ADផ្ទាំងផ្សព្វផ្សាយពាណិជ្ជកម្ម

Picture

​​៤​ឆ្នាំ​គ្រូ​ឱ​ស​ថ​បុរាណបាន​​សង្គ្រោះ​អ្នកជំងឺ​៥.០០០​នាក់​ និង​ជួយ​អ្នក​ភូមិឱ្យ​មានមុខ​របរ​​

1 ខែ មុន
  • បាត់ដំបង

ខេត្ត​បា​ត់ដំបង ​៖​ ក្នុង​រយៈពេល​០៤​ឆ្នាំ​កន្លង​ទៅ​នេះ មាន​អ្នកជំងឺ​ទូទៅ​យ៉ាងតិច​៥.០០០​នាក់ ដែល​ភាគច្រើន​ជា​អ្នកជំងឺ​ដែល​អស់​លទ្ធភាព​ព្យាបាល​នៅ​មន្ទីរពេទ្យ  ត្រូវ​បាន​ជួយ​សង្គ្រោះ​ឲ្យ​ជា​សះ​ស្បើយ​​តាម​រយៈ​ការ​ប្រើប្រាស់ថ្នាំ​ឱស​ថ​បុរាណ​ខ្មែរ​ ។  នេះ​បើ​តាម​ការ​អះអាង​របស់​គ្រូ​ឱស​ថ​បុរាណ​​ខ្មែរ​ដ៏​ល្បីឈ្មោះ​ម្នាក់ កំពុង​រស់​លាក់ខ្លួន​ពូន​អាត្មា​ផ្សំ​ថ្នាំខ្មែរ​ក្បែរ​ជើងភ្នំ​មួយ​កន្លែង​នៅ​ស្រុក​រុក្ខ​គិរី ​។…

ខេត្ត​បា​ត់ដំបង ​៖​ ក្នុង​រយៈពេល​០៤​ឆ្នាំ​កន្លង​ទៅ​នេះ មាន​អ្នកជំងឺ​ទូទៅ​យ៉ាងតិច​៥.០០០​នាក់ ដែល​ភាគច្រើន​ជា​អ្នកជំងឺ​ដែល​អស់​លទ្ធភាព​ព្យាបាល​នៅ​មន្ទីរពេទ្យ  ត្រូវ​បាន​ជួយ​សង្គ្រោះ​ឲ្យ​ជា​សះ​ស្បើយ​​តាម​រយៈ​ការ​ប្រើប្រាស់ថ្នាំ​ឱស​ថ​បុរាណ​ខ្មែរ​ ។  នេះ​បើ​តាម​ការ​អះអាង​របស់​គ្រូ​ឱស​ថ​បុរាណ​​ខ្មែរ​ដ៏​ល្បីឈ្មោះ​ម្នាក់ កំពុង​រស់​លាក់ខ្លួន​ពូន​អាត្មា​ផ្សំ​ថ្នាំខ្មែរ​ក្បែរ​ជើងភ្នំ​មួយ​កន្លែង​នៅ​ស្រុក​រុក្ខ​គិរី ​។

Picture

លោក ភឿន គឹ​ម​សេង អាយុ​៤៣​ឆ្នាំ រស់នៅ​ឃុំ​ស្ដុក​ប្រវឹក ស្រុក​រុក្ខ​គិរី  ត្រូវ​បាន​គេ​ស្គាល់​ថា  គាត់​ជា​គ្រូ​ឱ​ស​ថ​បុរាណ​ខ្មែរ​ដ៏​ល្បីឈ្មោះ ដែល​រស់​លាក់ខ្លួន​ពួន​អាត្មា​ជាមួយ​បងប្អូន​សាច់ញាតិ​ប៉ុន្មាន​គ្រួសារ​ទៀត នៅ​ក្បែរ​ជើងភ្នំ​ស្វា​ខ្មៅ ដើម្បី​សំងំផ្សំ​ថ្នាំខ្មែរ​លក់​ព្យាបាល​អ្នកជំងឺ​ ។ ​ដោយសារ​តែ​មាន​ការ​ជឿជាក់ អ្នកជំងឺ​ស្ទើរ​គ្រប់​ខេត្ត-រាជធានី បាន​ទូរ​ស័​ទ្ទ​ទំនាក់ទំនង​ទិញ​ថ្នាំខ្មែរ​ពី​លោកគ្រូ គឹ​ម​សេង ជា​បន្តបន្ទាប់​ស្ទើរ​គ្មាន​ពេលទំនេរ  រហូត​ពេល​ខ្លះ​អស់​ថ្នាំ​ពី​ក្នុង​ស្ដុ​ប​ទៀត​ផង ព្រោះ​តម្រូវការ​ច្រើន​ពេក​ ។

