អតីតកីឡាករជម្រើសជាតិ ហេង សុខលី បានទទួលមរណភាព ក្រោយជួបគ្រោះថ្នាក់ចរាចរណ៍កាលពី៤ថ្ងៃមុន
- ភ្នំពេញ
រាជធានីភ្នំពេញ ៖ អតីតកីឡាករជម្រើសជាតិបាល់ទាត់ហ្វូតសាលកម្ពុជា ហេង សុខលី បានទទួល
រាជធានីភ្នំពេញ ៖ អតីតកីឡាករជម្រើសជាតិបាល់ទាត់ហ្វូតសាលកម្ពុជា ហេង សុខលី បានទទួលអនិច្ចកម្ម នៅអាយុ៣៣ឆ្នាំ កាលពីវេលាម៉ោង៦៖១៧នាទីព្រឹកនៅថ្ងៃទី១៦ ខែធ្នូ ឆ្នាំ២០២២ នៅប្រទេសវៀតណាម (ក្រោយបញ្ចូនទៅព្យាបាលបន្តនៅទីនោះ បានមួយយប់) គឺត្រឹមតែ ៤ថ្ងៃក្រោយលោកជួបគ្រោះថ្នាក់ចរាចរណ៍។
អតីតកីឡាករជម្រើសជាតិ ហេង សុខលី បានជួបឧប្បត្តិហេតុគ្រោះថ្នាក់ចរាចរណ៏កាលពីរាត្រីថ្ងៃទី១២ ខែធ្នូ ឆ្នាំ២០២២ ប្រហែលម៉ោង១១យប់ នៅចំនុចភ្លើងស្តុបអង្គតាមិញផ្លូវ២០០៤ បន្ទាប់ពីលោកចេញពីធ្វើការនៅទីលានដោនថោនស្ពត ត្រលប់ទៅផ្ទះវិញ។
«យើងខ្ញុំជាថ្នាក់ដឹកនាំ ក្រុមគ្រូបង្វឹក កីឡាករ និង បុគ្គិលិកទាំងអស់នៃក្លឹបបាល់ទាត់ ដោនថោនស្ព័ត មានទុក្ខក្រៀមក្រំនិងសោកស្តាយយ៉ាងខ្លាំងចំពោះ មរណភាពរបស់ប្រធានក្រុម លោក ហេង សុខលី ដែលទទួល អនិច្ចកម្មវេលាម៉ោង 6:17 ព្រឹក ថ្ងៃទី 16 ខែ ធ្នូ ឆ្នាំ 2022 នៅប្រទេសវៀតណាម (ក្រោយបញ្ចូនទៅព្យាបាលបន្តនៅទីនោះ បានមួយយប់ ) ដោយគ្រោះថ្នាក់ ចរាចរណ៍»។ នេះជាការប្រកាសរបស់ក្លឹបបាល់ទាត់ ដោនថោនស្ព័ត។
ក្លឹបបាល់ទាត់ ដោនថោនស្ព័ត បានចូលរួមមរណទុក្ខដោយបានពោលថា «យើងខ្ញុំសូមបួងសួងដល់វិញ្ញាណក្ខន្ធរបស់លោក សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ។ »
មរណភាពរបស់កីឡាករបាល់ទាត់ ហេង សុខលី បង្កនូវភាពភ្ញាក់ផ្អើលពីសំណាក់អ្នកគាំទ្រនិងមិត្តរួមអាជីពបានចូលរួមសម្តែងមរណទុក្ខចំពោះការបាត់បង់កីឡាករឆ្នើមួយរូប។ ក្នុងនោះ លោក ហ៊ល សុភ័ក្រ ដែលជាអ្នកចាត់ការក្រុម Down Town Sport បានបង្ហោះសារថា ស.ពរបស់កីឡាករ ហេង សុខលី នឹងត្រូវយកទៅធ្វើបុណ្យតាមប្រពៃណី នៅវត្តទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ៕ (ដោយ៖ ភឿង ភារៈ)
ចែករំលែកព័តមាននេះ