ខេត្តកណ្តាល ៖ តើប្រធានមន្ទីរដែនដីនគរូបនីយកម្ម និងសំណង់ខេត្តកណ្ដាល បានទទួលព័ត៌មាននេះហើយឬនៅ និងមានដំណោះស្រាយបែបណាចំពោះបញ្ហាយឺតយ៉ាវក្នុងការចេញប្លង់ប័ណ្ណកម្មសិទ្ធិជូនប្រជាជនដែលទន្ទឹងរង់ចាំរាប់ឆ្នាំមកនេះ?
លោកឧត្តមសេនីយ៍ទោ ឈឿន ប៊ុនឆន ប្រធានវិទ្យុទាក់ទងនៃក្រសួងមហាផ្ទៃ នៅលើបណ្ដាញសង្គមហ្វេសប៊ុកផ្ទាល់ខ្លួនរបស់លោក កាលពីថ្ងៃទី២៤ ខែវិច្ឆិកា ឆ្នាំ២០២២ បានលើកឡើងថា ផ្តើមពីការរអ៊ូតាមហ្វេសបុកត្រឹមថ្ងៃនេះ រយៈពេលជាង៤ខែហើយ ដីដែលខ្ញុំទិញតាំងពីឆ្នាំ២០១៩ នៅតែមិនអាចចុះបញ្ជីចេញប័ណ្ណកម្មសិទ្ធិ និងបង់ពន្ធតាមនីតិវីធីច្បាប់ជាធរមានបាន។
ប្រធានវិទ្យុទាក់ទង លោកឧត្តមសេនីយ៍ទោ ឈឿន ប៊ុនឆន បានបន្តថា ខ្ញុំមិនដឹងនៅមានការខ្វះខាតអ្វីនោះទេ ដឹងត្រឹមថា ដីខ្ញុំមួយនេះមានគណៈកម្មការចុះប្រជុំច្រើនជាងគេ និងមានមន្ត្រីចំរុះចូលរួមប្រជុំច្រើនជាងបំបែកឯកត្តកម្មពុំធ្លាប់មាន តាមអ៊ំមេឃុំប្រាប់។ អរគុណពេលវេលា និងថែសុខភាពរងចាំមើលលទ្ធផល។
នេះបើតាមលោកឧត្តមសេនីយ៍ទោ ឈឿន ប៊ុនឆន បានបង្ហោះលើFacebook របស់លោកកាលពីម្សិលមិញថ្ងៃទី២៤ ខែវិច្ឆិកានេះ ថា ដីដែលលោកបានលើកឡើងខាងលើ គឺស្ថិតនៅក្នុងឃុំព្រែកជ្រៃ ស្រុកកោះធំ ខេត្តកណ្តាល ។
ព័ត៌មានបន្តនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