ប្អូនស្រី Kim Jong-un ហៅប្រធានាធិបតីកូរ៉េខាងត្បូងថាជាសុនខរបស់អាមេរិក
កូរ៉េខាងជើង ៖ ប្អូនស្រីដ៏មានអំណាចរបស់មេដឹកនាំកូរ៉េខាងជើង Kim Jong-un បានហៅ
កូរ៉េខាងជើង ៖ ប្អូនស្រីដ៏មានអំណាចរបស់មេដឹកនាំកូរ៉េខាងជើង Kim Jong-un បានហៅប្រធានាធិបតី និងរដ្ឋាភិបាលកូរ៉េខាងត្បូងថាជាមនុស្សឆ្កួត និងជាឆ្កែដ៏ស្មោះត្រង់របស់អាមេរិក។ នេះបើយោងតាមប្រព័ន្ធផ្សព្វផ្សាយកូរ៉េខាងជើងនៅថ្ងៃព្រហស្បតិ៍ ទី ២៤ វិច្ឆិកានេះ។
ការបរិយាយដោយកំហឹងបែបនេះរបស់ Kim Yo-jong កើតឡើងបន្ទាប់ពីទីក្រុងសេអ៊ូលបាននិយាយនៅសប្តាហ៍នេះថា ខ្លួនកំពុងពិចារណាដាក់ទណ្ឌកម្មឯកតោភាគីចំពោះការបា.ញ់សាកល្បងមីស៊ីលកាលពីពេលថ្មីៗរបស់កូរ៉េខាងជើង រួមមានការបា.ញ់មីស៊ីលអន្តរទ្វីបកាលពីសប្តាហ៍មុន។
ស្ត្រីដ៏មានឥទ្ធិពលម្នាក់នេះបាននិយាយក្នុងសេចក្តីប្រកាសចុះផ្សាយដោយ KCNA ដូច្នេះថា «ទង្វើដ៏គួរឱ្យស្អប់ខ្ពើមនេះបង្ហាញកាន់តែច្បាស់ថាក្រុមកូរ៉េខាងត្បូងជាឆ្កែដ៏ស្មោះត្រង់ និងជាល្បិចរបស់អាមេរិក»។
Kim Yo-jong និយាយទៀតថា «ខ្ញុំឆ្ងល់ថាទណ្ឌកម្មអ្វីដែលកូរ៉េខាងត្បូងដែលមិនលើសពីឆ្កែព្រៃរត់តាមឆ្អឹងរបស់អាមេរិក ដាក់ដោយមិនអៀនខ្មាស់លើកូរ៉េខាងជើង»។
នាងបានចោទប្រកាន់ប្រធានាធិបតីកូរ៉េខាងត្បូង Yoon Suk-yeol ថាបានបង្កើតស្ថានភាពគ្រោះថ្នាក់ និងបានប្រៀបធៀបគាត់ទៅនឹងមេដឹកនាំកាន់តំណែងមុនគឺលោក Moon Jae-in ដោយនាងលើកឡើងថា ទីក្រុងសេអ៊ូលមិនមែនជាគោលដៅរបស់យើងនោះទេ។
Kim Yo-jong និយាយថា «ខ្ញុំឆ្ងល់ថាហេតុអ្វីប្រជាជនកូរ៉េខាងត្បូងនៅតែបន្តមើលរំលងលើសកម្មភាពបែបនេះរបស់រដ្ឋាភិបាលលោក Yoon Suk-yeol និងមនុស្សឆ្កួតផ្សេងទៀត»។
សាស្ត្រាចារ្យ Yang Moo-jin នៃសាកលវិទ្យាល័យ North Korean Studies ក្នុងទីក្រុងសេអ៊ូលបាននិយាយថា កូរ៉េខាងជើងចូលចិត្តចេញសេចក្តីប្រកាសមុនពេលអនុវត្តការបង្កហេតុណាមួយ។
លោកថ្លែងថា «អាចនឹងមានការបង្ហាញណាមួយប្រឆាំងនឹងកូរ៉េខាងត្បូង និងអាមេរិកក្នុងពេលឆាប់ៗនេះ»៕ (យោងតាមប្រភព៖ Freemalaysiatoday)
ចែករំលែកព័តមាននេះ