Picture

មិន​ត្រឹម​​តែ​ល្បីល្បាញ​ជួយ​ព្យាបាល​អ្នកជំងឺ​បានជា​សះស្បើយ​រាប់​ពាន់​នាក់​ប៉ុណ្ណោះ​ទេ តាម​រយៈ​មុខរបរ​ផ្សំ​ថ្នាំខ្មែរ​លក់​របស់​លោកគ្រូ​ឱ​ស​ថ​បុរាណ​រូប​នេះ បាន​ជួយ​ដល់​អ្នក​ភូមិ​មួយ​ចំនួន​ធំ​ឲ្យ​មានមុខ​របរ និង​មាន​ជីវភាព​ល្អ​ប្រសើរ​ទៀត​ផង  តាម​រយៈ​ការ​ដើរ​រុករក​គាស់​ថ្នាំខ្មែរ​លក់​ឲ្យ​លោក​គ្រូ​គឹ​ម​សេង​ ។ ​ជួប​ជាមួយ​កោះសន្តិភាព ​កាលពី​ស​ប្ដា​ហ៍​មុន​នេះ លោក ភឿន គឹ​ម​សេង បាន​​និយាយ​ថា  រយៈពេល​០៤​ឆ្នាំ​កន្លង​មក​ហើយ ដែល​លោក​ចេះ​ព្យាបាល​អ្នកជំងឺ​ដោយ​ប្រើប្រាស់​ឱស​ថ​បុរាណ​ ។  

Picture

លោក​បាន​អះអាង​ដូច្នេះ​ថា «​អ្នកជំងឺ​ទូទៅ​យ៉ាងតិច​៥,០០០​នាក់ ដែល​លោក​ធ្លាប់​បាន​ព្យាបាល​ក្នុង​រយៈពេល​០៤​ឆ្នាំ​កន្លង​ទៅ​នេះ ហើយ​ភាគច្រើន​ជា​អ្នកជំងឺ​ដែល​អស់​លទ្ធភាព​ព្យាបាល​នៅ​មន្ទីរ​ពេទ្យ​»​។​ តើ​អ្នកជំងឺ​ទាំង​៥,០០០​នាក់​នោះ ដែល​ធ្លាប់​ព្យាបាល​០៤​ឆ្នាំ​កន្លង​ទៅ​នេះ សុទ្ធតែ​បានជា​សះស្បើយ​ទាំងអស់​ឬ​បែប​ណា ?  «​បើ​តាម​ខ្ញុំ​តាមដាន​ស្ទើរ​គ្រប់​អ្នកជំងឺ ក្រោយ​ខ្ញុំ​បាន​ព្យាបាល ដូច​ជា​ពុំ​មាន​អ្នកជំងឺ​ណា​ម្នាក់​ដែល​ថា មិនជា​នោះ​ទេ​។  ជា​ទូទៅ​អ្នកជំងឺ​តែង​តែទូរស័ព្ទ​ប្រាប់​ខ្ញុំ អំពី​អា​ការៈរោគ​របស់​ពួក​គាត់​បាន​ធូរ​ស្រាល និង​ជា​សះស្បើយ  ក្រោយ​ប្រើ​ថ្នាំ​ឱ​ស​ថ​បុរាណ​របស់ខ្ញុំបាន​គ្រប់​កំណត់​»​។  នេះ​ជា​ចម្លើយ​ដោយ​ការ​ជឿជាក់​របស់​លោក ភឿន គឹ​ម​សេង គ្រូ​ឱ​ស​ថ​បុរាណ
​ខ្មែរ​ ។

