ជីវិតគ្រួសារដែលមានសុភមមង្គល ក្រៅពីព្រទ្យសម្បតិ្ត និងការចេះយល់ចិត្តគ្នានោះ គឺការមានកូន ។ មិនថាស្ត្រី ឬក៏បុរស កាលណាតែគ្មានកូន ដូចជាខ្វះរបស់អ្វីមួយក្នុងជីវិត គ្រួសារទាំងមូលហាក់បីដូចជាស្ងាត់ យូរៗទៅវាធ្វើឱ្យគ្រួសារគ្មានសុភមង្គល និងអាចឈានទៅដល់ការបែកបាក់គ្រួសារថែមទៀតផង ។
លោកស្រីវេជ្ជបណ្ឌិត Wanakan inghasena ពីមន្ទីរពេទ្យវេជ្ជថានី ជំនាញខាងផ្នែកស្ត្រីប្រចាំប្រទេសថៃ ឲ្យដឹងថា ការគ្មានកូនមិនប្រាកដថាបណ្តាមកពីស្ត្រីទេ ពេលខ្លះក៏អាចមកពីបុរសជាប្តីផងដែរ ។ មានមូលហេតុជាច្រើនដែលបណ្តាលឲ្យបុរស ឬក៏ស្ត្រី មួយចំនួនមិនអាចមានកូនបានដូចជា ៖
-កត្តាបុរស ៖ អាចបណ្តាលមកពីមេជីវិតបុរសខ្សោយ ឬក៏ស្ទះទឹកកាមដែលមិនអាចឲ្យមេជីវិតឈ្មោលចេញមកបាន ។
-កត្តាស្ត្រី ៖ អាចបណ្តាលមកពីស្បូនរបស់ស្ត្រីខ្សោយ ឬក៏មានជំងឺ ជួនកាលអាចទាក់ទងទៅនឹងពងបង្កកំណើត(មេជីវិតរបស់ស្ត្រី) មិនប្រក្រតី ឬក៏ការរួមភេទខុសពេលវេលាជាដើម ។
លោកស្រីវេជ្ជបណ្ឌិតបន្តថា កាលណារៀបការយូរហើយនៅតែគ្មានកូន គូស្វាមីភរិយាគួរតែទៅពិនិត្យសុខភាពទាំងពីនាក់ ដើម្បរកមូលហេតុពិតប្រាកដ ហើយការព្យាបាលឲ្យបានសមស្រប ឬក៏ជ្រើសរើសវិធីបង្កកំណើតតាមបច្ចេកវិទ្យាទំនើប ផ្សេងៗ ដើម្បីឲ្យគ្រួសារទាំងមូលកាន់តែមានសុភមង្គលដោយសារតែការមានកូននេះ ។ ការគ្មានកូនមិនមែនតែជាបញ្ហាសាកលនោះទេ ពោលគឺជាបញ្ហារបស់គ្រួសារទាំងមូល ។ ការស្វែងរកដៃគូពិភាក្សា ពិសេសគ្រូពេទ្យជំនាញផ្នែកបង្កកំណើតគឺជាជម្រើសដល់ប្រសើរបំផុត កុំបណ្តោយទុកយូររហូតមានការរកាំរកូស ដោយសារតែបញ្ហានេះ ព្រោះបច្ចុប្បន្ននេះបញ្ហាគ្មានកូនលែងជាឧបសគ្គទៀតហើយ ដោយសារតែបច្ចេកវិទ្យាទំនើបៗ ៕
ចែករំលែកព័តមាននេះ