ខេត្តបាត់ដំបង ៖ ប្រជាពលរដ្ឋប្រទះឃើញគ្រាប់មិនទាន់ផ្ទុះ នៅថ្ងៃទី២០ ខែធ្នូ ឆ្នាំ២០២២ នៅចំណុចចំការកៅស៊ូ ស្ថិតក្នុងភូមិអូរល្មូន ឃុំផ្លូវមាស ស្រុករតនមណ្ឌល ខេត្តបាត់ដំបង ដោយប្រជាពលរដ្ឋឈ្មោះ ប៊ិច សារិទ្ធភេទប្រុស អាយុ៥៧ឆ្នាំ រស់នៅភូមិអូរល្មូន ឃុំផ្លូវមាស ស្រុករតនមណ្ឌល ខេត្តបាត់ដំបង បានមករាយការណ៍មកសមត្ថកិច្ចប៉ុស្តិ៍នគរបាលរដ្ឋបាលផ្លូវមាស នៃអធិការដ្ឋាននគរបាលស្រុករតនមណ្ឌល ។
ក្រោយទទួលដំណឹង សមត្ថកិច្ចបានចុះត្រួតពិនិត្យប្រទះឃើញគ្រាប់ចំនួន ០២គ្រាប់ ប្រភេទគ្រាប់ ៨០មីលីម៉ែត្រ ចំនួន ០១គ្រាប់ និងគ្រាប់មីន៦៩ ចំនួន១គ្រាប់ សមត្ថកិច្ចបានចងខ្សែហ៊ុំព័ន្ធនឹងដាក់ស្លាកសញ្ញា (កន្លែងគ្រាប់) រង់ចាំអង្គភាពកំចាត់មីនមកយក ។ សមត្ថកិច្ចស្រុករតនមណ្ឌលបានរាយការណ៍បន្តទៅអង្គភាពកំចាត់មីន MAG មកយកទៅកំទេចចោល។
ឆ្លៀតក្នុងឱកាសនោះ កម្លាំងអធិការដ្ឋាននគរបាលស្រុកថ្មគោលរតនមណ្ឌល បានអំពាវនាវដល់ប្រជាពលរដ្ឋដែលរស់នៅក្នុងមូលដ្ឋានទាំងអស់ សូមអោយមានការប្រុងប្រយ័ត្នខ្ពស់នូវយុទ្ធភ័ណ្ឌមិនទាន់ផ្ទុះ រឺអាវុធខូចគុណភាពផ្សេងៗ ត្រូវរាយការណ៍ជាបន្ទាន់ជូនសមត្ថកិច្ចជៀសវាងការកើតមានគ្រោះថ្នាក់ដោយសារយុទ្ធភ័ណ្ឌនិងអាវុធទាំងនោះជាយថាហេតុ ៕
ចែករំលែកព័តមាននេះ