Picture

លោក គឺ​ម​សេង បាន​ប្រាប់​ថា  អ្នកជំងឺ​ទូទៅ​សុទ្ធតែ​បាន​ទិញ​ឱ​ស​ថ​បុរាណ​របស់​លោក​យក​ទៅ​ព្យាបាល​ទាំងអស់​។  ប៉ុន្តែ​បើ​តាម​ការ​កត់សម្គាល់​តាម​រយៈ​ការ​សួរនាំ​អ្នកជំងឺ​ភាគច្រើន គឺជា​ជំងឺ​ដែល​អស់​លទ្ធភាព​ព្យាបាល​នៅ​មន្ទីរពេទ្យ​ ។ ​តើ​អ្នកជំងឺ​អ្វី​ដែល​ធ្ងន់ធ្ងរ​ជាងគេ អស់​លទ្ធភាព​ព្យា​បាល​នៅ​ពេទ្យ ហើយរ​ត់ម​ករក​ថ្នាំខ្មែរ​របស់​លោកគ្រូ​ព្យាបាល​វិញ ?   លោកគ្រូ​ថ្នាំខ្មែរ​រូប​នេះ​បាន​ផ្ដល់​ចម្លើយ​ថា  «​គឺ​ជំងឺ​មហារីក មហារីក​ថ្លើម  ទាច​ទឹក ដំបៅ​ក្រពះ រលាក​តម្រងនោម​ធ្ងន់ធ្ងរ ឬ ណែន​ក្រពះ ជា​ពិសេស​ផ្នែក​រោគ​ស្ត្រី​»​។​ល​។​និង​។​ល​។

Picture

លោក ភឿន គឹ​ម​សេង មាន​ប្រពន្ធ​និង​កូន រស់នៅ​ក្នុង​ព្រៃ​ក្បែរ​ជើងភ្នំ​ដាច់​ស្រ​យាល ជាមួយនឹង​បងប្អូន​ប៉ុន្មាន​គ្រួសារ​ទៀត ហ៊ុមព័ទ្ធ​ទៅ​ដោយ​ជួរ​ភ្នំ​ស្វា​ខ្មៅ ដែល​ជា​អំណោយផល​ដ៏​ល្អ​ដល់​លោក ក្នុង​ការ​រុករក​ថ្នាំ​ឱ​ស​ថ​បុរាណ​ខ្មែរ​។   បងប្អូន​ក្រុម​គ្រួសារ​របស់​លោក  រួម​ទាំង​អ្នក​ភូមិ​មួយ​ចំនួន​ទៀត​ផង សុទ្ធតែ​មាន​ចំណូល​ប្រចាំ​ថ្ងៃ ដែល​បាន​មក​ពី​ការ​ដើរ​ស្វែងរក​គាស់​ដើម​ថ្នាំ​យក​ទៅ​លក់​ឲ្យ​លោកគ្រូសេង​ ។  ​

Picture

ដើម​ថ្នាំ​រាប់​ពាន់​មុខ​ដែល​លោកគ្រូ​គឹ​ម​សេង ផ្សំ​ជាឱ​ស​ថ​បុរាណ​ព្យាបាល​ជំងឺ​គ្រប់​ប្រភេទ​ ។  ដោយ​សារ​តែ​តម្រូវការ​ខ្ពស់ ទើប​លោកគ្រូ​ឱ​ស​ថ​បុរាណ​រូប​នេះ ចាំបាច់​ត្រូវ​តែ​ជួ​លអ្ន​កភូមិ​ឲ្យ ជួយ​ស្វែង​រក​ថ្នាំ​តាម​ការ​ចង្អុលបង្ហាញ​របស់​លោក​ ។    ក្នុង​មួយ​ថ្ងៃ​ៗ អ្នក​ស្វែងរក​ថ្នាំខ្មែរ​ទាំងនោះ​ អាច​រក​ប្រាក់​ចំណូល​បាន​យ៉ាងតិច​ចន្លោះ​ពី​១០​ម៉ឺន​រៀល រហូត​ដល់​ជិត​១​លាន​រៀល​ក៏​មាន  ទៅ​តាម​ប្រភេទ​ដើម​ថ្នាំ​សំខាន់​ឬ​មិន​សំខាន់  តាម​តម្រូវការ​ចាំបាច់​របស់​លោកគ្រូ គឹ​ម​សេង បញ្ជា​ឲ្យ​ស្វែង​រក​ ។  ដើម​ថ្នាំ​ដែល​លោកគ្រូ គឹ​ម​សេង កុម្ម៉ង់​ទិញ​មាន​តំលៃ​ចាប់ពី​៣,០០០​រៀល រហូត​ដល់​២០,០០០​រៀល ក្នុង​០១​គីឡូក្រាម ដោយ​យោង​ទៅ​តាម​ប្រភេទ​ថ្នាំ​។  ជួរ​ភ្នំ​ស្វា​ខ្មៅ គឺជា​ប្រភព នៃ​ថ្នាំខ្មែរ​។ 

