អូស្ត្រាលី ៖ តាមប្រភពព័ត៌មាន Metro បានឲ្យដឹងថា លោកយាយចាស់អាយុ៩៣ឆ្នាំម្នាក់ ប្រកាសឲ្យមហាជនលើបណ្តាញសង្គមជួយរើសរ៉ូបរៀបការឲ្យខ្លួន។
ពិតជាមិនធម្មតាទេ ដែលយើងមានកូនក្រមុំអាយុ៩៣ឆ្នាំចូលរោង!
លោកយាយ Sylvia Martin បានដើរទិញរ៉ូបរៀបការនៅហាង Birdnest ដែលជាហាងមួយនៅរដ្ឋ New South Wales ប្រទេសអូស្ត្រាលី។ លោកយាយបានសាករ៉ូប៤សម្រាប់ ហើយក៏បង្ហោះឲ្យគេជួយឲ្យយោបល់។
លោកយាយបានសម្រេចចិត្តយករ៉ូបមួយដែលមានតម្លៃដល់ទៅ៣៤៩ដុល្លារសហរដ្ឋអាមេរិក។
គួរបញ្ជាក់ផងដែរថា លោកយាយនឹងចូលរោងជាមួយនឹងលោកតា Frank ដែលជាអនាគតស្វាមីរបស់លោកយាយ។ ពួកគាត់ទាំងពីរនាក់បានស្គាល់គ្នាយូរណាស់មកហើយ តែលោកយាយតែងតែបដិសេធនៅពេលលោកតាសុំរៀបការ។ លើកនេះ លោកតា Frank បានសម្រេចក្តីបំណងរបស់គាត់ហើយ៕
ចែករំលែកព័តមាននេះ