ADផ្ទាំងផ្សព្វផ្សាយពាណិជ្ជកម្ម

Picture

បង្ក្រាប​បាន​ហើយ ជនសង្ស័យ​៣​នាក់​ប្រដាប់​ដោយ​អាវុធ រួច​បើករថយន្ត​ធ្វើ​សកម្មភាព​ក្នុង​រាជធានី​ភ្នំពេញ

1 ខែ មុន
  • ភ្នំពេញ

កម្លាំង​នគរបាល​ព្រហ្មទណ្ឌ​កម្រិត​ធ្ងន់​ក្រសួងមហាផ្ទៃ ដឹកនាំ​ដោយ​លោក​ឧត្តមសេនីយ៍ទោ ជាវ វិបុល អនុប្រធាន​នាយក​ដ្ឋាន​ព្រហ្មទណ្ឌ​ក្រសួងមហាផ្ទៃ សហការ​ជាមួយ​កម្លាំង​នគរបាល​ចំនួន​៣​ខណ្ឌ​ទៀត រួម​មាន​នគរបាល​ខណ្ឌមានជ័យ ខណ្ឌដង្កោ និង​ខណ្ឌ​

រាជធានី​ភ្នំពេញ ៖ កម្លាំង​នគរបាល​ព្រហ្មទណ្ឌ​កម្រិត​ធ្ងន់​ក្រសួងមហាផ្ទៃ ដឹកនាំ​ដោយ​លោក​ឧត្តមសេនីយ៍ទោ ជាវ វិបុល អនុប្រធាន​នាយកដ្ឋាន​ព្រហ្មទណ្ឌ​ក្រសួងមហាផ្ទៃ សហការ​ជាមួយ​កម្លាំង​នគរបាល​ចំនួន​៣​ខណ្ឌ​ទៀត រួម​មាន​នគរបាល​ខណ្ឌមានជ័យ ខណ្ឌដង្កោ និង​ខណ្ឌ​ពោធិ៍​សែន​ជ័យ បាន​ធ្វើការ​បង្ក្រាប​ក្រុម​ចោរប្លន់ និង​លួច​ម៉ូតូ​ប្រដាប់​អាវុធ​១​ក្រុម ដែល​តែងតែ​បើករថយន្ត​ចេញ​ធ្វើ​សកម្មភាព​លួច​ប្លន់​យ៉ាង​សកម្ម​នៅ​ក្នុងភូមិ​សាស្ត្រ​រាជធានី​ភ្នំពេញ ហើយ​ក៏​ចាប់ខ្លួន​បាន​៣​នាក់​ជា​បន្តបន្ទាប់​។

Picture

សមត្ថកិច្ច​បាន​បង្ហើប​ប្រាប់​ឲ្យ​ដឹង​ថា ក្រុម​ចោរ​ខាងលើ​នេះ ប្រដាប់​ដោយ​អាវុធ​ដែល​បង្ក​គ្រោះថ្នាក់​ដល់​ជន​រង​គ្រោះ ហើយ​ពេល​កន្លង​មក ក្រុម​នេះ​បាន​បើករថយន្ត​ដឹក​គ្នា​ចេញ​លួច និង​ប្លន់​តែ​ម្ដង​។ ពួក​នេះ​ធ្វើ​សកម្មភាព​នៅ​ក្នុង​រាជធានី​ភ្នំពេញ ហើយ​ក្នុង​ពេល​ថ្មី​ៗ​នេះ ក៏​បាន​ធ្វើ​សកម្មភាព​លួច​ម៉ូតូ​ម៉ាក​ហុងដា PCX និង​ម៉ូតូ​ម៉ាក​ហុងដា​ស្កូ​ប​ពី នៅ​សង្កាត់​ទួល​ទំពូង​ទី​១ ខណ្ឌ​បឹង​កេងកង​ផង​ដែរ​។

Picture

ប្រភព​ដដែល​បាន​ប្រាប់​ទៀត​ថា កម្លាំង​សមត្ថកិច្ច​ខាងលើ បាន​បើក​ប្រតិបត្តិការ​បង្ក្រាប​ក្រុម​ចោរ​ប្រដាប់​អាវុធ​នេះ ចាប់តាំងពី​វេលា​ម៉ោងជាង​១០​ព្រឹក ថ្ងៃ​ទី​២ ខែធ្នូ ឆ្នាំ​២០២២ រហូត​ដល់​វេលា​ល្ងាច​ថ្ងៃ​ដដែល​ទើប​បញ្ចប់​។ ដោយ​ខណៈនោះ ជនសង្ស័យ​បាន​ជិះ​ម៉ូតូ និង​រថយន្ត ហើយ​កម្លាំង​សមត្ថកិច្ច​ក៏​បាន​ដេញ​តាម​ពី​កន្លែង​មួយ​ទៅ​កន្លែង​មួយ រហូត​ចាប់ខ្លួន​បាន​៣​នាក់ និង​ដកហូត​បាន​រថយន្ត​២​គ្រឿង ម៉ូតូ​១​គ្រឿង ព្រមទាំង​ស្លាក​លេខ​រថយន្ត ស្លាក​លេខ​ម៉ូតូ និង​ឧបករណ៍​កាច់​សោ​.​ក​ម៉ូតូ និង​សោ​សម្រាប់​ដោះ​គ្រឿង​ផង​ដែរ​។

Picture

ប្រភព​ខាងលើ​បាន​ប្រាប់​ឲ្យ​ដឹង​ទៀត​ថា ជនសង្ស័យ​ទី​១ ត្រូវ​បាន​ឃាត់ខ្លួន​នៅ​ក្នុងភូមិ​សាស្ត្រ​សង្កាត់​ស្ទឹង​មាន​ជ័យ​ទី​១ ដោយ​ដកហូត​បាន​ម៉ូតូ​ហុងដា PCX ១​គ្រឿង​។ ជនសង្ស័យ​ទី​២ ឃាត់ខ្លួន​បាន​នៅ​ក្នុងភូមិ​សាស្ត្រ​សង្កាត់​បឹង​ទំពន់​ទី​២ ខណ្ឌមានជ័យ ។ ចំណែក​ជនសង្ស័យ​ទី​៣ ឃាត់​បាន​នៅ​ក្នុងភូមិ​សាស្ត្រ​សង្កាត់​រលួស ខណ្ឌដង្កោ និង​ឆែកឆេរ​ផ្ទះ​ជនសង្ស័យ​រក​ឃើញ​រថយន្ត ព្រមទាំង​វត្ថុ​តាង​ជា​ច្រើន​ទៀត​ផង​ដែរ​។

Picture

ក្រោយ​ពេល​ឃាត់ខ្លួន កម្លាំង​សមត្ថកិច្ច​បាន​នាំ​ជនសង្ស័យ​រួម​នឹង​វត្ថុ​តាង​ទៅ​កាន់​នាយកដ្ឋាន​ព្រហ្មទណ្ឌ​ក្រសួងមហាផ្ទៃ ដើម្បី​សាកសួរ និង​ចាត់ការ​តាម​ច្បាប់​៕

Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023