Picture

អ្នករុករក​ដើម​ថ្នាំ​ទាំងអស់​ត្រូវ​ឡើង​ភ្នំ​នេះ យ៉ាង​លំបាកលំបិន​បំផុត​។  ព្រោះ​ដើម​ថ្នាំ​ខ្លះ​ដុះ​តាម​ចន្លោះ​ផ្ទាំង​ថ្ម ខ្លះ​ដុះ​នៅ​ដី​ទំនាប ខ្លះ​ទៀត​ដុះ​តាម​ជម្រាលភ្នំ​ ។ អ្នករុករក​ថ្នាំខ្មែរ​ដ៏​មមារញឹក​ម្នាក់ លោក ភឿន គឹ​ម​ស៊ន អាយុ​៤២​ឆ្នាំ បាន​និយាយ​ថា  «​អ្នក​ភូមិ​នៅ​ទី​នេះ​មួយ​ចំនួន មានមុខ​របរ​ធ្វើស្រែ​ចំការ​តិចតួច តែ​ប៉ុន្មាន​ឆ្នាំ​ចុង​ក្រោយ​នេះ មាន​មុខរបរ​បន្ថែម គឺ​ដើរ​រក​ថ្នាំខ្មែរ​លក់​ឲ្យ​លោក​គ្រូ សេង​» ​។   លោក គឹ​ម​ស៊ន បាន​លើក​សរសើ​​ដល់​លោកគ្រូ​សេង ដែល​ចេះ​ផ្សំ​ថ្នាំខ្មែរ ធ្វើ​ឲ្យ​អ្នក​ភូមិ​មានមុខរ​បរជា​ប្រចាំ គឺ «​ដើរ​គាស់​ថ្នាំ​លក់​» ​។​ លោក​គឹ​ម​ស៊ន បាន​និយាយ​បែប​នេះ នៅ​ពេល​គាត់​និង​ភរិយា ទើប​ត្រឡប់​មក​ពី​រក​ថ្នាំ​វិញ​ ។ 

Picture

គាត់​បាន​លើក​ថ្នាំខ្មែរ​ចំនួន​០២​កា​រ៉ុ​ង​ថ្លឹង​នៅ​លើ​គោ​យន្ត ដែល​ជា​មធ្យោបាយ​ដឹក​ជញ្ជូន​ដ៏​ខាន់​របស់​គាត់​ ។ គាត់​និយាយ​ថា «​ថ្ងៃនេះ​ ខ្ញុំរក​ថ្នាំ​បាន​ចំនួន​២៩​គី​ឡី​ក្រាម ព្រោះ​ចេញពីផ្ទះ​ទៅ​ថ្ងៃ​ខ្ពស់​ដែរ​ហើយ​»​។  តើ​ថ្នាំ​ចំនួន​២៩​គីឡូ បាន​លុយ​ប៉ុន្មាន​ដែរ ? «​ថ្នាំ​នេះ ០១​គីឡូ​ថ្លែ​៥,០០០​រៀល ចឹ​ង​បាន​ជិត​១៥​ម៉ឺន​រៀល​ដែរ​»​។ នេះ​ជា​ចម្លើយ​លោក ភឿន គឹ​ម​ស៊ន អ្នក​ឡើង​ភ្នំ​រុករក​ថ្នាំបុរាណ​លក់​ឲ្យ​គ្រូ
​គឹ​ម​សេង​។ គាត់​បាន​បញ្ជាក់​ថា  រាល់​ដើម​ថ្នាំ​ដែល​គាត់ និង​អ្នក​ភូមិ​ដទៃ​ទៀត​ឡើង​ភ្នំ​រុករក គឺ​សុទ្ធតែ​មានការ​កុម្ម៉ង់​ពី​លោកគ្រូគឹ​ម​សេង ប្រាប់​ឈ្មោះ​ដើម​ថ្នាំ​ដែល​ត្រូវ​រក​ ។ 

