ADផ្ទាំងផ្សព្វផ្សាយពាណិជ្ជកម្ម

Picture

បឹង​ក​ណ្តែ​ក​ ប្រែ​ក្លាយទៅជា​កន្លែង​ស្តុ​ក​ទឹក​ស្អាត​ដ៏​សំខាន់​ស​ម្រា​ប់ពលរដ្ឋ ដោយ​ពុំ​មានការ​រីងស្ងួត​ទៀត​ទេ​(​វី​ដេអូ​)

2 ខែ មុន
  • កណ្តាល

អាង​ស្តុ​ប​ទឹក​បឹង​ក​ណ្តែ​កមួយ​កន្លែង ស្ថិត​នៅ​ត្រង់​ចំណុច​ភូមិក​ណ្តែ​ក សង្កាត់​សំរោង ក្រុង​សំរោង ខេត្តឧត្តរមានជ័យ បាន​ប្រែ​ក្លាយទៅជា​កន្លែង​ស្តុ​ប​ទឹក​ស្អាត​មួយ​ដ៏​មាន​សារៈ​សំខាន់​សម្រាប់​ឲ្យ​បងប្អូន​ប្រជាពលរដ្ឋ​ប្រើប្រាស់​ទូទៅ ដែល​កន្លង​មក​ទីតាំង​បឹង​តំបន់​នេះ

ខេត្តឧត្តរមានជ័យ ៖ អាង​ស្តុ​ប​ទឹក​បឹង​ក​ណ្តែ​កមួយ​កន្លែង ស្ថិត​នៅ​ត្រង់​ចំណុច​ភូមិក​ណ្តែ​ក សង្កាត់​សំរោង ក្រុង​សំរោង ខេត្តឧត្តរមានជ័យ បាន​ប្រែ​ក្លាយទៅជា​កន្លែង​ស្តុ​ប​ទឹក​ស្អាត​មួយ​ដ៏​មាន​សារៈ​សំខាន់​សម្រាប់​ឲ្យ​បងប្អូន​ប្រជាពលរដ្ឋ​ប្រើប្រាស់​ទូទៅ ដែល​កន្លង​មក​ទីតាំង​បឹង​តំបន់​នេះ នា​រដូវប្រាំង គឺ​តែងតែ​រីងស្ងួត តែ​មក​ដល់​ពេល​បច្ចុប្បន្ន​នេះ ឈប់​រីងស្ងួត​បន្ត​ទៀត​ហើយ ខណៈ​ត្រូវ​បាន​អភិវឌ្ឍន៍​ជីក​ស្តា​ឡើង​វិញ​។

Picture

បើ​តាម​ប្រភព​ពី​ប្រជាពលរដ្ឋ​ម្នាក់​ដែល​មានឈ្មោះ ហៀ​ង ថា​ន មាន​វ័យ​៦៤​ឆ្នាំ ជា​អ្នក​រស់នៅ​ភូមិ​ជាប់​បឹង​ក​ណ្តែ​ក​នេះ បាន​និយាយ​ពី​ប្រវត្តិ​បឹង​ក​ណ្តែ​ក ប្រាប់​ឲ្យ​ដឹង​នៅ​ថ្ងៃ​ទី​២៤ ខែវិច្ឆិកា ឆ្នាំ​២០២២​នេះ​ថា គាត់​បាន​មក​រស់នៅ​ភូមិក​ណ្តែ​ក​នេះ ចាប់តាំងពី​មុន​សម័យ​ខ្មែរក្រហម​មក​ម្ល៉េះ ហើយ​បឹង​ក​ណ្តែ​ក​នេះ​ដែរ ពី​ដើម​មាន​វត្ត​អារាម​មួយ ដែល​ស្ថិត​នៅ​ចុង​ឈាង​ខាងលិច​បឹង​ក​ណ្តែ​ក​នេះ​ពិតប្រាកដ​មែន ហើយ​បឹង​ក​ណ្តែ​ក​នេះ​ដែរ សម្រាប់​ទឹក​ប្រើប្រាស់​វិញ កាល​នៅ​ដើមឆ្នាំ​២០០៥​កន្លង​មក ឲ្យ​តែ​រដូវប្រាំង​បឹង​ក​ណ្តែ​កមួយ​នេះ គឺ​មានការ​រីងស្ងួត​ហួតហែង​ប្រេះ​ដល់​ដី ពុំ​មានទឹក​ប្រើប្រាស់​គ្រប់គ្រាន់​នោះ​ទេ​។

Picture

ពលរដ្ឋ​ដដែល​បាន​អះអាង​បន្ត​ថា ក្រោយមក​ទៀត​នៅ​ឆ្នាំ​២០១២ ខាង​អាជ្ញាធរ ក៏​ដូច​ជា​មន្ត្រី​ជំនាញ​ពាក់ព័ន្ធ​បាន​កាយ​ស្តា​បឹង​ស្តុ​ប​ទឹក​ទុក​អភិវឌ្ឍន៍​បន្ត ហើយ​ឲ្យ​ក្រុមហ៊ុន​ឯកជន​ធ្វើ​ជា​កន្លែង​ទឹក​ស្អាត ដើម្បី​ឲ្យ​ប្រជាពលរដ្ឋ​បាន​ប្រើប្រាស់​រហូត​មក​ដល់​សព្វថ្ងៃ ហើយ​ទីតាំង​បឹង​ក​ណ្តែ​ក​នេះ ក៏​ពុំដែល​រីងស្ងួត​រហូត​មក​ដល់​សព្វ​ថ្ងៃនេះ​។ ម្យ៉ាងទៀត​ចំពោះ​ទឹក​ស្អាត​ដែល​អ្នក​ភូមិ​ប្រើប្រាស់​ជា​ប្រចាំ​ថ្ងៃនេះ នៅ​ក្នុង​១​គីប​តម្លៃ​២០០០​រៀល ហើយ​ពួក​គាត់​លែង​លំបាក​ក្នុង​ការ​ខ្វះខាត​ទឹក​ប្រើ​ដូច​មុន​ទៀត​ហើយ​។

