ឃាត់ខ្លួនជនជាតិវៀតណាម និងចិនដីគោក២៨នាក់
រាជធានីភ្នំពេញ ៖ លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ
រាជធានីភ្នំពេញ ៖ លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ
រាជធានីភ្នំពេញ ៖ លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការណ៍ជាមួយនឹងកម្លាំងនគរបាលនៃការិយាល័យគ្រប់គ្រងជនបរទេសរាជធានីភ្នំពេញ ដោយមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានធ្វើការឃាត់ខ្លួនជនជាតិវៀតណាម និងជនជាតិចិនដីគោកសរុបចំនួន ២៨នាក់ (ស្រី១នាក់) ដែលកំពុងតែស្នាក់នៅ និងបំពេញការងារដោយខុសច្បាប់នៅក្នុងតំបន់បឹងកេងកងទី៣។ ប្រតិបត្តិការនេះ បានធ្វើឡើងនៅវេលាម៉ោង ២ និង៣០នាទីរសៀល ថ្ងៃទី២០ ខែ មិថុនា ឆ្នាំ២០១៧ នៅតាមបណ្តាផ្ទះជួល និងហាងកាហ្វេមួយចំនួន ដែលមានទីតាំងនៅតាមបណ្តោយផ្លូវលេខ២៨១ លេខ២៩២ និងផ្លូវលេខ២៩៤ ក្នុងសង្កាត់បឹងកេងកងទី៣ ខណ្ឌចំការមន។
លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធីបានប្រាប់ឱ្យដឹងថា ដោយទទួលបាននូវបទបញ្ជាដោយផ្ទាល់អំពីសំណាក់លោកនាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ កម្លាំងរបស់លោកតែងតែបានចុះប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅក្នុងប្រទេសកម្ពុជារបស់យើង។ ដោយក្នុងពេលនេះដែរ កម្លាំងរបស់លោកក៏បានចុះប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមបណ្តារផ្ទះជួល និងហាងកាហ្វេមួយចំនួនដែលមានទីតាំងស្ថិតនៅតាមបណ្តោយផ្លូវលេខ២៨១ ផ្លូវលេខ ២៩២ ផ្លូវលេខ ២៩៤ នៅក្នុងភូមិសាស្ត្រសង្កាត់បឹងកេងកងទី៣ ខណ្ឌចំការមននេះ។ លោកឧត្តមសេនីយ៍ទោក៏បានប្រាប់បន្តទៀតថា ក្នុងប្រតិបត្តិការនេះដែរ កម្លាំងនៃនាកយកដ្ឋានស៊ើបអង្កេត និងអនុវត្តនិតិវិធីរបស់លោក បានរកឃើញជនជាតិវៀតណាមចំនួន២៧នាក់ ក្នុងនោះមានស្រីចំនួន១នាក់ និងបុរសជនជាតិចិនដីគោកចំនួន១នាក់ផងដែរ ដែលបានលួចឆ្លងដែនចូលមកស្នាក់នៅ និងបំពេញការងារដោយខុសច្បាប់គ្មានលិខិតឆ្លងដែន និងសៀវភៅការងារ។
ពាក់ព័ន្ធទៅនឹងការអនុវត្តន៍ច្បាប់អន្តោប្រវេសន៍នេះដែរ កម្លាំងនាយកដ្ឋានស៊ើបអង្កេត និងអនុវត្តន៍និតិវិធីរបស់លោកនឹងនៅតែបន្តធ្វើទៅលើគ្រប់ជនជាតិដោយមិនប្រកាន់ពូជសាសន៍ណាឡើយ និងបន្តប្រតិបត្តិការដូចភ្លៀងរលឹមជាបន្តទៅទៀតផងដែរ។ ក្រោយពីប្រតិបត្តិការនេះ ជាជនជាតិវៀតណាមចំនួន២៧នាក់ (ស្រី១នាក់) និងជនជាតិចិនចំនួន១នាក់សរុប ២៨នាក់ ដែលបាននឹងកំពុងតែស្នាក់នៅ និងបំពេញការងារដោយខុសច្បាប់នៅចំណុចខាងលើនេះ ត្រូវបានកម្លាំងនគរបាលនៃអគ្គនាយកដ្ឋានស៊ើបអង្កេត និងអនុវត្តវិធីធ្វើការចាប់បញ្ជូនខ្លួនពួកគេទៅកាន់អគ្គនាយកដ្ឋានអន្តោប្រវេសន៍ ដើម្បីត្រួតពិនិត្យទៅតាមនីតិវិធីជាបន្តទៅទៀត៕
ចែករំលែកព័តមាននេះ