Picture

ថ្ងៃ​ខ្លះ​គាត់​អាច​រក​ចំណូល​បាន​លើស​ពី​៣០​ម៉ឺន​រៀល​ក្នុង​មួយ​ថ្ងៃ រីឯ​អ្នក​ភូមិ​ដទៃ​ទៀត​ក៏​រកបាន​ដូច​គ្នា​ដែរ  ហើយ​ដើម​ថ្នាំ​ខ្លះ​មាន​តំលៃ​ដល់​ទៅ​២០,០០០​រៀល​ក្នុង​មួយ​គីឡូ​ ។ ត្រង់​ចំណុច​នេះ គ្រូ​ឱស​ថ​បុរាណ​ខ្មែរ លោក ភឿន គឹ​ម​សេង ក៏​បាន​បង្ហាញ​នូវ​មោ​ទ​នៈ​ផង​ដែរ ចំពោះ​មុខរបរ​ផ្សំ​ឱស​ថ​បុរាណ​របស់​លោក ដែល​អាច​ផ្ដល់​ឲ្យ​អ្នក​ភូមិ​មាន​ចំណូល​ប្រចាំ​ថ្ងៃ  ធ្វើ​ឲ្យ​ពួក​គេ​មាន​ជីវភាព​ធូ​រធា​​មួយ​កំរិត ​។  

Picture

លោក គឹ​ម​សេង បាន​ថ្លែង​ថា  កន្លង​មក ​មានគ្រួសារ​ខ្លះ​ជំពាក់​បំណុល​គេ​ដោះ​មិន​រួច តែ​ក្រោយ​ពី​លោក​ផ្ដល់​មុខរបរ​ស្វែងរក​ថ្នាំខ្មែរ​លក់​មក ពួក​គេ​ហាក់​មាន​ជីវភាព​ធូ​រស្រាល​បន្តិច រហូត​អ្នកខ្លះ​បាន​សងបំណុល​គេ​រួច​ទៀត​ផង​។  លោក​បាន​បញ្ជាក់​ថា  សព្វថ្ងៃ​មាន​អ្នក​ភូមិ​ជា​ច្រើន​បាន​ដើរ​ស្វែងរក​ថ្នាំខ្មែរ​យក​មក​លក់​ឲ្យ​លោក  តែ​ពួក​គេ​ត្រូវ​ស្វែងរក​ដើម​ថ្នាំ​ណា​ដែល​លោក​ត្រូវការ​ ។ ក្នុង​មួយ​ខែ ​លោក​ត្រូវ​ចំណាយ​ប្រាក់​យ៉ាងតិច​ជាង​១០​លាន​រៀល​ដែរ ដើម្បី​ទិញ​ថ្នាំ​ពី​អ្នក​ភូមិ ដែល​លោក​កុម្ម៉ង់​ឲ្យ​រក​។   ដោយឡែក​ អ្នកជំងឺ​វិញ បើ​តាម​លោកគ្រូ​ថ្នាំខ្មែរ​រូប​នេះ បាន​ប្រាប់​ថា  ក្នុង​មួយ​ខែ​យ៉ាងតិច​២០០​នាក់បាន​ទូរស័ព្ទ​រ៉ាយរ៉ាប់​ប្រាប់​ពី​ជំងឺ និង​បញ្ជា​ទិញ​ថ្នាំ​យក​ទៅ​ព្យាបាល​ ។

