ជនសង្ស័យ២នាក់ អស់លក្ខណ៍ម្នាក់ ក្រោយធ្វើធ្វើសកម្មភាពលើនារីម្នាក់
- ភ្នំពេញ
រាជធានីភ្នំពេញ ៖ កម្លាំងនគរបាលប៉ុស្តិ៍ទន្លេបាសាក់ បានធ្វើការឃាត់ខ្លួនជនសង្ស័យម្នាក់ ភ្លាមៗ
រាជធានីភ្នំពេញ ៖ កម្លាំងនគរបាលប៉ុស្តិ៍ទន្លេបាសាក់ បានធ្វើការឃាត់ខ្លួនជនសង្ស័យម្នាក់ ភ្លាមៗ
រាជធានីភ្នំពេញ ៖ កម្លាំងនគរបាលប៉ុស្តិ៍ទន្លេបាសាក់ បានធ្វើការឃាត់ខ្លួនជនសង្ស័យម្នាក់ ភ្លាមៗ បន្ទាប់ពីជនសង្ស័យបានធ្វើសកម្មភាព ឆ.ក់ទូរស័ព្ទដៃពីជនរងគ្រោះបានសម្រេច ។
ហេតុការណ៏នេះបានកើតឡើងកាលពីវេលាម៉ោង៥និង៣០នាទីព្រឹកថ្ងៃទី ១៧ ខែធ្នូ ឆ្នាំ ២០២២ ត្រង់ចំណុចមុខផ្ទះលេខ ២៦៦ ផ្លូវ៦៣ ភូមិ ១៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមប្រភពព័ត៏មានបានអោយដឹងថា នៅមុនពេលកើតហេតុ ជនរងគ្រោះឈ្មោះ ស៊ុន ចាន់ឌី ភេទ ស្រី អាយុ ២២ឆ្នាំ បានហៅកង់បីឥណ្ឌា ដើម្បីជិះចេញពីកន្លែងធ្វើការ KTV ដឹស៊េនផាលេស៏ ដែលស្ថិតនៅក្នុងសង្កាត់ បឹងកេងកងទី១ ក្នុងគោលបំណងត្រឡប់ទៅផ្ទះ ។
តាមប្រភពព័ត៌មានបានឱ្យដឹងថា ខណៈពេលដែលធ្វើដំណើរមកដល់ចំណុចកើតហេតុខាងលើ ជនរងគ្រោះក៏យកទូរស័ព្ទមកចុចលេង ស្រាប់តែមានម៉ូតូមួយគ្រឿង ម៉ាកស៊ុយហ្ស៊ុយគីនិច ពណ៌ស គ្មានស្លាកលេខ ជិះគ្នា២នាក់ បានជិះមកអែបខាងស្តាំដៃជនរងគ្រោះ រួចជនសង្ស័យដែលជិះពីខាងក្រោយ បានធ្វើសកម្មភាពឆក់ទូរស័ព្ទ ម៉ាក iPhone 12 Pro Max ពណ៏ខៀវ ពីដៃជនរងគ្រោះបានសម្រេច ។ ភ្លាមៗ នោះជនសង្ស័យបម្រុង និងគេចខ្លួនទៅហើយ ប៉ុន្តែជនរងគ្រោះបានស្រែកអោយគេជួយ ក៏បានផ្អើលទៅដល់សមត្ថកិច្ចមូលដ្ឋានដែលកំពុងធ្វើការល្បាត មកជួយអន្តរាគមន៏ ស្រាប់តែជនសង្ស័យភ័.យស្លន់ស្លោរពេក ក៏បានដួលម៉ូតូ ហើយត្រូវបានសមត្ថកិច្ចធ្វើការឃាត់ខ្លួន បាន០១នាក់ភ្លាមៗ នៅនិងកន្លែង។ ចំណែកឯជនសង្ស័យជាអ្នកបើកម៉ូតូបានរត់គេចខ្លួនបាត់ស្រមោល។
ជនសង្ស័យឈ្មោះ រិទ្ធី សុភា ភេទ ប្រុស អាយុ ១៩ឆ្នាំ មុខរបរមិនច្បាស់លាស់ ស្នាក់នៅផ្ទះមិនចាំលេខ តាមបណ្តោយផ្លូវជាតិលេខ ២ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ( គ្មានសារធាតុញៀ.ន ) ។
បច្ចុប្បន្ន ជនសង្ស័យខាងលើ ត្រូវបានសមត្ថកិច្ចឃាត់ខ្លួន បណ្ដោះអាសន្ន និងយកសាកសួរបន្ថែម នៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿង និងចាត់ការតាមនីតិវិធីច្បាប់ ៕
ចែករំលែកព័តមាននេះ