ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា ជនសង្ស័យ៥នាក់ត្រូវកម្លាំងសមត្ថកិច្ចនគរបាលក្រុងកំពង់ឆ្នាំង សហការជាមួយ
កម្លាំងខេត្តចាប់ខ្លួនបាន កាលពីវេលាម៉ោង០៣ និង៣០នាទីរសៀលថ្ងៃទី១៨ មិថុនា ស្ថិតនៅចំណុចផ្ទះជួលមួយកន្លែង ក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខណៈកំពុងធ្វើសកម្មភាព ។
ក្នុងនោះ កម្លាំងបានដកហូតវត្ថុតាង មានថ្នាំញៀនប្រភេទម៉ាទឹកកក៤កញ្ចប់ (១កញ្ចធំ) ម៉ូតូ២គ្រឿង ទូរស័ព្ទ៣គ្រឿង ប្រាក់៩ម៉ឺនរៀល និងឧបករណ៍មួយចំនួនទៀត ។
ជនសង្ស័យទាំង៥នាក់ ១-ឈ្មោះម៉ាត់ អ៊ុលវី ភេទប្រុស អាយុ១៧ឆ្នាំ មានទីលំនៅភូមិថ្មី ឃុំអណ្ដូងស្នាយ ស្រុករលាប្អៀរ ២-ឈ្មោះសឿន ធារ៉ា ភេទប្រុស អាយុ២២ឆ្នាំ មានទីលំនៅក្នុងភូមិឃុំជ្រៃបាក់ ឃុំជ្រៃបាក់ ស្រុករលាប្អៀរ ៣-ឈ្មោះម៉ន ភារ៉េន ភេទប្រុស អាយុ១៨ឆ្នាំ មានទីលំនៅភូមិឃ្លៃ ឃុំជ្រៃបាក់ ៤-ឈ្មោះ សំណាង សេងឌី ភេទប្រុស អាយុ១៨ឆ្នាំ មានទីលំនៅភូមិជារៅ ឃុំរលាប្អៀរ ស្រុករលាប្អៀរ និង៥-ឈ្មោះយូ ឡង់ ភេទ ភេទប្រុស អាយុ២២ឆ្នាំ មានទីលំនៅភូមិអណ្ដូងច្រុះ ឃុំជ្រៃបាក់ ស្រុករលាប្អៀរ ។
បច្ចុប្បន្ន កម្លាំងសមត្ថកិច្ចកសាងសំណុំរឿងបញ្ជូន ទៅតុលាការដើម្បីចាត់ការតាមផ្លូវច្បាប់ ។
ចែករំលែកព័តមាននេះ