១-ភេខាំទាញកុមារីធ្លាក់ចូលទឹកសមុទ្រ
មនុស្សជាច្រើនរន្ធត់ពេលឃើញសត្វភេលោតត្របាក់ខាំទាញក្មេងស្រីធ្លាក់ក្នុងទឹកនៅកំពង់ផែ «ស្ទីវ៉េស្ដុន» ប្រទេសកាណាដា ។
២-ដូណាល់ត្រាំ វាយប្រហារអីុរ៉ង់ថាជាអ្នកគាំទ្រភេរវករ
ប្រធានាធិបតីអាមេរិក បានថ្លែងក្នុងកិច្ចប្រជុំកំពូលអាមេរិក-អីុស្លាមនៅប្រទេសអារ៉ាប៊ីសាអ៊ូឌីត វាយប្រហារប្រទេសអុីរ៉ង់ថា ជាមហាអំណាចនិកាយ «សីុអា» ជាគូទំនាស់របស់អារ៉ាប៊ីសាអ៊ូឌីតនិកាយ «ស៊ូនី» និងជាអ្នកទ្រទ្រង់ក្រុមភេរវករ ។
៣-ជួយជម្លៀសបាឡែនយក្សដែលវង្វេងទិសដៅ
ត្រីបាឡែនខ្នងគម បានវង្វេងទីជម្រកទៅទើរលើឆ្នេរកាលីហ្វ៊័រនីញ៉ា ខាងត្បូងសហរដ្ឋអាមេរិក ធ្វើឱ្យមនុស្សជាច្រើនចោមរោមមើល និងជួយនាំផ្លូវទៅរកទីជម្រកវិញ ។
៤-ក្រុមជនល្មើសចូលផ្ទះសំណាក់ក្រុងកាប៊ុល សម្លាប់ជនជាតិអាល្លឺម៉ង់
មន្ដ្រីផ្នែកគ្រោះមហន្ដរាយជនជាតិអាល្លឺម៉ង់ ត្រូវសម្លាប់រួមជាមួយក្រុមសន្ដិសុខជនជាតិអាហ្វហ្គានីស្ថាន ក្រោយពីមានល្មើសលុកលុយចូលផ្ទះសំណាក់មួយនៅកណ្ដាលក្រុងកាប៊ុល រួមទាំងចាប់ពង្រត់ស្ដ្រីហ្វាំងឡង់ម្នាក់ផងដែរ ។
៥-ចិនចេញបញ្ជាបិទផ្សារសត្វស្លាបនៅស៊ីឈួន
វីរុសគ្រុនផ្ដាសាយបក្សីនៅចិន កើតឡើងជាបន្ដបន្ទាប់ ហើយចុងក្រោយនេះអាជ្ញាធរបិទទីផ្សារជួញដូរសត្វស្លាបមួយនៅខេត្ដសុីឈួន ក្រោយពីប្រទះឃើញអាជីវករម្នាក់ឆ្លងវីរុសK7N9 ។
៦-អ្នកឡើងភ្នំ៣នាក់ស្លាប់និងបាត់ខ្លួនម្នាក់ក្បែរកំពូលភ្នំអេវើរ៉េស
មានអ្នកឡើងភ្នំ៣នាក់ស្លាប់និងម្នាក់ទៀតបាត់ខ្លួននៅកំពូលភ្នំអេវើរ៉េស កាលពីពេល ថ្មីៗកន្លងមកនៅប្រទេសនេប៉ាល់ ។
៧-ក្រុមហ៊ុនអាកាសចរណ៍«Cathay Pacific» បញ្ឈប់បុគ្គលិក៦០០នាក់
ក្រុមហ៊ុនអាកាសចរណ៍«Cathay Pacific» របស់ហុងកុង បានប្រកាសបញ្ឈប់បុគ្គលិក៦០០នាក់ ដើម្បីបង្កើនការប្រកួតប្រជែងនិងកាត់បន្ថយដើមទុន ។
៨-ប៉ូលិសឥណ្ឌូណេស៊ី លុកលុយចូលពិធីជប់លៀងខ្ទើយនៅក្រុងហ្សាការតា
អាជ្ញាធរនៅឥណ្ឌូណេស៊ី ចាប់ខ្លួនក្រុមខ្ទើយចំនួន១៤១នាក់ ក្នុងពិធីជប់លៀងមួយនៅក្រុងហ្សាការតា និងជាផ្នែកមួយដើម្បីលុបបំបាត់ក្រុមអ្នកស្រលាញ់ភេទដូចគ្នានៅក្នុងប្រទេសដែលមានពលរដ្ឋមូស្ល៊ីមច្រើនបំផុតនោះ ។
៩-រថយន្ដក្រុងម៉ិកស៊ិកធ្លាក់ជ្រោះកម្ពស់៩០ម៉ែត្រ
យ៉ាងហោចណាស់មានអ្នកស្លាប់១៧នាក់ក្នុងឧប្បត្ដិហេតុរថយន្ដក្រុងធ្លាក់ក្នុងជ្រោះកម្ពស់៩០ម៉ែត្រ នៅតំបន់ម៉ូតូស៊ីនថាឡា ប្រទេសម៉ិកស៊ិក ក្បែរព្រំដែនប្រទេសក្វាតេតែម៉ាឡា ដោយហេតុការណ៍នេះកើតឡើងកាលពីថ្ងៃទី២១ ខែឧសភា ឆ្នាំ២០១៧ ។
១០-ហ្វ៊ីលីពីនហាមព្យួរឧបករណ៍សំអាងនានានៅខាងមុខរថយន្ដ
ដើម្បីសុវត្ថិភាពលើដងផ្លូវ អាជ្ញាធរហ្វ៊ីលីពីនបានហាមយកឧបករណ៍នានា ចងព្យួរនៅបរិវេណខាងមុខរថយន្ដ ដោយបម្រាមនេះបានទទួលការតវ៉ាពីគ្រឹស្ដសាសនិកជននៅក្នុងប្រទេស ៕
ចែករំលែកព័តមាននេះ