រាជធានីភ្នំពេញ ៖ ប្រិយមិត្តមហាជនអ្នកតាមដាន ប្រាកដជាជ្រាបច្បាស់ហើយពីកូនស្រីរបស់អ្នកនាង សឿ សុធារ៉ា គឺសាពូន ដារ៉ាពិមាន ក្រោយពីកូនស្រីតារារូបនេះទទួលបានការចាប់អារម្មណ៍ពីសំណាក់មហាជនបងប្អូនអ្នកគាំទ្រកន្លងមកនៅបទចម្រៀងជាច្រើន ដូចជា…
រាជធានីភ្នំពេញ ៖ ប្រិយមិត្តមហាជនអ្នកតាមដាន ប្រាកដជាជ្រាបច្បាស់ហើយពីកូនស្រីរបស់អ្នកនាង សឿ សុធារ៉ា គឺសាពូន ដារ៉ាពិមាន ក្រោយពីកូនស្រីតារារូបនេះទទួលបានការចាប់អារម្មណ៍ពីសំណាក់មហាជនបងប្អូនអ្នកគាំទ្រកន្លងមកនៅបទចម្រៀងជាច្រើន ដូចជា បទ ពុកអើយ ម៉ែអើយ បទដើម្បីអ្វីទៅអូន និងបទមហាគុណជាដើម។
ជាការគត់សម្គាល់ក្រោយពីប៉ុន្មានបទខាងលើដែលទទួលបានការចាប់អារម្មណ៍ ប្អូនស្រី ដារ៉ាពិមាន ក៏បានបញ្ចេញសមត្ថភាពមួយបទទៀតដោយមិនសរសើរមិនបាននៅបទមួយចម្រៀងមួយបទនេះ។
តាមរយៈបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាព ប្អូនដារ៉ាពិមាន ក៏ធ្លាប់បាននឲបង្ហើបថា ប្អូនស្រីនឹងដើរចូលសិល្បៈជាមួយម្តាយអោយពេញទំហឹង ជាពិសេស គឺការសម្តែង ការចម្រៀង និងការលេងឧបករណ៍ភ្លេងផងដែរ។
ប្អូនស្រីដារ៉ាពិមាន បានបន្តថា ប្អូនពិតជាសប្បាយចិត្តជាខ្លាំងនៅពេលមានការគាំទ្រពីពុកម៉ែបងប្អូនយ៉ាងច្រើនដូច្នេះ ហើយប្អូននឹងខិតខំប្រឹងប្រែងហ្វឹកហាត់ចម្រៀងជាច្រើនទៀតជាមួយឪពុករបស់ប្អូនផង គឺលោក សាពូន មីដាដា។
តាមរយៈការច្រៀងចម្រៀង ប្អូន គឺចេះមកពីឪពុក និងម្តាយរបស់ប្អូនទាំងស្រុង ដោយឪពុកប្អូនជាអ្នកបង្រៀនប្អូនដោយផ្ទាល់នៅបទកន្លងមក ចំណែកទាក់ទងជាមួយការច្រៀងវិញ គឺប្អូនចេះ និងរៀនសូត្របន្ថែមពីម្តាយខ្លះៗផងដែរ។
បើទាក់ទងជាមួយការសម្តែងវិញ ប្អូនតារាពិមានក៏ចេះសម្តែង ដោយប្អូនធ្លាប់បាននិយាយថា ប្អូនទទួលបានការបង្ហាត់បង្រៀនដោយផ្ទាល់ពីម្តាយ ហើយប្អូនក៏មានស្នាដៃជាបន្តបន្ទាប់ទៀត ដូច្នេះសូមជួយគាំទ្រផង។
បើងាកមកស្តាប់ បទគ្រីស្មាស់ដែលបានប្អូនបានចម្រៀងវិញពិតជាពិរោះគួរអោយសរសើរ ដោយតាមរយៈបទមួយនេះហាក់ដូចជា ទទួលការគាំទ្រជាខ្លាំងពីសំណាក់អ្នកគាំទ្រ។
ប្រាកដណាស់ ថ្ងៃគ្រីស្មាស់បានចូលមកដល់ ស្តាប់បទមួយនេះហាក់ដូចជាពិរោះមួយបែប ដោយប្អូនចេះលេងអបជាមួយឧបករណ៍ យូគូលេលេ ដោយធ្វើអោយបទមួយកាន់តែមានពិរោះរណ្តំចិត្តសម្រាប់អ្នកគាំទ្រមួយកម្រិតទៀត។
គួររលឹកដែរថា ប្អូនស្រីដារ៉ាពិមាន មានដុងសិល្បៈចម្រៀង សម្តែង និងលេងឧបករណ៍ភ្លេងជាដើម។ជាចុងក្រោយ ប្អូនស្រី សាពូនដារ៉ា ក៏សូមគោរពអរគុណពុកម៉ែប្អូនជាខ្លាំងដោយតែងតែគាំទ្រប្អូន និងម្តាយប្អូន ហើយប្អូនពុំមានអ្វីច្រើននោះទេ ដោយមានតែពាក្យអរគុណសម្រាប់សប្បុរសជន ដែលធ្លាប់ជួយកន្លងមក ហើយប្អូនមានបទចម្រៀងថ្ងៃបុណ្យគ្រីស្មាស់នេះជាអំណោយ សម្រាប់ពុកម៉ែ អ៊ុំពូមីងតែប៉ុណ្ណោះ៕ ដោយ៖ រ៉ាន់
ចែករំលែកព័តមាននេះ