ADផ្ទាំងផ្សព្វផ្សាយពាណិជ្ជកម្ម

Picture

ប្រធានរដ្ឋសភា​កម្ពុជា ​និង​ឥណ្ឌូ​នេ​ស៊ី ​ប្រកាស​គាំទ្រ​គ្នា​ទៅ​វិញ​ទៅ​មក ​លើ​វេទិកា​អន្តរជាតិ

1 អាទិត្យ មុន

រាជធានី​ភ្នំពេញ​ ៖​ ប្រមុខ​ដឹកនាំ​រដ្ឋសភា​កម្ពុជា និង​រដ្ឋសភា​ឥណ្ឌូ​នេ​ស៊ី ​បាន​ប្រកាសគាំទ្រ​គ្នា​ទៅ​វិញ​ទៅ​មក​នៅ​លើ​វេទិកា​អន្តរជាតិ​ និង​ធ្វើ​កិច្ច​ប្រ​កិច្ច​សហប្រតិបត្តិការ​ទ្វេ​ភាគី​ បន្ថែម​ទៀត​ ។ ការ​ប្រការ​គាំទ្រ​គ្នា ​ធ្វើ​ឡើង​ក្នុង​កិច្ច​ជំនួប​ពិភាក្សា​រវាងសម្តេច​អគ្គមហា​ពញា​ចក្រី…

រាជធានី​ភ្នំពេញ​ ៖​ ប្រមុខ​ដឹកនាំ​រដ្ឋសភា​កម្ពុជា និង​រដ្ឋសភា​ឥណ្ឌូ​នេ​ស៊ី ​បាន​ប្រកាសគាំទ្រ​គ្នា​ទៅ​វិញ​ទៅ​មក​នៅ​លើ​វេទិកា​អន្តរជាតិ​ និង​ធ្វើ​កិច្ច​ប្រ​កិច្ច​សហប្រតិបត្តិការ​ទ្វេ​ភាគី​ បន្ថែម​ទៀត​ ។

ការ​ប្រការ​គាំទ្រ​គ្នា ​ធ្វើ​ឡើង​ក្នុង​កិច្ច​ជំនួប​ពិភាក្សា​រវាងសម្តេច​អគ្គមហា​ពញា​ចក្រី ​ហេង សំ​រិ​ន ប្រធានរដ្ឋសភា​ និង​ជា​ប្រធាន​អាយ​ប៉ា ​លើក​ទី​៤៣ បាន​អញ្ជើញ​ជួប​ពិភាក្សា​ការងារ​ជាមួយលោក​ជំទាវ​បណ្ឌិត ពាន់ ម៉ា​ហា​រ៉ា​នី PUAN MAHARANI ប្រធានរដ្ឋសភា នៃ​សាធារណរដ្ឋ​ឥណ្ឌូ​នេ​ស៊ី ដែល​ត្រូវ​បន្ត​ធ្វើជា​ប្រធាន​អាយ​ប៉ា​ លើក​ទី​៤៤ នា​ព្រឹក​ថ្ងៃ​ព្រហស្បតិ៍​ ទី​២៤​ ខែវិច្ឆិកា​ ឆ្នាំ​២០២២​នេះ នៅ​សណ្ឋាគារ​សុខា​ភ្នំពេញ​ ។

នៅ​ក្នុង​ជំនួប​លោក​ជំទាវ​បណ្ឌិត ពាន់ ម៉ា​ហា​រ៉ា​នី បាន​សម្តែង​ការ​អបអរសាទរ​ដែល​រដ្ឋសភា​កម្ពុជា​ ក្រោម​ការ​ដឹកនាំ​សម្តេច​អគ្គ​មហា​ពញា​ចក្រី​ផ្ទាល់ បាន​រៀបចំ​មហាសន្និបាត​អាយ​ប៉ា​ លើក​ទី​៤៣ ​ប្រកបដោយ​ភាព​ជោគជ័យ នៅ​ក្នុង​ការ​លើកកម្ពស់​វិស័យ​ការទូត​សភា ​។

លោក​ជំទាវ បាន​គូសបញ្ជាក់​ថា​ ៖ «​ស្ថាប័ន​សភា​ មាន​តួនាទី​សំខាន់ នៅ​ក្នុង​ការ​លើកកម្ពស់​ជីវភាព​ពលរដ្ឋ ពង្រឹង​លទ្ធិប្រជាធិបតេយ្យ ដូច្នេះ​ការ​រួបរួម​សភាពង្រឹង​កិច្ច​សហប្រតិបត្តិការ​រវាង​គ្នា ជា​ការ​ចំ​បាច់​របស់តំណាង​ប្រជាពលរដ្ឋ​»​ ។

