រាជធានីភ្នំពេញ ៖ លោកស្រី សាយ ស្រីលក្ខ័ណ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ កាលពីព្រឹកថ្ងៃទី៧ ខែធ្នូ ឆ្នាំ២០២២នេះ បានប្រកាសសាលសម្រេចក្រមផ្តន្ទាទោសលើសំណុំរឿង.ឃា.តកម្ម ពាក់ព័ន្ធនឹងជនជាប់ចោទជាប្តីអា.រ.កសម្លា.ប់ប្រពន្ធ ព្រោះតែភ្លើងប្រចណ្ឌ ដាក់ពន្ធនាគារអស់មួយជីវិត តាមមាត្រា ២០៥ នៃក្រមព្រហ្មទណ្ឌ។ សាលក្រមនេះ បានបើកផ្លូវទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនភាគីណាមួយមិនសុខចិត្តចំពោះការក្តីនេះ ។
សូមរម្លឹកថា ចៅក្រមស៊ើបសួរសាលាដំបូងរាជធានីភ្នំពេញ កាលថ្ងៃទី៣១ ខែឧសភា ឆ្នាំ២០២២ បានសម្រេចចេញដីកាឃុំខ្លួនជនឧក្រិដ្ឋម្នាក់ ដាក់ពន្ធនាគារជាបណ្តោះអាសន្នក្រោមការចោទប្រកាន់ពីបទ.ឃា.តកម្ម ដោយហិ.ង្សាប្រើកាំបិ.តបុ័ងតោអា.រ.កប្រពន្ធដាច់ចេញពីក្បាល ដោយមរណភាពដល់ជនរងគ្រោះ ដែលច្បាប់បានចែងតាមបញ្ញាតិមាត្រា ២០៥ តម្រូវឲ្យផ្តន្ទាទោសលើជនជាប់ចោទដាក់ពន្ធនាគារអស់មួយជីវិត។ ជនជាប់ចោទរូបនោះមានឈ្មោះ ភួង រដ្ឋា ភេទប្រុស អាយុ២៧ឆ្នាំ ស្នាក់នៅបន្ទប់ជួលលេខ៧ ជាន់ទី១ ផ្ទះលេខ១៥ ផ្លូវលេខ៥៣០ ស្ថិតក្នុងភូមិ៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ដែលមានស្រុក កំណើតនៅភូមិតាំងញាតិ ឃុំពារាម ស្រុកបាទី ខេត្តតាកែវ។
សូមជម្រាមថា បុរសជាជនដៃដល់ដែលសម្លា.ប់ប្រពន្ធ ព្រោះតែភ្លើងប្រចណ្ឌខាងលើនោះ ត្រូវបានកម្លាំងសមត្ថកិច្ចនគរបាលខណ្ឌទួលគោក កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ កាលពីព្រឹកថ្ងៃទី៣០ ខែឧសភា ឆ្នាំ២០២២។ ជនដៃដល់ត្រូវបានកម្លាំងនគរបាលនៃស្នងការនគរបាលរាជធានីភ្នំពេញ សហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ និងខេត្តតាកែវ ស្រាវជ្រាវតាមចាប់ខ្លួនកាលពីវេលាម៉ោងប្រមាណ២និង៤៥នាទីរសៀល ថ្ងៃទី២៨ ខែឧសភា ឆ្នាំ២០២២ នៅតាមផ្លូវជាតិលេខ៥ ស្ថិតក្នុងខណ្ឌព្រែកព្នៅ បន្ទាប់ពីប្រើអំពើហិ.ង្សាផ្តាច់សង្ខាងប្រពន្ធ បណ្តាលឲ្យស្លា.ប់ កាលពីវេលាម៉ោងប្រមាណ៩និង១០នាទីយប់ ថ្ងៃទី២៧ ខែឧសភា ឆ្នាំ២០២២ នៅក្នុងបន្ទប់ជួលខាងលើនេះ។
សូមជម្រាមទៀតថា ជនដៃដល់មានឈ្មោះ ភួង រដ្ឋា ភេទប្រុស អាយុ២៧ឆ្នាំ ចំណែកជនរងគ្រោះជាប្រពន្ធ ឈ្មោះ លី ស្រីនុច អាយុ២៣ ឆ្នាំ មុខរបរបុគ្គលិកផ្នែកអនាម័យ មានស្រុកកំណើតនៅភូមិអញ្ចាញ សង្កាត់អូរចារ ក្រុង-ខេត្តបាត់ដំបង។ ជនរងគ្រោះត្រូវប្តីសម្លា.ប់ដោយប្រើកាំបិតបុ័ងតោអា.រ.កនៅក្នុងបន្ទប់ជួល ហើយបានច្រកក្បាលចូលក្នុងបាវ រួចយកទៅបោះចោលនៅចំណតម៉ូតូ ហើយករណីនេះគឺផ្តើមចេញពីទំនាស់រឿងភ្លើងប្រចណ្ឌ និងជាមនុស្ស មានជំងឺសរសៃប្រសាទផងដែរ។
បើតាមការរៀបរាប់ពីម្ចាស់ផ្ទះជួលបានឲ្យដឹងថា ជនរងគ្រោះបានមកជួលបន្ទប់ស្នាក់នៅជាមួយប្តីតាំងពីអំឡុងខែកុម្ភៈ ឆ្នាំ២០២២ មកម្ល៉េះ ដែលការរស់នៅជាមួយគ្នាជាប្តីប្រពន្ធនេះ គឺបុរសជាប្តីតែងតែមានទំនាស់គ្នាជារៀងរាល់ថ្ងៃ ព្រោះតែភ្លើងប្រចណ្ឌ។ ហើយបន្ទាប់ពីសម្លា.ប់ប្រពន្ធហើយ បុរសជាប្តីរូបនេះបានរត់គេចខ្លួនបាត់ ប៉ុន្តែករណីដ៏រន្ធ.ត់បែបនេះ មិនខុសពីពាក្យថា «ឈា.មស្រែកស្បែកហៅ» ដែលព្រលឹងជនរងគ្រោះនៅតាមអន្ទងជនដៃដល់ ដើម្បីឲ្យសមត្ថកិច្ចចាប់ខ្លួនបាននៅលើផ្លូវជាតិលេខ៥ ស្ថិតក្នុងខណ្ឌព្រែកព្រៅ រាជធានីភ្នំពេញ ហើយនោះជាបាបកម្មដែលជនដៃដល់បានសាង ដោយអំពើសម្លា.ប់មនុស្ស ទើបច្បាប់កំណត់ដាក់ពន្ធនាគារអស់មួយជីវិត៕
ចែករំលែកព័តមាននេះ