ប្រទះឃើញគ្រាប់បែកបង្កៃ១គ្រាប់ ដាក់ជាប់ជាមួយនំខេក នៅផ្លូវមុខក្រុមហ៊ុនណាហ្គាវើលដ៍២
- ភ្នំពេញ
រាជធានីភ្នំពេញ ៖ គ្រាប់បែកបង្កៃ១គ្រាប់ ត្រូវបានអ្នកថែសួន ប្រទះឃើញដាក់ជាប់ជាមួយនំខេក
រាជធានីភ្នំពេញ ៖ គ្រាប់បែកបង្កៃ១គ្រាប់ ត្រូវបានអ្នកថែសួន ប្រទះឃើញដាក់ជាប់ជាមួយនំខេក នៅលើផ្លូវរដ្ឋសភា មុខក្រុមហ៊ុនណាហ្គាវើលដ៍២ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បង្កការភ្ញាក់ផ្អើលនៅវេលាម៉ោងជាង ៦ព្រឹក ថ្ងៃទី ១៥ ខែ ធ្នូ ឆ្នាំ ២០២២ នេះ ។
បើតាមសម្ដីបុរសម្នាក់ឈ្មោះ ហេង ស៊ីលាភ មុខរបររត់តាក់ស៊ី បានប្រាប់ឱ្យដឹងថា នៅម៉ោងប្រហែល ៦និង១០នាទី មាននារីកម្មករអនាម័យថែសួនម្នាក់ បានមកប្រាប់គាត់ថា «ពូ ! ជួយទៅមើលបន្តិចមើល ! មានដែកស្អីមូលៗជាប់នំខេក នៅលើផ្លូវ ឥឡូវខ្ញុំយកទៅដាក់លើលើសួនច្បារហើយ» ។ ពេលគាត់ទៅដល់ស្គាល់ច្បាស់ថាគ្រាប់បែក។ គាត់ក៏បានរាយការណ៍ជូនសន្តិសុខណាហ្គាវើលដ៍ រួចរាយការណ៍មកសមត្ថកិច្ច ។
តាមសម្ដីនារីម្នាក់ (មិនស្គាល់ឈ្មោះ) បាននិយាយថា៖ នៅម៉ោងប្រហែលជាង ២រំលងអធ្រាត្រ មានយុវជន ២នាក់ ជិះម៉ូតូមកក្បែរសួនច្បារមុខរដ្ឋសភា និងសួរគ្នាថា យកដាក់កន្លែងណា? ម្នាក់ទៀតឆ្លើយថា៖ យកដាក់ចំពីមុខតែម្ដងទៅ មួយសន្ទុះពួកគេជិះម៉ូតូចេញទៅវិញ (គាត់មិនចាប់អារម្មណ៍) ។
បន្ទាប់ពីសមត្ថកិច្ចជំនាញ ស៊ីម៉ាក់ (CIMAX) បានចុះមកដល់ បានធ្វើការស្រាវជ្រាវ និងពិនិត្យកន្លែងកើតហេតុ រួចក៏សម្រេច បំផ្ទុះគ្រាប់បែកបង្កៃ ០១គ្រាប់ដោយសុវត្ថិភាព៕
ចែករំលែកព័តមាននេះ