លោក​ជំទាវ​បណ្ឌិត ពាន់ ម៉ា​ហា​រ៉ា​នី បាន​គោរព​ស្នើ​សុំ​សម្តេច​ធ្វើ​យ៉ាងណា​ពង្រឹងពង្រីកកិច្ច​សហប្រតិបត្តិការ​រដ្ឋសភា​ប្រទេស​ទាំង​ពីរ ឲ្យ​រឹង​មាំ​ឡើង​នៅ​គ្រប់​កម្រិត ​។

នៅ​ក្នុង​ន័យ​នេះ ​លោក​ជំទាវ​សង្ឃឹមថា​ រដ្ឋសភា​កម្ពុជា​ នឹង​បន្ត​គាំទ្រ​ការ​ធ្វើ​ជា​ប្រធាន​អាស៊ាន ​និង​ប្រធាន​អាយ​ប៉ា ​របស់​ឥណ្ឌូ​នេ​ស៊ី ​នៅ​ឆ្នាំ​២០២៣​នេះ ឲ្យ​ទទួល​បាន​ជោគជ័យ​ ដែរ ​។

ជា​ការ​ឆ្លើយ​តប សម្តេច​អគ្គ​មហា​ពញា​ចក្រី ហេង សំ​រិ​ន បាន​សម្តែង​សេចក្តី​សោមនស្ស​រីករាយ ដែល​លោក​ជំទាវ​ បាន​ដឹកនាំ​គណៈប្រតិភូ​ជាន់ខ្ពស់​សភា​ឥណ្ឌូ​នេ​ស៊ី មក​បំពេញ​ទស្សន​កិច្ច​ការងារ និង​ចូលរួម​មហាសន្និបាត​អាយ​ប៉ា ​លើក​ទី​៤៣ ដែល​សភា​កម្ពុជា​ធ្វើ​ជា​ម្ចាស់ផ្ទះ ថា​ពិតជា​ការ​រួមចំណែក​គាំទ្រ​ដល់​សភា​កម្ពុជា ក្នុង​អាណត្តិ​ជា​ប្រធានមហាសន្និបាត ឲ្យបំពេញ​កាតព្វកិច្ច​ប្រកបដោយ​ជោគជ័យ​ ។

សម្តេច​ប្រធានរដ្ឋសភា​បាន​លើក​ឡើង​ថា ​រដ្ឋសភា​កម្ពុជា​ និង​ឥណ្ឌូ​នេ​ស៊ី​ បាន​គាំទ្រ​គ្នា​ទៅ​វិញ​ទៅ​មក​នៅ​លើ​វេទិកា​អន្តរជាតិ​។ ហើយ​ជំនួប​ពិភាក្សា​នា​ថ្ងៃនេះ នឹង​បន្ត​រួមចំណែក​ក្នុង​ការ​ព​ង្រឹង​ពង្រីក​ទំនាក់ទំនង ចំណងមិត្តភាព និង​កិច្ច​សហប្រតិបត្តិការ​ទ្វេភាគី​រវាង​ប្រទេស​ទាំង​ពីរ ជា​ពិសេស​រវាង​រដ្ឋសភា​កម្ពុជា​-​និង​ឥណ្ឌូ​នេ​ស៊ី ឲ្យ​កាន់តែ​ប្រសើរ​ឡើង​ទ្វេ​ដង​ថែម​ទៀត ​។ សម្តេច​បាន​ជូនពរ ​ឱ្យ​រដ្ឋសភា​ឥណ្ឌូ​នេ​ស៊ី ​ទទួល​បាន​ជោគជ័យ​ក្នុង​ការ​រៀបចំ​មហាសន្និបាត​អាយ​ប៉ា​ លើក​ទី​៤៤ ​នៅ​ឆ្នាំ​២០២៣ ​ខាង​មុខ​។

នៅ​ក្នុង​ឱកាស​នោះ ​សម្តេច​ប្រធានរដ្ឋសភា បាន​ចូលរួម​រំលែក​ទុក្ខ និង​សោកស្តាយ​ជាមួយ រដ្ឋសភា​ និង​ប្រជាជន​ឥណ្ឌូ​នេ​ស៊ី ដែល​រង​គ្រោះ​ដោយ​គ្រោះ​រញ្ជួយ​ដី ដ៏​អាក្រក់​វាយប្រហារ​នៅកោះ​ជ្វា​ខាងលិច បាន​បំផ្លិចបំផ្លាញ ផ្ទះសម្បែង សម្លាប់​អាយុជីវិត​ប្រជាជន រាប់រយ​នាក់ ភាគច្រើន​ជា​កុមារ​។ កម្ពុជា​ឈរ​នៅ​ជាមួយ​រដ្ឋសភា រដ្ឋាភិបាល និង​ប្រជាជន​ឥណ្ឌូ​នេ​ស៊ី ផង​ដែរ ​៕

Picture
Picture