ខេត្តកោះកុង ៖ នៅព្រឹកថ្ងៃទី១៧ ធ្នូ្ន ឆ្នាំ២០២២ កន្លងមក គេសង្កេតឃើញមានរថយន្តភីកអាប់ចំនួន២គ្រឿងដែលមានសភាពចាស់ និងមានតទ្រុងខាងក្រោយឡើងខ្ពស់ទៅលើ ហើយមានផ្ទុកទំនិញអេតចាយ ដែលសុទ្ធសឹងជាសំបកកំប៉ុងឡើងពេញហូរហៀរឈប់ចតនៅក្បែរច្រកទ្វារអន្តរជាតិចាំយាមនៃខេត្តកោះកុង ដែលទំនិញទាំងនោះត្រូវនាំចេញទៅលក់នៅប្រទេសថៃ ។
តាមការបញ្ជាក់របស់សមត្ថកិច្ចនៅច្រកទ្វារចាំយាមនោះអោយដឹងថា ទំនិញ(សំបកកំប៉ុង)អេតចាយនេះ ត្រូវបាននាំចេញទៅលក់នៅប្រទេសថៃជារៀងរាល់ថ្ងៃ ក្នុងមួយថ្ងៃ២ឡានជាប្រចាំ ។ សមត្ថកិច្ចបញ្ជាក់ទៀតថា ការនាំចេញទំនិញអេតចាយបែបនេះ មិនតម្រូវ អោយមានការបង់ថ្លៃសេវាអ្វីទាំងអស់ ប៉ុន្តែខាងភាគីថៃបានសម្តែងការកោតសរសើរថា ពលរដ្ឋខ្មែរពិតជាសំបូរអ្នកផឹកស៊ីមែន តាមការព្យាករណ៍សំបកកំប៉ុងដែលបានដឹកចេញទៅលក់តាមច្រកកោះកុងក្នុងមួយថ្ងៃប្រមាណជា២ម៉ឺនទៅ២ម៉ឺន៥ពាន់កំប៉ុង ប្រហែល១ពាន់កេះស្រាបៀរ ។
រីឯទំនិញផ្សេងទៀតគឺមានតែផលនេសាទប៉ុណ្ណោះ ដែលក្នុងមួយថ្ងៃៗត្រូវបាននាំចេញរាបរយតោន ពីក្រុមហ៊ុនកំពង់ផែឯកជនមួយនៅក្នុងទីរួមខេត្តកោះកុង ដោយគ្មានបង់ពន្ធចូលរដ្ឋបាន១សេនណាឡើយ ។
ព័ត៌មានលម្អិតនឹងមានផ្សាយជូនបន្ត ។
ចែករំលែកព័តមាននេះ