នាយករដ្ឋមន្ត្រីហ្វាំងឡង់ លោកស្រី Sanna Marin បាននិយាយថា អឺរ៉ុបមិនទាន់រឹងមាំគ្រប់គ្រាន់ឡើយ ដើម្បីប្រឆាំងជាមួយនឹងការឈ្លានពានរបស់រុស្ស៊ីលើអ៊ុយក្រែន ហើយអឺរ៉ុបត្រូវពឹងផ្អែកលើការគាំទ្ររបស់អាមេរិក
ប្រទេសអឺរ៉ុប ៖ នាយករដ្ឋមន្ត្រីហ្វាំងឡង់ លោកស្រី Sanna Marin បាននិយាយថា អឺរ៉ុបមិនទាន់រឹងមាំគ្រប់គ្រាន់ឡើយ ដើម្បីប្រឆាំងជាមួយនឹងការឈ្លានពានរបស់រុស្ស៊ីលើអ៊ុយក្រែន ហើយអឺរ៉ុបត្រូវពឹងផ្អែកលើការគាំទ្ររបស់អាមេរិក។
នៅក្នុងដំណើរទស្សនកិច្ចទៅកាន់អូស្ត្រាលី លោកស្រីបានថ្លែងថា «ការការពាររបស់អឺរ៉ុបត្រូវតែពង្រឹង»។ «ខ្ញុំត្រូវតែស្មោះត្រង់ចំពោះអ្នកថា អឺរ៉ុបមិនមានកម្លាំងគ្រប់គ្រាន់ទេឥឡូវនេះ។ យើងនឹងជួបបញ្ហា ប្រសិនគ្មានអាមេរិក»។
មេដឹកនាំហ្វាំងឡង់រូបនេះ បាននិយាយកាលពីថ្ងៃសុក្រម្សិលមិញទៀតថា «អាមេរិកបានផ្តល់សព្វាវុ.ធជាច្រើន ជំនួញហិរញ្ញវត្ថុជាច្រើន ជំនួញមនុស្សធម៌ជាច្រើនដល់អ៊ុយក្រែន ហើយអឺរ៉ុបមិនទាន់រឹងមាំនៅឡើយទេ»។
លោកស្រីបន្ថែមថា «អឺរ៉ុបត្រូវតែធានាថា ខ្លួនកសាងសមត្ថភាពទាំងនោះនៅពេលនិយាយអំពីការការពារអឹរ៉ុប ឧស្សាហកម្មការពារ និងធ្វើឱ្យប្រាកដថា យើងអាចតស៊ូក្នុងស្ថានភាពផ្សេងៗបាន»។
លោកស្រីក៏បានបន្តរិះគន់ការប៉ុនប៉ងរបស់ប្រទេសអឺរ៉ុបមួយចំនួនដែលចង់បង្កើតទំនាក់ទំនងជិតស្និទជាមួយរុស្ស៊ីក្នុងរយៈពេលប៉ុន្មានទសវត្សរ៍នេះ។
លោកស្រីថ្លែងថា «អស់រយៈពេលជាយូរមកហើយ អឺរ៉ុបកំពុងបង្កើតយុទ្ធសាស្ត្រសម្រាប់រុស្ស៊ី… ទិញថាមពលពីរុស្ស៊ី និងបង្កើនទំនាក់ទំនងជិតស្និទផ្នែកសេដ្ឋកិច្ច ដោយយើងគិតថា ទង្វើទាំងនោះនឹងបង្ការសង្គ្រាម។ ប៉ុន្តែផ្នត់គំនិតទាំងនោះខុសទាំងស្រុង»។
សូមបញ្ជាក់ថា អាមេរិកគឺជាប្រទេសផ្តល់ជំនួយយោធាច្រើនបំផុតដល់ប្រទេសអ៊ុយក្រែន។ ចាប់តាំងពីមានការឈ្លានពានរបស់រុស្ស៊ីនៅខែមករាមក អាមេរិកបានផ្តល់ជំនួញ ១៨,៦ពាន់លានដុល្លារដល់អ៊ុយក្រែន។
ម្ចាស់ជំនួយធំបំផុតទី២ គឺអឺរ៉ុប និងបន្ទាប់មកគឺអង់គ្លេស។ ប៉ុន្តែជំនួញរបស់ពួកគេតិចតួចណាស់ បើធៀបទៅនឹងជំនួយរបស់អាមេរិក៕ (យោងតាមប្រភព៖ BBC)
ចែករំលែកព័តមាននេះ