ខេត្តកណ្តាល ៖ កម្លាំងនគរបាលប៉ុស្តិ៍រដ្ធបាលភូមិធំសហការណ៍ជាមួយកម្លាំងប្រជាការពារភូមិល្បាតតាមមូលដ្ឋានធ្វើការឃាត់ខ្លួនមនុស្ស២នាក់ កាលពីវេលាម៉ោង២០និង០០នាទីយប់ ថ្ងៃទី១៩ ខែមិថុនា ឆ្នាំ២០១៧ នៅចំណុចផ្លូវលំស្ថិតក្នុងភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ពាក់ព័ន្ធករណីរក្សាទុកដោយខុសច្បាប់នូវសារធាតុញៀនដើម្បីប្រើប្រាស់ ។
ខេត្តកណ្តាល ៖ កម្លាំងនគរបាលប៉ុស្តិ៍រដ្ធបាលភូមិធំសហការណ៍ជាមួយកម្លាំងប្រជាការពារភូមិល្បាតតាមមូលដ្ឋានធ្វើការឃាត់ខ្លួនមនុស្ស២នាក់ កាលពីវេលាម៉ោង២០និង០០នាទីយប់ ថ្ងៃទី១៩ ខែមិថុនា ឆ្នាំ២០១៧ នៅចំណុចផ្លូវលំស្ថិតក្នុងភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ពាក់ព័ន្ធករណីរក្សាទុកដោយខុសច្បាប់នូវសារធាតុញៀនដើម្បីប្រើប្រាស់ ។
ជនសង្ស័យដែលសមត្ថកិច្ចឃាត់ខ្លួន ទី១.ឈ្មោះ វ៉ែន ពេជ្រសុជាតិ ភេទប្រុស អាយុ២៣ឆ្នាំ ជនជាតិខ្មែរ មុខរបរសម្អាងការ មានទីលំនៅភូមិយកបាត្រ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ និងទី២.ឈ្មោះ ស៊ុំ បូរ៉ា ភេទប្រុស អាយុ២៣ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិភូមិធំ ឃុំភូមិធំ ស្រុកកៀនស្វាយ ។ សមត្ថកិច្ចឲ្យដឹងថា មុនពេលកើតហេតុ កម្លាំងនគរបាលប៉ុស្តិ៍សហការណ៍ជាមួយកម្លាំងប្រជាការពារភូមិ ជិះម៉ូតូល្បាតតាមមូលដ្ឋានដើម្បីរក្សាការពារសន្តិសុខ ជូនប្រជាពលរដ្ឋដូចសព្វដង លុះមកដល់ត្រង់ផ្លូវលំចំណុចខាងលើ ក៏បានជួបជនសង្ស័យ២នាក់ កំពុងជិះម៉ូតូមួយគ្រឿងម៉ាក ស្កុបពីអាយ ពណ៏ទឹកដោះគោ ពាក់ស្លាកលេខ ភ្នំពេញ ១CB-២០៨៤ ឌុបគ្នា ដោយមានការសង្ស័យ កម្លាំងក៏បានឃាត់ឲ្យឈប់ ធ្វើការឆែកឆេររកឃើញថ្នាំញៀន១កញ្ចប់តូច និងដកហូតបានទូរស័ព្ទដៃ២គ្រឿង ក៏ឃាត់ខ្លួនយកមកប៉ុស្តិ៍ដើម្បីសួរនាំ ។
នៅចំពោះមុខសមត្ថកិច្ចជនសង្ស័យឈ្មោះ ស៊ុំ បូរ៉ា បានសារភាពថា ថ្នាំញៀននេះគឺពិតជារបស់ខ្លួន ដែលបានទិញពីឈ្មោះ គឹម សៀងហៃ ភេទប្រុស អាយុ១៧ឆ្នាំ មានទីលំនៅភូមិភូមិធំ ឃុំភូមិធំ ស្រុកកៀនស្វាយ ដើម្បីយកមកប្រើប្រាស់ ។ យោងតាមចម្លើយសារភាពរបស់ជនសង្ស័យទាំង២នាក់ រួមជាមួយវត្ថុតាងត្រូវនគរបាលប៉ុស្តិ៍កសាងសំណុំរឿងបញ្ជូនទៅអធិការដ្ឋាននគរបាលស្រុកកៀនស្វាយចាត់ការបន្តតាមនីតិវិធី ៕
ចែករំលែកព័តមាននេះ