ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី៦ ខែធ្នូ ឆ្នាំ២០២២ បានចេញដីកាសម្រេចឃុំខ្លួនមុខសញ្ញាប្លន់ប្រដាប់អាវុធចំនួន៣នាក់ ដាក់ពន្ធពន្ធនាគារជាបណ្តោះអាសន្ន ពីបទ.លួចមានស្ថានទម្ងន់ទោស (ប្លន់) ដើម្បី
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី៦ ខែធ្នូ ឆ្នាំ២០២២ បានចេញដីកាសម្រេចឃុំខ្លួនមុខសញ្ញាប្លន់ប្រដាប់អាវុធចំនួន៣នាក់ ដាក់ពន្ធពន្ធនាគារជាបណ្តោះអាសន្ន ពីបទ.លួចមានស្ថានទម្ងន់ទោស (ប្លន់) ដើម្បីរង់ចាំទទួលទោសតាមបទល្មើសដែលពួកគេបានប្រព្រឹត្ត ។
ជនសង្ស័យទាំង៣នាក់ខាងលើនោះរួមមាន ៖ ១- ឈ្មោះ សុខ ហេង ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅភូមិពុនសាង ស្រុកព្រៃកបាស ខេត្តតាកែវ។ ២- ឈ្មោះ អែល ហិល ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅវត្តស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ៣- ឈ្មោះ ជុំ វិរៈ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅភូមិថ្មី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
សូមជម្រាបថា កាលពីវេលាថ្ងៃទី២ ខែធ្នូ ឆ្នាំ២០២២ ដោយពេញមួយថ្ងៃដែលកម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ ដឹកនាំផ្ទាល់ដោយលោកឧត្តមសេនីយ៍ទោ ជាវ វិបុល អនុប្រធាននាយកដ្ឋាន បានបើកប្រតិបត្តិការស្រាវជ្រាវតាមស្វែងរកចាប់ខ្លួនជាបន្តបន្ទាប់នូវមុខសញ្ញាជាជនសង្ស័យពាក់ព័ន្ធករណីកាច់សោម៉ូតូ និងប្លន់ប្រដាប់អាវុធយ៉ាងសកម្ម នៅភូមិសាស្ត្រតាមបណ្តាខណ្ឌ ក្នុងរាជធានីភ្នំពេញ។
ប្រតិបត្តិការខាងលើនោះ ត្រូវបានសមត្ថកិច្ចធ្វើការឃាត់ខ្លួនមនុស្សទាំងអស់ចំនួន៧នាក់ តែមាន៣នាក់ជាមុខសញ្ញាប្លន់ប្រដាប់អាវុធ និងកាច់សោ.កម៉ូតូ ចំណែក៤នាក់ទៀតក៏ត្រូវជាប់ខ្នោះដៃរបស់សសត្ថកិច្ចដែរ ដោយមានស្ថានភាពភ័យស្លន់ស្លោក្នុងរង្វង់ប្រតិបត្តិការ ប៉ុន្តែក្រោយមក ត្រូវបានសមត្ថកិច្ចដោះលែងឲ្យមានសេរីភាពវិញ ដោយពួកគេរកមិនឃើញមានជាប់ពាក់ព័ន្ធបទល្មើសប្លន់ប្រដាប់អាវុធនោះទេ។
ប្រតិបត្តិការដដែលនោះ សមត្ថកិច្ចបានធ្វើការដកហូតវត្ថុតាងរួមមាន ៖ ម៉ូតូ២គ្រឿង, រថយន្ត១គ្រឿង, ស្លាកលេខម៉ូតូ, ប្រដាប់កាច់សោ.ក ម៉ូតូ, គ្រាប់កាំភ្លើ.ងជាច្រើនគ្រាប់ និងសម្ភារៈពាក់ព័ន្ធធ្វើសកម្មភាពមួយចំនួនទៀត៕
ចែករំលែកព័តមាននេះ