ទោះប៉ុន្មានថ្ងៃទៀតបងស្លា.ប់ ក៏បងត្រូវរៀបការជាមួយអូនដែរ
អង់គ្លេស ៖ តាមប្រភពព័ត៌មាន Viral4real បានឲ្យដឹងថា បុរសអាយុ៦៣ឆ្នាំម្នាក់ បានសម្រេចចិត្តរៀបការជាមួយមនុស្សដែលខ្លួនស្រឡាញ់អស់ពេលដ៏យូរ ទោះបីដឹងថា
អង់គ្លេស ៖ តាមប្រភពព័ត៌មាន Viral4real បានឲ្យដឹងថា បុរសអាយុ៦៣ឆ្នាំម្នាក់ បានសម្រេចចិត្តរៀបការជាមួយមនុស្សដែលខ្លួនស្រឡាញ់អស់ពេលដ៏យូរ ទោះបីដឹងថា ខ្លួននឹងស្លាប់ដោយសារជំងឺមហារីកដំណាក់កាលចុងក្រោយក្នុងពេលប៉ុន្មានថ្ងៃខាងមុខក៏ដោយ។
លោក Ray Kershaw អាយុ៦៣ឆ្នាំ គ្រោងថា នឹងរៀបការជាមួយនឹងគូស្នេហ៍របស់ខ្លួនដែលមានអាយុ៤៥ឆ្នាំ ឈ្មោះ Tracy Brooks នៅឆ្នាំក្រោយ។ តែដោយសារលោកត្រូវបានគ្រូពេទ្យរកឃើញកាលពីខែមីនាថា មានជំងឺមហារីកដំណាក់កាលចុងក្រោយ និងមានតែប៉ុន្មានថ្ងៃទៀតតែប៉ុណ្ណោះសម្រាប់រស់ប្រើប្រាស់ជីវិតរបស់លោក។ លោកមានជំងឺមហារីកពោះវៀនតូច ដែលសព្វថ្ងៃនេះកំពុងតែសម្រាកក្នុងមន្ទីរពេទ្យ Springhill នៅឯ Manchester។
បន្ទាប់ពីដឹងថា ខ្លួនមានជំងឺមហារីកដំណាក់កាលចុងក្រោយហើយ លោក និង Tracy បានគ្រោងថា នឹងរៀបការនៅថ្ងៃទី៨ ខែមិថុនា ឆ្នាំនេះ។ តែដោយសារស្ថានភាពរាងកាយរបស់លោកមានសភាពមិនស្រួល ក៏សម្រេចចិត្តលើកថ្ងៃរៀបការមកធ្វើភ្លាមៗ។ ជាមួយនឹងការជួយមួយដៃមួយជើងរបស់បុគ្គលិកពេទ្យ មិត្តភក្តិ និងគ្រួសារធ្វើឱ្យពិធីមង្គលការរបស់អ្នកទាំងពីរបានសម្រេចដូចក្តីបំណង។
ទោះបីជា វាហាក់បីដូចជាកំសត់មែន ដែលលោក Ray ជិតដល់ថ្ងៃចប់ជីវិត តែលោកពិតជាសប្បាយចិត្តយ៉ាងខ្លាំងចំពោះការសម្រេចក្តីបំណងមួយនេះ៕
ចែករំលែកព័តមាននេះ