រាជធានីភ្នំពេញ ៖ បន្ទប់ជួលមួយកន្លែងនៅតាមផ្លូវបេតុងភូមិ សេប៉េសេ សង្កាត់ទឹកថ្លា ខណ្ឌសែនសុខ ត្រូវបានអគ្គិភ័យឆាបឆេះ បណ្តាលអោយរងការខូចខាតទាំងស្រុង តែសំណាងល្អប្រាក់ចំនួន១ពាន់ដុល្លារ ដាក់ក្នុងសៀវភៅពុំត្រូវភ្លើងឆេះឡើយ។
ហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោងប្រមាណ១០និង៥០នាទីព្រឹក ថ្ងៃទី២៨ ខែវិឆ្ឆិកា ឆ្នាំ២០២២ ហើយ រថយន្តពន្លត់អគ្គិភ័យចំនួន៣គ្រឿងទៅអន្តរាគមន៍។
តាមព័ត៌មានអោយដឹងថា បន្ទប់ជួលដែលត្រូវភ្លើងឆេះមានទំហំប្រមាណជាង៣ម៉ែត្រគុណ៤ម៉ែត្រ មានឡាវតឿ ដែលមានម្ចាស់ជាកម្មករសំណង់។តាមព័ត៌មានអោយដឹងថា នៅមុនពេលកើតហេតុម្ចាស់បានចាក់សោរទៅធ្វើការបាត់ ស្រាប់តែភ្លើងឆេះផ្សែងហុយទ្រលោមបង្កអោយមានការភ្ញាក់ផ្អើលដល់ប្រជាពលរដ្ឋ ក្បែរនាំគ្នាជួយបាញ់ពន្លត់ តែពុំអាចទប់ស្កាត់បាន។
ភ្លាមៗ រថយន្តពន្លត់អគ្គិភ័យចំនួន៣គ្រឿងបានទៅបាញ់ពន្លត់បាញ់អស់ទឹក១គ្រឿង។ទោះបីជាយ៉ាងសម្ភារៈនៅក្នុងផ្ទះ ត្រូវភ្លើងឆេះអស់គ្មានសល់។ អ្វីដែលចាប់អារម្មណ៍ បន្ទប់ពីត្រូវភ្លើងឆេះម្ចាស់ដែលជាកម្មករសំណង់ក៏បានទៅដល់ ហើយរើរកប្រាក់ចំនួន១ពាន់ដុល្លារ ដែល ខ្លួនទុកក្នុងសៀវភៅដាក់ក្នុងធុងស្ពេត្រូពុំត្រូវភ្លើងឆេះឡើយ។
តាមម្ចាស់ផ្ទះបានអោយដឹងថា ប្រាក់ទាំងនោះ រូបគេខំសន្សំទុកជាយូរមកហើយ ដើម្បីទុកបង្កើតកុងយកផ្ញើនៅធានាគារ។
ទាក់ទិន ការកើតមានអគ្គិភ័យនេះនគរបាលការិយាល័យ បង្ការពន្លត់អគ្គីភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា បណ្តាលមកពីឆ្លងចរន្តអគ្គីសនី៕
ចែករំលែកព័តមាននេះ