតហេតុ គេបានឃើញរថយន្តឡង់គ្រីស្ស័រ ពណ៌ស មិនចាំស្លាកលេខ សង្ស័យជារថយន្តជនបង្ក បានធ្វើដំណើរតាមបណ្តោយផ្លូវ សប៊ិត មកឈប់ក្រោមអគារ THE PEAK រួចធ្វើសកម្មភាពដកកាំភ្លើ.ងបា.ញ់ជនបរទេសម្នាក់ នៅចំពីមុខអាគារ THE PEAK ផ្ទាល់តែម្តង។
ភ្លាមៗនោះគេឃើញជនបរទេសរងគ្រោះរូបនោះព្យាយាមរត់ដែរ ប៉ុន្តែរត់បាន២ទៅ៣ជំហានក៏ដួលតែម្តង ចំណែករថយន្តបង្កបានបើករត់គេចខ្លួនចេញពីទីតាំងកើតហេតុបាត់ស្រមោល។ មួយសន្ទុះក្រោយមក រថយន្តសាម៉ុយបានបញ្ជូនជនរងគ្រោះទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់ តែជាអកុសលជនរងគ្រោះបានស្លា.ប់ ដោយសារត្រូវគ្រាប់កាំភ្លើ.ង និងរងរបួសធ្ងន់ពេក។
គួរបញ្ជាក់ផងដែរថា ៖ នៅក្នុងហេតុការណ៍បា.ញ់ប្រហារខាងលើនេះ មានប្រជាពលរដ្ឋខ្លះអះអាងថាជនរងគ្រោះបានរួមដំណើរជាមួយជនបង្ក ដោយជនរងគ្រោះបានចុះពីលើរថយន្ត ត្រូវបានជនបង្កបា.ញ់សម្លា.ប់តែម្តង។ ចំណែកប្រភពព័ត៏មានពីប្រជាពលរដ្ឋផ្សេងទៀតបានឱ្យដឹងថា ជនរងគ្រោះបានជិះកង់បីឥណ្ឌាមកឈប់ទល់មុខកន្លែងកើតហេតុ ស្រាប់តែជនបង្កបើករថយន្តមកឈប់ក្បែរ រួចដកកាំភ្លើ.ងបា.ញ់សម្លា.ប់ភ្លាមៗតែម្តង។ ចំណែកជុំវិញទីតាំងកើតហេតុ សមត្ថកិច្ចនៅមិនទាន់រកឃើញគ្រាប់បន្ទុះនៅឡើយនោះទេ។
ក្រោយពេលកើតហេតុ គេឃើញវត្តមានរបស់លោកឧត្តមសេនីយ៍ទោ ជាវ វិបុល នាយកដ្ឋានព្រហ្មទណ្ឌនៃការិយាល័យកម្រិតធ្ងន់នៃក្រសួងមហាផ្ទៃ បានសហការជាមួយលោកអធិការនៃប៉ុស្តិ៍នគរបាលរដ្ឋបាលសង្កាត់ទន្លេបាសាក់ បើកការស៊ើបអងេ្កតស្រាវជ្រាវ និងឈានទៅដល់ការស្វែងរកខ្មាន់កាំភ្លើ.ងលាក់មុខខាងលើ មកផ្តន្ទាទោសតាមនីតិវិធីច្បាប់នៅពេលក្រោយ៕
ចែករំលែកព័តមាននេះ