អំពើល្អ៥យ៉ាងដែលអ្នកកាន់ពុទ្ធសាសនាមិនត្រូវរំលង
- ភ្នំពេញ
សេចក្តីល្អ៥យ៉ាងដែលអ្នកកាន់ព្រះពុទ្ធសាសនាមិនគួរនឹងរំលងគឺ ពលី ។ ចំពោះពាក្យពលីនេះប្រែថា ការបូជា, សួយ, អាករ, ពន្ធដារ, តង្វាយ, សំណែន,…
សេចក្តីល្អ៥យ៉ាងដែលអ្នកកាន់ព្រះពុទ្ធសាសនាមិនគួរនឹងរំលងគឺ ពលី ។ ចំពោះពាក្យពលីនេះប្រែថា ការបូជា, សួយ, អាករ, ពន្ធដារ, តង្វាយ, សំណែន,…
សេចក្តីល្អ៥យ៉ាងដែលអ្នកកាន់ព្រះពុទ្ធសាសនាមិនគួរនឹងរំលងគឺ ពលី ។ ចំពោះពាក្យពលីនេះប្រែថា ការបូជា, សួយ, អាករ, ពន្ធដារ, តង្វាយ, សំណែន, ការសង្គ្រោះ, ចំណែកបុណ្យ ។ ពលីនេះមាន៥យ៉ាងគឺៈ
១-បុព្វបេតពលី រៀបរណ្តាប់មាន បាយស្ពក បង្អែមចំអាប ទៀន ធូប ឧទ្ទិសជូនបុព្វការីជនដែលបានស្លាប់ទៅហើយ ។
២-អតិថិពលី ធ្វើបដិសណ្ឋារៈភ្ញៀវដែលបានអញ្ជើញចូលរួមក្នុងកម្មវិធីដើម្បីជាសក្ខីភាព ។
៣-ញាតិពលី ធ្វើបដិសណ្ឋារៈចំពោះញាតិសាច់សាលោហិតដែលបានជួបជុំទទួលដឹងឮ ។
៤-រាជពលី ធ្វើពិធីគោរពតាមច្បាប់ទម្លាប់របស់ប្រទេសជាតិ គឺស្នើសុំដល់រដ្ឋអំណាច គ្រប់លំដាប់ថ្នាក់ដឹងឮនិងអនុញ្ញាត ដែលហៅថា ក្រុងពលីនោះឯង ។
៥-ទេវតាពលី បូជាដល់ទេព្តា មានពិធីបួងសួងដល់ទេវតាជាដើម ។
អំពើល្អទាំង៥ប្រការនេះនឹងនាំឱ្យចម្រើនបុណ្យ ចម្រើនសុខសួស្តី ចម្រើនសិរីមង្គលដល់សាធុជនណាដែលបានបដិបត្តិរឿយៗ ។
បុគ្គលគប្បីជឿជាក់ថា សត្វលោកធ្វើកម្មណា នឹងបានកម្មនោះត្រឡប់មកវិញ អាចនិយាយបានថា កាលបើបុគ្គលតាំងចិត្តធ្វើជាមនុស្សល្អ ហើយក៏ប្រព្រឹត្តតាមការតាំងចិត្តនោះ ផលដែលត្រូវទទួលបានគឺសេចក្តីល្អត្រឡប់មកវិញជាក់ជាមិនខាន ។
ពិតណាស់នៅក្នុងលោកនេះមិនមានអ្វីដែលសំខាន់សម្រាប់យើងជាងយើងខ្លួនឯងជាមនុស្សល្អប្រព្រឹត្តធម៌សនោះឡើយ ។ បើយើងចង់ឲ្យអ្នកដទៃជ្រះថ្លា ធ្វើសេចក្ដីល្អដល់យើងនោះ គឺយើងត្រូវព្យាយាមធ្វើសេចក្ដីល្អឲ្យខ្លួនឯងជាមុនសិន អំពើជាកុសលហ្នឹងហើយដែលទាក់ចិត្តអ្នកដទៃឱ្យគេជ្រះថ្លានឹងយើងនោះ ។
អំពើល្អដែលយើងសន្សំនេះហើយ ឈ្មោះថាយើងជួយខ្លួនយើងឱ្យរួចចាកគ្រឿងសៅហ្មងទាំងឡាយ ហើយសេចក្តីល្អនេះមានអានុភាពដល់ចិត្តជ្រាលជ្រៅណាស់ គឺធ្វើឲ្យចិត្តបានសុខស្ងប់ ហើយ កាលបើចិត្តមានសេចក្តីស្ងប់ អ្វីៗក៏រៀបរយល្អដែរ ៕
ចែករំលែកព័តមាននេះ