ADផ្ទាំងផ្សព្វផ្សាយពាណិជ្ជកម្ម

Picture

កម្លាំង​ជំនាញ​ព្រហ្មទណ្ឌ​ស្រុក​ក្រគរ ឃាត់ខ្លួន​ជនសង្ស័យ​ម្នាក់ ករណី​លួច​ម៉ូតូ

1 អាទិត្យ មុន

ខេត្តពោធិ៍សាត់ ៖ ក្រោយ​ទទួល​បាន​ពាក្យបណ្ដឹង​ពី​ប្រជាពលរដ្ឋ​ផ្ទាល់មាត់​ថា មាន​ករណី​លួច​ម៉ូតូ​កាលពី​ថ្ងៃ​ទី​២៣ ខែវិច្ឆិកា ឆ្នាំ​២០២២ ភ្លាម​នោះ​កម្លាំង​ជំនាញ​ព្រហ្មទណ្ឌ​ស្រុក សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​អន្លង់​ត្នោត បាន​ចុះ​ស្រាវជ្រាវ​មុខសញ្ញា​លួច នៅ​ចំណុច​ផ្ទះ​ជន​រង​គ្រោះ…

ខេត្តពោធិ៍សាត់ ៖ ក្រោយ​ទទួល​បាន​ពាក្យបណ្ដឹង​ពី​ប្រជាពលរដ្ឋ​ផ្ទាល់មាត់​ថា មាន​ករណី​លួច​ម៉ូតូ​កាលពី​ថ្ងៃ​ទី​២៣ ខែវិច្ឆិកា ឆ្នាំ​២០២២ ភ្លាម​នោះ​កម្លាំង​ជំនាញ​ព្រហ្មទណ្ឌ​ស្រុក សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​អន្លង់​ត្នោត បាន​ចុះ​ស្រាវជ្រាវ​មុខសញ្ញា​លួច នៅ​ចំណុច​ផ្ទះ​ជន​រង​គ្រោះ ស្ថិត​នៅ​ភូមិ​ខ្លា​ក្រពើ ឃុំ​អន្លង់​ត្នោត ស្រុក​ក្រគរ ខេត្តពោធិ៍សាត់ ។

កម្លាំង​សមត្ថកិច្ច បាន​ធ្វើការ​ស្រាវជ្រាវ​ឃាត់ខ្លួន​ជនសង្ស័យ​ម្នាក់ ឈ្មោះ យ៉ា លី​យ៉ា​ន ភេទ​ប្រុស អាយុ​១៦​ឆ្នាំ ជនជាតិ​ខ្មែរឥស្លាម រស់នៅ​ភូមិ​ព្រែក​ស្ដី សង្កាត់​លលកស ក្រុង​ពោធិ៍សាត់ ខេត្តពោធិ៍សាត់ រួម​នឹង​វត្ថុ​តាង​ទូរ​សព្ទ​ដៃ​ចំនួន​១​គ្រឿង​, ម៉ូតូ​ចំនួន​១​គ្រឿង​, លុយ​ខ្មែរ​២២​ម៉ឺន​រៀល នាឡិកាដៃ​ចំនួន​១, ស្លាក​លេខ​ពោធិ៍សាត់ 1M-0041 និង​កាបូបដៃ​ចំនួន​០១ ។

ជន​រង​គ្រោះ​មានឈ្មោះ ឆក ពេជ្រ​ច​ន្ដា ភេទ​ស្រី អាយុ​២៤​ឆ្នាំ មុខរបរ​កសិករ រស់នៅ​ភូមិ​ឃុំ​កើតហេតុ​ខាងលើ បាន​បំភ្លឺ​ថា កាលពី​វេលា​ម៉ោង​០៧​និង​០០​នាទី​ថ្ងៃ​ទី​២១ ខែវិច្ឆិកា ឆ្នាំ​២០២២ ខ្លួន​បានឃើញ​ជនសង្ស័យ​ឈ្មោះ យ៉ា លី​យ៉ា​ន មក​លេង​ផ្ទះ​របស់​ខ្លួន ជាមួយ​ប្អូនប្រុស​ខ្លួន​រហូត​ដល់​វេលា​ម៉ោង​១​និង​១០​នាទី​រសៀល​ថ្ងៃ​ទី​២៣ ខែវិច្ឆិកា ឆ្នាំ​២០២២ ជនសង្ស័យ​ឈ្មោះ យ៉ា លី​យ៉ា​ន បាន​ធ្វើ​សកម្មភាព​លួច​យក​ម៉ូតូ​១​គ្រឿង​, ទូរ​សព្ទ​២​គ្រឿង​, នាឡិកា​១​គ្រឿង​, លុយ​ខ្មែរ​១០​ម៉ឺន​រៀល ហើយ​គេចខ្លួន​ទៅ​បាត់ ។

បច្ចុប្បន្ន ជនសង្ស័យ​ត្រូវ​ឃាត់ខ្លួន​នៅ​អធិការ​រ​ដ្ឋា​ន​នគរបាល​ស្រុក​ក្រគរ តាម​បញ្ជា​លោក កូយ កាន់​យ៉ា ព្រះរាជអាជ្ញា​អម​សាលាដំបូង​ខេត្តពោធិ៍សាត់ ដើម្បី​ចាត់ការ​បន្ត​តាម​នីតិវិធី ៕

Picture
Picture
Picture