ខេត្តប៉ៃលិន ៖ ដើម្បីចូលរួមចំណែកកាត់បន្ថយករណីគ្រោះថ្នាក់ចរាចរណ៍នៅលើដងផ្លូវ ដែលជារឿយៗ តែងបង្កឡើងដោយអ្នកបើកបររថយន្តដឹកទំនិញ រថយន្តឈ្នួល ខណ:ដែលគេសង្ស័យថា អ្នកបើកបរទាំងនោះភាគ ច្រើន គឺសេពគ្រឿ.ងស្រ.វឹង…
ខេត្តប៉ៃលិន ៖ ដើម្បីចូលរួមចំណែកកាត់បន្ថយករណីគ្រោះថ្នាក់ចរាចរណ៍នៅលើដងផ្លូវ ដែលជារឿយៗ តែងបង្កឡើងដោយអ្នកបើកបររថយន្តដឹកទំនិញ រថយន្តឈ្នួល ខណ:ដែលគេសង្ស័យថា អ្នកបើកបរទាំងនោះភាគ ច្រើន គឺសេពគ្រឿ.ងស្រ.វឹង និងគ្រឿ.ងញៀ.ន ជាពិសេស អ្នកបើកបររថយន្តខ្នាតយក្សតែម្តង។
ទើបរហូតមកដល់ថ្ងៃទី២៣ ខែធ្នូ ឆ្នាំ២០២២នេះ ដោយមានការយកចិត្តទុកដាក់ពីលោកជំទាវ បាន ស្រីមុំ អភិបាលខេត្តប៉ៃលិន បានចាត់ឱ្យលោក ហុក សុផល អភិបាលរងខេត្តប៉ៃលិន ដឹកនាំកម្លាំងសមត្ថកិច្ចនគរបាលស្នងការខេត្ត និងមន្ត្រីកងរាជអាវុធហត្ថខេត្ត សហការជាមួយកម្លាំងសមត្ថកិច្ចអាជ្ញាធរជាតិប្រយុទ្ធនឹងគ្រឿ.ងញៀ.ន ចុះធ្វើតេស្តទឹកនោម ស្វែងរកសារធា.តុញៀ.ន ទៅលើអ្នកបើកបររថយន្តគ្រប់ប្រភេទនិងម៉ូតូតាមដងផ្លូវ។
លោកបានបន្តទៀតថា ក្នុងការបើកយុទ្ធនាការ ធ្វើតេស្តទឹកនោមដល់អ្នកបើកបររថយន្តដឹកទំនិញ រថយន្តឈ្នួលគ្រប់ប្រភេទ និងអ្នកបើកបរម៉ូតូនេះ គឺសរុបរថយន្ត និងម៉ូតូចំនួន៤៦គ្រឿង ក្នុងនោះរថយន្តតូច១០គ្រឿង រថយន្តធំ២១គ្រឿង និងម៉ូតូ១៥គ្រឿង ហើយធ្វើតេស្តស្វែងរកសារធាតុញៀ.នចំនួន៤៦នាក់។ គេបានរកឃើញវិជ្ជមានចំនួន១៧នាក់ ក្នុងនោះនៅក្រុងប៉ៃលិន៧នាក់ និងស្រុកសាលាក្រៅចំនួន១០នាក់។
លោកបញ្ជាក់ថា ការធ្វើតេស្តទឹកនោមនេះ ជាលើកដំបូង ដោយចាប់ពីពេលនេះតទៅក្នុង១ខែនឹងធ្វើតេស្តទឹកនោមម្តង ដើម្បីស្វែងរកសារធាតុញៀ.ន។ ក្រោយពីធ្វើតេស្តរួច សមត្ថកិច្ចជំនាញ បានអនុញ្ញាតឱ្យម្ចាស់រថយន្តទាំងអស់ត្រឡប់ទៅផ្ទះវិញ ហើយឈប់ប្រព្រឹត្តការសេពគ្រឿ.ងញៀ.នបន្តទៀត ដោយរក្សាឈ្មោះពួកគេទុកជាមុខសញ្ញា ដើម្បីស្រាវជ្រាវរកឱ្យឃើញ ពីប្រភពដើមនៃការប្រើប្រាស់នេះផងដែរ។
ចំណែកអ្នកបើកបររថយន្តធំៗ ខាងជំនាញប្រគល់ឱ្យថៅកែយកអប់រំ ណែនាំឈប់ឱ្យប្រើប្រាស់គ្រឿ.ងញៀន រួចបើកបររថយន្តបន្តទៀត ព្រោះអាចបង្កគ្រោះថ្នាក់ធ្ងន់ធ្ងរដល់អ្នកធ្វើដំណើរតាមដងផ្លូវជាមួយផងដែរ៕
ចែករំលែកព័តមាននេះ