ឡាន១គ្រឿងបុ.កអ្នកដើរម្នាក់រួចធ្លា.ក់ចូលទឹកស្រះវត្តគល់ទទឹង ផ្អើលពលរដ្ឋវា.យកញ្ចក់ជួយទាញមនុស្សចេញ
- ភ្នំពេញ
រាជធានីភ្នំពេញ ៖ រថយន្តម៉ាក ford ranger ជ្រុលទៅបុកស្ត្រីម្នាក់កំពុងដើរថ្មើរជើង បណ្ដាលឱ្យរងរបួស
រាជធានីភ្នំពេញ ៖ រថយន្តម៉ាក ford ranger ជ្រុលទៅបុកស្ត្រីម្នាក់កំពុងដើរថ្មើរជើង បណ្ដាលឱ្យរងរបួស
រាជធានីភ្នំពេញ ៖ រថយន្តម៉ាក ford ranger ជ្រុលទៅបុកស្ត្រីម្នាក់កំពុងដើរថ្មើរជើង បណ្ដាលឱ្យរងរបួស ហើយរថយន្ដបន្តហោះធ្លាក់ចូលស្រះទឹកក្នុងវត្តគល់ទទឹង បង្កការភ្ញាក់ផ្អើលដល់ប្រជាពលរដ្ឋជួយវាយបំបែកកញ្ចក់រថយន្តទាញយកមនុស្ស២នាក់ចេញមកក្រៅទាន់ពេលវេលា ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៦និង៣០នាទីយប់ថ្ងៃទី២៥ ខែមេសា ឆ្នាំ២០២៤ ចំណុចក្នុងស្រះទឹកក្នុងវត្តគល់ទទឹង ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ គេបានឃើញមនុស្សប្រុសស្រី២នាក់ ជិះក្នុងរថយន្តមួយគ្រឿងម៉ាក ford ranger ពណ៌ស ពាក់ស្លាកលេខ កណ្ដាល 2D-7226 បានចូលទៅក្នុងបរិវេណវត្តគល់ទទឹងម្ដុំស្រះទឹក លុះបើកដល់ចំណុចកើតហេតុ មិនដឹងថារថយន្តមានបញ្ហាអ្វីនោះទេ ក៏ស្រាប់តែបើកលឿនស្លេវ ជ្រុលទៅបុកស្ត្រីម្នាក់កំពុងតែដើរថ្មើរជើងម្ដុំបរិវេណវត្ត បណ្ដាលឱ្យរងរបួស ហើយរថយន្ដបន្តហោះធ្លាក់ចូលក្នុងស្រះទឹកលិចរថយន្តតែម្ដង ។
តាមប្រភពដដែលបានបន្តទៀតថា បន្ទាប់ពីឃើញហេតុការណ៍បែបនេះ បងប្អូនប្រជាពលរដ្ឋដែលនៅក្បែរនោះបាននាំគ្នាចុះទៅជួយ ដោយវាយបំបែកកញ្ចក់រថយន្ត ដើម្បីទាញមនុស្សប្រុសស្រី២នាក់ចេញពីក្នុងរថយន្ត មកលើគោកវិញដើម្បីសុវត្ថិភាពហើយមិនមានរងរបួសអ្វីនោះទេ ។
ក្នុងករណីនេះដែរ ស្ត្រីជាអ្នកដើរថ្មើរជើងរងរបួស ត្រូវបានបញ្ជួនទៅសង្គ្រោះនៅមន្ទីរពេទ្យបង្អែកច្បារអំពៅផងដែរ ។
ក្រោយពេលកើតហេតុ សមត្ថកិច្ចជំនាញចរាចរណ៍បានចុះទៅកន្លែងកើតហេតុធ្វើការស្ទូចយករថយន្តរួមទាំងអ្នកបើកបរយកទៅរក្សាទុកនៅអធិការដ្ឋាននគរបាលខណ្ឌច្បារអំពៅដើម្បីរង់ចាំដំណោះស្រាយ ៕
ចែករំលែកព័តមាននេះ