ADផ្ទាំងផ្សព្វផ្សាយពាណិជ្ជកម្ម

Picture

ហ៊ាន​មែន! ​​ចិនតៃវ៉ាន់ម្នាក់​​ប្រើល្បិច​រុំលាក់​ទុក​ដាក់​ជាប់​​នឹង​ដងខ្លួន ប្រុង​​​ឡើង​យន្តហោះ តែត្រូវ​អស់​លក្ខណ៍

2 ឆ្នាំ មុន
  • ភ្នំពេញ

សមត្ថកិច្ច​នគរបាល​ការិយាល័យ​ទី​១០ នៃ​មន្ទីរ​ប្រឆាំង​គ្រឿងញៀ.ន កាលពី​ថ្ងៃ​ទី​៦ ខែធ្នូ ឆ្នាំ​២០២២ បាន​បញ្ជូន​បុរស​ជន​ជាតិ​​ចិនតៃវ៉ាន់​ម្នាក់ ​ទៅ​កាន់​​សាលាដំបូង​រាជធានី​ភ្នំពេញ ពី​បទ​​ជាប់​ពាក់ព័ន្ធ​នឹង​ករណី

រាជធានី​ភ្នំពេញ ៖ សមត្ថកិច្ច​នគរបាល​ការិយាល័យ​ទី​១០ នៃ​មន្ទីរ​ប្រឆាំង​គ្រឿងញៀ.ន កាលពី​ថ្ងៃ​ទី​៦ ខែធ្នូ ឆ្នាំ​២០២២ បាន​បញ្ជូន​បុរស​ជនជាតិ​ចិនតៃវ៉ាន់​ម្នាក់ ​ទៅ​កាន់​​សាលាដំបូង​រាជធានី​ភ្នំពេញ ពី​បទ​​ជាប់​ពាក់ព័ន្ធ​នឹង​ករណី​ជួញដូរ និង​ដឹក​ជញ្ជូន​នូវ​សារធាតុ​ញៀ.ន​ដោយ​ខុសច្បាប់​។

ជនសង្ស័យ​រូប​នេះ​ឈ្មោះ Yang Chin Chung អាយុ​៤៦​ឆ្នាំ កាន់​លិខិតឆ្លងដែន​លេខ ៣៦០៦៧២២៤៤ ។

ដោយ​អនុវត្ត​តាម​បទបញ្ជា​របស់​នាយ​ឧត្តមសេនីយ៍ នេ​ត សា​វឿ​ន អគ្គស្នងការ​នគរបាល​ជាតិ នាយ​ឧត្តមសេនីយ៍ ម៉ក់ ជី​តូ អគ្គស្នងការ​រង ទទួល​ផែន​ការ​ងារ​ប្រយុទ្ធ​ប្រឆាំង​បទល្មើសគ្រឿងញៀ.ន ក្រោម​​ការ​ដឹកនាំ​ផ្ទាល់​របស់​លោកឧត្តមសេនីយ៍ទោ ឃឹ​ង សា​រ៉ាត់ នាយក​មន្ទីរប្រឆាំង​គ្រឿងញៀ.ន កាល​ពី​ថ្ងៃ​ទី​៣ ខែធ្នូ ឆ្នាំ២០២២​កន្លង​ទៅ កម្លាំង​នគរបាល​ជំនាញ« ​ក​១០» ដឹកនាំ​ដោយ​លោក​ឧត្តមសេនីយ៍ទោ សារី បុត្រ​សត្យា និង​លោក​ឧត្តមសេនីយ៍ត្រី យឹ​ម សែន​ឧត្តម នាយករង​មន្ទីរ បាន​ចុះ​ទៅ​សហការ​ជាមួយ​សមត្ថកិច្ច​គយ​ប្រចាំ​នៅ​ព្រ​លាន​យន្តហោះ​អន្តរជាតិ​ភ្នំពេញ ច្រក​អ្នកដំណើរ​ចេញ ត្រួត​ពិនិត្យ​ និង​ឆែកឆេរ​អ្នកដំណើរ​មិន​ប្រក្រតី ។

នៅ​ក្នុង​ការ​ត្រួតពិនិត្យ​នោះ បាន​រក​ឃើញ​ជនជាតិ​ចិនតៃវ៉ាន់​ម្នាក់​ ពាក់ព័ន្ធ​នឹង​ករណី​ដឹក​ជញ្ជូន​សារធាតុ​ញៀ.ន​ដោយ​ខុសច្បាប់​ពី​កម្ពុជា មានគោលដៅ​ទៅ​កាន់​ទីក្រុង​តៃប៉ិ កោះ​តៃវ៉ាន់ តាមច្រក​​ព្រ​លាន​​យន្តហោះ​អន្តរជាតិ​ភ្នំពេញ ដោយ​មាន​លាក់​ទុក​សារធាតុ​ញៀ.ន​ប្រភេទ​ហេ​រ៉ូ​អ៊ី​ន​ចំនួន​៨​ដុំ មាន​ទម្ងន់​២.៧៩៩,៧៩​ក្រាម គឺ​ជិត​៣​គីឡូ​ក្រាម ។ សារធាតុ​ញៀន​​ទាំង​នេះ ត្រូវ​បាន​ជនសង្ស័យ​រុំលាក់​ទុក​ដាក់​ជាប់​នឹង​ដងខ្លួន ក្នុង​ទិស​ដៅ​ដឹក​ពី​ប្រទេស​កម្ពុជា តាម​ជើងហោះហើរ​របស់ក្រុមហ៊ុន (EVAAIR) BR0266/03DEC ។

ក្រោយ​ពី​ឃាត់ខ្លួន សមត្ថកិច្ច​គយ​ប្រចាំ​ព្រលាន​យន្តហោះ​អន្តរជាតិ​ភ្នំពេញ បាន​ប្រគល់​ជនសង្ស័យ​និង​វត្ថុ​តាង​ឲ្យ​ទៅ​មន្ទីរ​ប្រឆាំង​គ្រឿងញៀ.ន ដើម្បី​បន្ត​នីតិវិធី​ទៅ​តុលាការ ៕

អត្ថបទសរសេរ ដោយ

កែសម្រួលដោយ