Picture

លោកគ្រូ គឹ​ម​សេង បាន​បញ្ជាក់​យ៉ាង​ដូច្នេះ​ថា «​រាល់​អ្នកជំងឺ ភាគច្រើន​ខ្ញុំ​មិន​ដែល​បាន​ជួប​សួរនាំ ឬ​ពិនិត្យ​អាការៈរោគ​ផ្ទាល់​ទេ គឺ​អ្នកជំងឺ​តេ​មក​សួរ​ខ្ញុំ​តាម​ទូរស័ព្ទ​។ ក្រោយ​ពី​សួរនាំ​ដឹង​ពី​អាកា​រៈ​​រោគ​ ខ្ញុំ​ផ្សំ​ថ្នាំ​ផ្ញើ​ទៅ​ឲ្យ​តាម​រថយន្ត​តែ​ម្ដង ព្រោះ​អ្នកជំងឺ​នៅ​ខេត្ត​ឆ្ងាយ​ៗ​ណាស់​ ។  ហើយ​ក្រោយ​ពី​បាន​ប្រើ​ថ្នាំ​មួយ​រយៈអ្នកជំងឺ​តែង​ទូរស័ព្ទ​ប្រាប់​ពី​អាការៈរោគ​បាន​ធូរ​ស្រាល ឬ​អ្នកខ្លះ​ជា​សះស្បើយ​តែ​ម្ដង ក្រោយ​ពី​បាន​ប្រើ​ថ្នាំ​គ្រប់​កំណត់​»​ ។

Picture

ប៉ុន្តែ​យ៉ាងណា លោកគ្រូ​ឱ​ស​ថ​បុរាណ​ខ្មែរ​ដ៏​ល្បី​រូប​នេះ​ក៏​បាន​បង្ហាញ​នូវ​ក្ដី​បារម្ភ​ផង​ដែរ ចំពោះ​ដើម​ថ្នាំ​មួយ​ចំនួន ដែល​កំពុង​ប្រឈម​នឹង​ការ​ដាច់​ពូជ ​។  លោក ភឿន គឹ​ម​សេង បាន​លើក​ឡើង​ថា  ដោយ​សារ​តែ​មួយ​ថ្ងៃ​ៗ  លោក​មាន​តម្រូវការ​ច្រើន​នូវ​ដើម​ថ្នាំខ្មែរ​បុរាណ​រាប់​ពាន់​មុខ  ធ្វើ​ឲ្យ​ដើម​ថ្នាំ​ខ្លះ​ពិបាក​រក ហើយ​ដើម​ថ្នាំ​ខ្លះ​ក៏​ស្ទើរតែ​ដាច់​ពូជ​ដែរ​។ ដូច្នេះ​ នេះ​ជា​ការ​បារម្ភ​បំផុត ក្រែង​ថ្ងៃក្រោយ​លោក​ជួប​ការ​លំបាក​ក្នុង​ការ​ស្វែងរក​ថ្នាំ​ព្យាបាល​អ្នកជំងឺ​។​

Picture

តើ​លោក​រៀន​ចេះ​ចាំ​ផ្សំ​ថ្នាំខ្មែរ​បុរាណ​ព្យាបាល​ជំងឺ​នេះ​ពី​ណា​មក​ដែរ ?  លោក គឹ​ម​សេង បាន​ប្រាប់​យ៉ាង​ខ្លី​ថា «​ខ្ញុំ​ចេះ​បន្ត​ពី​ជីតា​ខ្ញុំ​ខ្លះ និង​ចេះ​ពី​ការ​មើលសៀវភៅ​ឱ​ស​ថ​បុរាណ​ខ្មែរ​ខ្លះ​ផង​។ ដំបូង​ខ្ញុំ​ដើរ​ផ្សំ​ថ្នាំ​ព្យាបាល​គេ​មិន​យក​ប្រាក់​ទេ តែ​ដោយសារ​ព្យាបាល​ត្រូវ អ្នកជំងឺ​ស្ទើរ​១០០% បានជា​សះស្បើយ ក្រោយ​ប្រើ​ថ្នាំ​ខ្ញុំ​។  ពេល​នោះ​អ្នក​ភូមិ​ចេះ​តែ​ល្បី​ត​ៗ​គ្នា​មក​រក​ខ្ញុំ​ផ្សំ​ថ្នាំ​ឲ្យ ធ្វើ​ឲ្យ​ខ្ញុំ​ហត់​នឿយ​ខ្លាំង គ្មាន​ពេលទំនេរ ទើប​ខ្ញុំ​សម្រេច​រក​ថ្នាំខ្មែរ​លក់​យក​ប្រាក់​រហូត​ដល់​សព្វ​ថ្ងៃនេះ​» ។

Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023