Picture

ពាក់ព័ន្ធ​ទៅ​នឹង​ទំនប់​បឹង​ក​ណ្តែ​ក ស្តុ​ប​ទឹក​សម្រាប់​ប្រើប្រាស់​ដល់​ប្រជាពលរដ្ឋ​ទូទៅ​នេះ​ដែរ​លោក ញឺ​ន កួន ប្រធាន​មន្ទីរ​ធនធានទឹក និង​ឧតុនិយម​ខេត្តឧត្តរមានជ័យ បាន​ឲ្យ​ដឹង​នៅ​ថ្ងៃ​ទី​២៤ ខែ​វិច្ឆិកា ឆ្នាំ​២០២២​នេះ​ថា ពី​មុន​មក​កន្លែង​ចំណុច​នេះ ជា​បឹង​មែន តែ​ក្រោយមក​ពុំ​មែន​ជា​បឹង​ទៀត​ទេ គឺជា​អាង​ស្តុ​ប​ទឹក​ក​ណ្តែ​ក​។ ហើយដោយ​ឡែក​អាង​ស្តុ​ប​ទឹក​ក​ណ្តែ​ក​នេះ​ដែរ កន្លង​មក មាន​ផ្ទៃដី​រក្សា​ទុក មាន​តែ​ទំហំ​ត្រឹមតែ​៦០​ហិ​កតា​ប៉ុណ្ណោះ តែ​បច្ចុប្បន្ន​អាង​ស្តុ​ប​ទឹក​ក​ណ្តែ​ក​នេះ មន្ទីរ​បាន​រក្សា​ទុក​មាន​ទំហំ​រហូត​ដល់​ទៅ​៩០​ហិ​កតា ហើយ​ត្រូវ​បាន​ចុះបញ្ជី​ជា​ប្រព័ន្ធ​បញ្ជី​ដី​របស់​រដ្ឋ និង​មានការ​កើនឡើង​លើស​ឆ្នាំ​ចាស់​កន្លង​មក រហូត​ដល់​ទៅ​៣០​ហិ​កតា​។

Picture

សូម​បញ្ជាក់​ថា អាង​ស្តុ​ប​ទឹក​ក​ណ្តែ​ក​នេះ​ដែរ បើ​តាម​ការ​លើក​ឡើង​ពី​ប្រជាពលរដ្ឋ​ដែល​រស់នៅ​ក្បែរ​ទៅ​នឹង​ទីតាំង​បឹង​ក​ណ្តែ​ក បាន​លើក​ឡើង​ថា នៅ​ក្នុង​បឹង​ក​ណ្តែ​ក​សព្វ​ថ្ងៃនេះ ចំពោះ​ហ្វូង​មច្ឆា​ជាតិ​ចំរុះ ដូច​ជា ត្រី​គ្រប់​ប្រភេទ មានការ​សម្បូរ​ច្រើន​ណាស់ ទាំង​តូច​ទាំង​ធំ ចាប់តាំងពី​ឆ្នាំ​២០១២​។ លុះ​ទឹក​បឹង​ឈប់​រីងស្ងួត​មក​នោះ គឺ​សម្បូរ​ត្រី​ច្រើន ហើយ​ការ​រក​ត្រី​វិញ ប្រជាពលរដ្ឋ​អា​ចរក​បានជា​លក្ខណ​គ្រួ​សារបាន​គ្រប់​ៗ​គ្នា ពីព្រោះ​ខាង​អាជ្ញាធរ​ពុំ​អនុញ្ញាតិ​ឲ្យ​រក​របរ​នេសាទ​ត្រី​ក្នុង​ផ្ទៃ​បឹង​ក​ណ្តែ​ក​ខុសច្បាប់​នោះ​ទេ ដូច​ឆក់ ដាក់​លប សាច់​អួន​ស្បៃ​មុង ឬ​ប្រើ​ឧបករណ៍​ខុស​បច្ចេកទេស​ផ្សេង​ៗ​នោះ​ទេ​។ ហើយ​ការ​ប្រកប​របរ​រក​ត្រី​នេះ​ដែរ អាជ្ញាធរ​អនុញ្ញាតិ​ឲ្យ​តែរ​កតាម​បែប​ជា​លក្ខណៈ​គ្រួសារ អាច​ដាក់​មង ចង​សន្ទូច បង់សំណាញ់ ពីព្រោះ​ការ​ទប់ស្កាត់​នេះ គឺ​ដើម្បី​ថែរក្សា​សម្បត្តិ​ធនធានធម្មជាតិ ឲ្យ​កាន់តែ​សម្បូរ​បន្ថែម​ជាង​នេះ​បន្ត​ទៅ​ថ្ងៃ​មុខ​ទៀត​៕

Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023