រកឃើញអស់ហើយ! ស.ពក្មេង៤នាក់ចុះរាវលៀស ជួបគ្រោះអកុសលស្លា.ប់ និងបា.ត់ខ្លួន
- ភ្នំពេញ
ខេត្តកណ្ដាល ៖ មានហេតុការណ៍ភ្ញាក់ផ្អើលមួយបានកើតឡើងកាលពីវេលាល្ងាចថ្ងៃទី២៩ ខែវិច្ឆិកា ឆ្នាំ
ខេត្តកណ្ដាល ៖ មានហេតុការណ៍ភ្ញាក់ផ្អើលមួយបានកើតឡើងកាលពីវេលាល្ងាចថ្ងៃទី២៩ ខែវិច្ឆិកា ឆ្នាំ
ខេត្តកណ្ដាល ៖ មានហេតុការណ៍ភ្ញាក់ផ្អើលមួយបានកើតឡើងកាលពីវេលាល្ងាចថ្ងៃទី២៩ ខែវិច្ឆិកា ឆ្នាំ២០២២ នៅវាលស្រែភូមិព្រៃសំរោង ឃុំដំណាក់អំពិល ស្រុកអង្គស្នួល ខេត្តកណ្ដាល បន្ទាប់ពីក្មេងៗប្រុសស្រីចំនួន៤នាក់នាំគ្នាចុះរាវលៀសយកទៅធ្វើម្ហូប និងងូតទឹកលេងនៅក្នុងទឹករណ្ដៅដីមួយកន្លែងជម្រៅប្រមាណ៥ទៅ៦ម៉ែត្រ ប៉ុន្តែជាអកុសលបានល.ង់ទឹកស្លា.ប់ទាំងអស់គ្នាតែម្ដង។
ក្មេងៗដែលជួបគ្រោះអកុសលដល់ស្លា.ប់ខាងលើនោះរួមមាន ១-ឈ្មោះ នី ស្រីណាក់ ភេទស្រី អាយុ១៣ឆ្នាំ ២-ឈ្មោះ នី ស្រី ណា អាយុ១៣ឆ្នាំ គឺជាបងប្អូនភ្លោះនឹងគ្នា ៣-ឈ្មោះថាន គីមយ៉ាង ភេទប្រុស អាយុ១១ឆ្នាំនិង៤-ឈ្មោះថាន ថានុក ភេទប្រុស អាយុ៩ឆ្នាំ គឺជាបងប្អូនបង្កើតនិងគ្នា មានទីលំនៅក្នុងភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល ។
នគរបាលស្រុកអង្គស្នួលបានប្រាប់ឲ្យដឹងថា នៅវេលារសៀលថ្ងៃកើតហេតុនោះក្មេងៗទាំង៤នាក់បាននាំគ្នាដើរចេញពីផ្ទះទៅចុះរាវលៀសយកទៅធ្វើម្ហូបនិងងូតទឹកលេង នៅក្នុងទឹករណ្ដៅដីខាងលើដើម្បីយកទៅបរិភោគ ក្រោយមកក៏ជួបគ្រោះអកុសលល.ង់ទឹកបា.ត់ខ្លួនទាំង៤នាក់តែម្ដង ។ បន្ទាប់ពីមានហេតុការណ៍បែបនេះកើតឡើង បានបង្កឲ្យមានការភ្ញាក់ផ្អើលយ៉ាងខ្លាំង ហើយក្រុមគ្រួសារ និងអ្នកភូមិ ព្រមទាំងកម្លាំងសមត្ថកិច្ចស្រុកអង្គស្នួល រួមមានគឺនគរបាលកងរាជអាវុធហត្ថ យោធាសឹកស្រុកអង្គស្នួល និងកម្លាំងទ័ពពិសេសឆត្រយោង៩១១ ប្រាប់ដោយឧបករណ៍មុជទឹកបានចុះទៅអន្តរាគមន៍រាវរកភ្លាមៗ ។
នគរបាលខាងលើបានប្រាប់ឲ្យដឹងបន្តទៀតថា រហូតដល់វេលាម៉ោងជាង៤ល្ងាចថ្ងៃដដែលបានរកឃើញសាកស.ពក្មេងស្រីភ្លោះ២នាក់ ចំណែកក្មេងប្រុស២នាក់ទៀតនៅបា.ត់ខ្លួន ។ បន្ទាប់មកកម្លាំងសមត្ថកិច្ចខាងលើបានបានបន្តរាវរករហូតដល់វេលាម៉ោង១១និង៤០នាទីយប់ថ្ងៃដដែល ទើបរកឃើញស.ពក្មេងប្រុសម្នាក់ថែមទៀត ចំណែកម្នាក់ទៀតនៅបន្តបា.ត់ខ្លួន ។
តាមប្រភពដដែលបានបញ្ជាក់ប្រាប់ឲ្យដឹងទៀតថា រីឯក្រុមគ្រួសារក្មេងប្រុស ស្រីរងគ្រោះបានធ្វើពិធីបន់ស្រន់អុជធូបដាក់ផ្លែឈើសែនព្រេនអ្នកតាម្ចាស់ទឹកម្ចាស់ដីដើម្បីឲ្យបានឆាប់ឃើញស.ពកូន ហើយកម្លាំងសមត្ថកិច្ចចម្រុះខាងលើបានរាវរកទាំងយប់ រហូតដល់វេលាម៉ោង៤និង៣០នាទីជិតភ្លឺថ្ងៃទី៣០ វិច្ឆិកា ទើបរកឃើញម្នាក់ទៀតសរុប៤នាក់ ហើយប្រតិបត្តិការរាវរកត្រូវបានបិទបញ្ចប់ និងបានប្រគល់ស.ពជូនក្រុមគ្រួសារនាំយកទៅធ្វើបុណ្យតាមប្រពៃណី ៕
ចែករំលែកព័តមាននេះ