មុខសញ្ញាយ៉ាងសកម្មប្រចាំភូមិត្រូវអស់លក្ខណ៍ហើយ ក្រោយផ្លោះរបងចូលសិប្បកម្មមួយកន្លែង
- កណ្តាល
លោកវរសេនីយ៍ លន ចន្ថា អធិការរងទទួលផែនព្រហ្មទណ្ឌស្រុកស្អាង បានប្រាប់អោយដឹងថា ក្រុមចោរលួចទាំងអស់នោះ គឺសកម្មខ្លាំងណាស់ រឿង
ខេត្តកណ្តាល ៖ លោកវរសេនីយ៍ លន ចន្ថា អធិការរងទទួលផែនព្រហ្មទណ្ឌស្រុកស្អាង បានប្រាប់អោយដឹងថា ក្រុមចោរលួចទាំងអស់នោះ គឺសកម្មខ្លាំងណាស់ រឿងលួច លុះពេលបង្ក្រាបបាន ពលរដ្ឋនៅក្នុងឃុំស្អាងភ្នំ មានការត្រេកអរយ៉ាងខ្លាំង ក្រោយពេលលោកបានធ្វើការស្រាវជ្រាវរហូតឃាត់ខ្លួនជនសង្ស័យបានចំនួន៣នាក់ និងរួចរត់គេចខ្លួនម្នាក់។ ហេតុការណ៍នេះបានកើតឡើងនៅថ្ងៃទី២៦ ខែវិច្ឆិកា ឆ្នាំ២០២២ វេលាម៉ោង២០និង៣០នាទីយប់ នៅចំណុចសិប្បកម្មផលិតឥដ្ឋស៊ីម៉ង់ឈ្មោះស៊ីន ស៊ឹង ស្ថិតនៅក្នុងភូមិពាមសាលា ឃុំស្អាងភ្នំ ស្រុកស្អាង ខេត្តកណ្តាល។
ជនសង្ស័យទាំង០៣នាក់នោះរួមមាន ៖ ទី១- ឈ្មោះ ឡុង ឡាយ ហៅឡៃ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ទី២- ឈ្មោះ ស វិចិត្រ ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ទី៣- ឈ្មោះ យ៉ាង យុទ្ធ ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ។
លោកអធិការរងបានបញ្ជាក់ទៀតថា នៅវេលាម៉ោងកើតហេតុ ជនសង្ស័យឈ្មោះឡុង ឡាយ ឈ្មោះស វិចិត្រ ឈ្មោះយ៉ាន យុទ្ធ និងឈ្មោះឆាយ ផល្លី បានធ្វើសកម្មភាពផ្លោះរបងចូលទៅក្នុងសិប្បកម្មផលិតឥដ្ឋស៊ីម៉ង់ឈ្មោះស៊ិន ស៊ីង ហើយក៏បានលួចដែកធ្វើពុម្ពផលិតឥដ្ឋស៊ីម៉ង់តិ៍ចំនួន០៧ផ្ទាំង ដើម្បីយកទៅលក់បាត់។ លុះនៅថ្ងៃទី២៨ ខែវិច្ឆិកា ឆ្នាំ២០២២ វេលាម៉ោង១០ព្រឹក សមត្ថកិច្ចនគរបាលប៉ុស្តិ៍ស្អាងភ្នំ ក៏បានធ្វើការស្រាវជ្រាវ រហូតកំណត់មុខសញ្ញាបាន និងឃាត់ខ្លួនជនសង្ស័យឈ្មោះឡុង ឡាយ ឈ្មោះស វិចិត្រ និងឈ្មោះយ៉ាង យុទ្ធ បាននាំខ្លួនមកប៉ុស្តិ៍ដើម្បីធ្វើការសាកសួរ។
នៅចំពោះមុខសមត្ថកិច្ចនគរបាល ជនសង្ស័យទាំង០៣នាក់ខាងលើបានសារភាពថា «ពិតជាធ្វើសកម្មភាពផ្លោះរបងចូលក្នុងសិប្បកម្មផលិតឥដ្ឋស៊ីម៉ង់តិ៍ឈ្មោះ ស៊ិន ស៊ីង និងបានលួចដែកពុម្ពចំនួន០៧ផ្ទាំងនោះពិតប្រាកដមែន»។ បច្ចុប្បន្នជនសង្ស័យទាំងអស់ត្រូវបានឃាត់ខ្លួនបញ្ជូនមកកាន់អធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធីច្បាប់ហើយ។
ចែករំលែកព័តមាននេះ