ខេត្តសៀមរាប ៖ នៅវេលាម៉ោង២០ និង៥០នាទីយប់ថ្ងៃទី៦ ធ្នូ មានបុរសជនជាតិអូស្ត្រាលីម្នាក់ធ្លាក់ពីលើអគារជាន់ទី៣ ស្ថិតនៅតាមបណ្ដោយផ្លូវសម្ដេចព្រះសង្ឃរាជ្យ ទេព វង្ស ខាងលិចគល់ស្ពានវត្តបូព៌…
ខេត្តសៀមរាប ៖ នៅវេលាម៉ោង២០ និង៥០នាទីយប់ថ្ងៃទី៦ ធ្នូ មានបុរសជនជាតិអូស្ត្រាលីម្នាក់ធ្លាក់ពីលើអគារជាន់ទី៣ ស្ថិតនៅតាមបណ្ដោយផ្លូវសម្ដេចព្រះសង្ឃរាជ្យ ទេព វង្ស ខាងលិចគល់ស្ពានវត្តបូព៌ ប្រហែល១០០ម៉ែត្រ ស្ថិតក្នុងភូមិមណ្ឌល១ សង្កាត់ស្វាយបង្គំ ខេត្តសៀមរាប (ទីតាំងជាអតីតផ្សារថៃហួត) ដែលបច្ចុប្បន្នជាក្លឹបហាត់ប្រាណយីហោ អង្គរហ្វីតណេស (ANGKOR FITNESS) បណ្ដាលឱ្យស្លា.ប់ភ្លាមៗនៅនឹងកន្លែងកើតហេតុ ។ ហើយករណីនេះដែរ ក៏គេនៅមិនទាន់ដឹងពីមូលហេតុពិតប្រាកដនោះដែរ ។
ជុំវិញករណី ការស្លា.ប់ជនបរទេសនេះ ភ្នាក់ងារកោះសន្តិភាពនៅពុំទាន់អាចបញ្ជាក់អំពីមូលហេតុច្បាស់លាស់បាននៅឡើយទេ ពីសមត្ថកិច្ចពាក់ព័ន្ធ គិតត្រឹមវេលាម៉ោង១ និង១៥នាទីរសៀលថ្ងៃទី៧ខែធ្នូ ឆ្នាំ២០២២ នេះ ខណៈសមត្ថកិច្ចកំពុងស្រាវជ្រាវសួរនាំបុគ្គលិកហាត់ប្រាណ និងម្ចាស់ទីតាំង ។
ទោះបីជាយ៉ាងណា សមត្ថកិច្ចបន្ទាប់ពីធ្វើការពិនិត្យកន្លែងកើតហេតុ និងធ្វើកោសល្យវិច័យលើសាកសពរួចរាល់ ក៏បានដឹកយកសា.ក.ស.ពយកទៅរក្សាទុកនៅមន្ទីរពេទ្យបង្អែកខេត្តសៀមរាប ដើម្បីធ្វើការទំនាក់ទំនងទៅស្ថានទូត រង់ចាំសាច់ញាតិ និងក្រុមគ្រួសារមកទទួល យកទៅធ្វើបុណ្យតាមប្រពៃណី ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