ខេត្តកំពង់ឆ្នាំង ៖ ជនសង្ស័យម្នាក់បានជិះម៉ូតូមកហាងកាហ្វេដៃកាន់កាំបិតផ្គា.ក់បានរករឿងជេរប្រមាថលើអ្នកផឹកកាហ្វេហើយបានប្រើអំពើហិ.ង្សាកា.ប់ទៅលើបុរសវយ័ចំណាស់ម្នាក់ចំ.កដៃបណ្តាលឱ្យរបួសធ្ងន់ត្រូវបានក្រុមគ្រួសារដឹកទៅកាន់មន្ទីរពេទ្យ ។ បន្ទាប់មក ជនបង្កររូបនោះបានដេញកា.ប់មន្ត្រីប៉ូលិសម្នាក់រត់ចូលដល់ក្នុងផ្ទះទៀតផង ដែលហេតុការណ៍នេះ បានកើតឡើងនៅវេលាម៉ោង៥ព្រឹកថ្ងៃទី២១ ខែធ្នូ នៅផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ។
ជនសង្ស័យដែលបានជេរប្រមាថបងប្អូនប្រជាពលរដ្ឋដែលមកផឹកកាហ្វេនៅពេលទៀបភ្លឺ និងបង្កការភ្ញាក់ផ្អើលខាងលើនេះ មានឈ្មោះ ឈិន បូរ៉ា ហៅស្រស់ ភេទប្រុស អាយុ៣៩ឆ្នាំ មានមុខរបរជាអ្នករត់ម៉ូតូឌុប ដែលមានទីលំនៅស្ថិតនៅក្នុងភូមិផ្សាឆ្នាំង សង្កាត់ផ្សារឆ្នាំង ក្រុងនិងខេត្តកំពង់ឆ្នាំង ។ ដោយឡែក ជនរងគ្រោះមានឈ្មោះ ងិន ជួរ ភេទប្រុស អាយុ៧៨ឆ្នាំ មានទីលំនៅក្នុងភូមិផ្សាលើ សង្កាត់ផ្សាឆ្នាំង ក្រុងនិងខេត្តកំពង់ឆ្នាំង ។
សាក្សីនៅកន្លែងកើតហេតុបាននិយាយអោយដឹងថា នៅមុនពេលកើតហេតុ ជនសង្ស័យបានជិះម៉ូតូនៅដៃមានកាន់កាំ.បិ.តផ្គាក់ជិះស្រែកជេរនៅខាងមុខហាងកាហ្វេ និងបានដើរទៅកាប់.ជនរងគ្រោះខាងលើ បណ្តាលអោយរងរបួសធ្ងន់បាក់ដៃ និងបានដើរចូលមកក្នុងហាងការហ្វេដេញកា.ប់មន្ត្រីនគរបាលរត់ចូលទៅក្នុងហាងដើម្បីគេចខ្លួន ។
ប្រភពដដែលបានបន្តថា ជនសង្ស័យជាមនុស្សមានសតិមិនប្រក្រតី។ ក្រោយពេលកើតហេតុ ប្រជាពលរដ្ឋ និងសមត្ថកិច្ចបានធ្វើការឃាត់ខ្លួនជនសង្ស័យបង្កអំពើហិង្សានៅនឹងកន្លែង ហើយបញ្ជូនមកអធិការក្រុងកំពង់ឆ្នាំង និងបានបញ្ជូនបន្តទៅស្នងការនគរបាលខេត្តកំពង់ឆ្នាំង ដើម្បីធ្វើការសាកសួរ កសាងឯកសារតាមនិតិវិធីផងដែរ ។
ដោយឡែក ជនរងគ្រោះត្រូវបានក្រុមគ្រួសារដឹកទៅកាន់មន្ទីរពេទ្យសង្គ្រោះបន្ទាន់នៅមន្ទីពេទ្យឯកជនមួយកន្លែងក្នុងខេត្តកំពង់ឆ្នាំងផងដែរ៕
ចែករំលែកព័តមាននេះ