ខេត្តព្រះវិហារ ៖ ស្នងការដ្ឋាននគរបាលខេត្តព្រះវិហារ ឃាត់ខ្លួនជនសង្ស័យម្នាក់ឈ្មោះ ស ម៉េន ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិស្លែងទោល ឃុំរៀបរយ ស្រុករវៀង ខេត្តព្រះវិហារ ពាក់ព័ន្ធនឹងករណីលួចម៉ូតូប្រជាពលរដ្ឋ នៅចំណុចភូមិត្រែងភ្នំកេរ ភូមិថ្កែង ឃុំរៀបរយ ស្រុករវៀង ខេត្តព្រះវិហារ កាលពីថ្ងៃទី១៥ ខែឧសភា ឆ្នាំ២០១៧ថ្មីៗនេះ ។
ខេត្តព្រះវិហារ ៖ ស្នងការដ្ឋាននគរបាលខេត្តព្រះវិហារ ឃាត់ខ្លួនជនសង្ស័យម្នាក់ឈ្មោះ ស ម៉េន ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិស្លែងទោល ឃុំរៀបរយ ស្រុករវៀង ខេត្តព្រះវិហារ ពាក់ព័ន្ធនឹងករណីលួចម៉ូតូប្រជាពលរដ្ឋ នៅចំណុចភូមិត្រែងភ្នំកេរ ភូមិថ្កែង ឃុំរៀបរយ ស្រុករវៀង ខេត្តព្រះវិហារ កាលពីថ្ងៃទី១៥ ខែឧសភា ឆ្នាំ២០១៧ថ្មីៗនេះ ។
យោងតាមសម្តី លោកវរសេនីយ៍ឯក ឆយ បូរិន នាយសេនាធិការដ្ឋាន នៃស្នងការដ្ឋាននគរបាលខេត្តព្រះវិហារ បានឲ្យដឹងនៅរសៀលថ្ងៃទី១៧ ខែឧសភា ឆ្នាំ២០១៧នេះថា ជនសង្ស័យខាងលើនេះ ត្រូវបានសមត្ថកិច្ចឃាត់ខ្លួន ខណៈដែលជនសង្ស័យកាច់សោរ.ក ម៉ូតូរួច បានយកម៉ូតូនោះមកលក់នៅក្រុងព្រះវិហារ ប៉ុន្តែពេលនោះពុំមានឯកសារគ្រប់គ្រាន់ ដោយសង្ស័យលើ ជនសង្ស័យខាងលើ ពេលនោះម្ចាស់ហាងក៏បានប្តឹងទៅ អធិការដ្ឋាននគរបាលក្រុង ដើម្បីសួរនាំ ឃើញថាជាមុខសញ្ញា ដែលសមត្ថកិច្ចកំពុងស្វែងរកឃាត់ខ្លួន ពេលនោះក៏បានឃាត់ខ្លួនតែម្តង តាមបណ្តឹងរបស់ជនរងគ្រោះជាម្ចាស់ម៉ូតូ ឈ្មោះ សែម សិត ភេទប្រុស អាយុ២៦ឆ្នាំ រស់នៅភូមិថ្កែង ឃុំរហ័ស ស្រុករវៀង ខេត្តព្រះវិហារ រួចបញ្ជូនជនសង្ស័យ ទៅកាន់អធិការដ្ឋាននគរបាលស្រុករវៀង ដើម្បីសាកសួរបន្ត នឹងឲ្យជនសង្ស័យ ទៅបង្ហាញកន្លែងដែល ជនសង្ស័យកាច់សោរម៉ូតូ យកមកលក់នៅក្រុងព្រះវិហារ ។
សូមបញ្ជាក់ថា ជនសង្ស័យបានលួចម៉ូតូជនរងគ្រោះ ម៉ាកហុងដាឌ្រីម ពណ៌ខ្មៅ ស៊េរី២០១០ មកដល់ពេលនេះត្រូវបានសមត្ថកិច្ចអធិការដ្ឋាននគរបាលក្រុងព្រះវិហារ ប្រគល់ជូនទៅឲ្យម្ចាស់ដើមវិញហើយ ។ បច្ចុប្បន្ននេះជនសង្ស័យ សមត្ថកិច្ចបានបញ្ជូនខ្លួនទៅសាលាដំបូងខេត្តព្រះវិហារ ចាត់ការតាមនីតិវិធី នៅរសៀលថ្ងៃទី១៧ ខែឧសភា ឆ្នាំ២០១៧នេះ ។
ចែករំលែកព័តមាននេះ