ADផ្ទាំងផ្សព្វផ្សាយពាណិជ្ជកម្ម

Picture

ជំរុញឲ្យមន្ត្រីចាប់យកបច្ចេកវិទ្យា ដើម្បីផ្សព្វផ្សាយសម្រាប់ការរីកចម្រើនសេដ្ឋកិច្ច និងការវិនិយោគ

1 អាទិត្យ មុន
  • ភ្នំពេញ

រាជធានី​ភ្នំពេញ ៖ មន្ត្រី​បង្គោល​ចំនួន​៥០​នាក់​មក​ពី​២៥​រាជធានី​-​ខេត្ត កាលពី​ថ្ងៃ​ទី​២៣ ខែវិច្ឆិកា ត្រូវ​បាន​ជំរុញ​អោយ​ចាប់​យក​បច្ចេកវិទ្យា​ព្រមទាំង​ចំណេះដឹង​នៃ​ការ​សរសេរ ដើម្បី​ធ្វើការ​ផ្សព្វផ្សាយ​អោយ​មាន​ប្រសិទ្ធភាព ដើម្បី​ចូលរួម​ដល់​ការ​រីក​ចម្រើន​សេដ្ឋកិច្ច និង​ការ​វិនិយោគ​។ ការ​លើកទឹកចិត្ត​បែប​នេះ​ត្រូវ​បាន​ធ្វើ​ឡើង​ដោយ…

រាជធានី​ភ្នំពេញ ៖ មន្ត្រី​បង្គោល​ចំនួន​៥០​នាក់​មក​ពី​២៥​រាជធានី​-​ខេត្ត កាលពី​ថ្ងៃ​ទី​២៣ ខែវិច្ឆិកា ត្រូវ​បាន​ជំរុញ​អោយ​ចាប់​យក​បច្ចេកវិទ្យា​ព្រមទាំង​ចំណេះដឹង​នៃ​ការ​សរសេរ ដើម្បី​ធ្វើការ​ផ្សព្វផ្សាយ​អោយ​មាន​ប្រសិទ្ធភាព ដើម្បី​ចូលរួម​ដល់​ការ​រីក​ចម្រើន​សេដ្ឋកិច្ច និង​ការ​វិនិយោគ​។

Picture

ការ​លើកទឹកចិត្ត​បែប​នេះ​ត្រូវ​បាន​ធ្វើ​ឡើង​ដោយ លោក យ៉េ​ត វី​ណែ​ល អនុរដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ នៅ​ក្នុង​វគ្គ​បណ្តុះបណ្តាល​មួយ​ស្តី​ពី​របៀប​សរសេរ​អត្ថបទ​, បច្ចេកទេស​នៃ​ការ​ថតរូប​, ការ​គ្រប់គ្រង​ហ្វេ​ស​ប៊ុ​ក និង​ការ​គ្រប់គ្រង​ទិន្នន័យ​លើ​គេហទំព័រ​របស់​មន្ទីរ​សេដ្ឋកិច្ច និង​ហិរញ្ញវត្ថុ​តាម​បណ្តា​រាជធានី និង​ខេត្ត​វគ្គ​សិក្សា​នេះ​ត្រូវ​បាន​ធ្វើ​ឡើង​នៅ​សាលា​ជាតិ​គយ​។

Picture

លោក យ៉េ​ត វី​ណែ​ល បាន​មាន​ប្រសាសន៍​ថា មន្ទីរ​សេដ្ឋកិច្ច និង​ហិរញ្ញវត្ថុ​ត្រូវធ្វើ​ទំនើប​កម្ម និង​គ្រប់គ្រង​ទិន្ន័យ​អោយ​មាន​ប្រសិទ្ធភាព ដើម្បី​ជា​ឧបករណ៍​សម្រាប់​លើកកម្ពស់​គណនេយ្យ​ភាព និង​តម្លាភាព​ផ្នែក​ហិរញ្ញវត្ថុ​សាធារណៈ​ក៏​ដូច​ជា ឧបករណ៍​ផ្សព្វផ្សាយ​ព័ត៌មាន​សេដ្ឋកិច្ច​ក្នុង​រាជធានី ខេត្ត ដល់​សាធារណៈជន ពិសេស​វិនិយោគ​គិ​ន​។ការ​រៀបចំ និង​ប្រើប្រាស់​គេហទំព័រ​នេះ​ជា​មូលដ្ឋាន​ក្នុង​ការ​ឈាន​ទៅ​អនុវត្ត​រដ្ឋបាល​តាម​ប្រព័ន្ធ​អេ​ឡិច​ត្រូ​និក និង​សេដ្ឋកិច្ច​ឌី​ជី​ថ​ល​។

Picture
Picture

នៅ​ក្នុង​វគ្គ​បណ្តុះបណ្តាល​ដែល​រៀបចំ​ឡើង​ក្រោម​កិច្ច​សហប្រតិបត្តិការ​វាង​ក្រសួង​សេដ្ឋកិច្ច និង​ហិរញ្ញវត្ថុ​ជាមួយ​សារព័ត៌មាន​កោះសន្តិភាព មន្ត្រី​ត្រូវ​បាន​បង្ហាត់បង្រៀន​អំពី​របៀប​នៃ​ការ​សរសេរ​ដែល​មាន​ភាព​ទាក់ទាញ បច្ចេកទេស​ថតរូប​អោយ​ស្អាត​ល្អ និង​ការ​ប្រើប្រាស់​ហ្វេ​ស​ប៊ុ​ក និង​គេហទំព័រ​អោយ​មាន​ប្រសិទ្ធភាព​។

Picture

លោក ងួ​ន សេ​រ័​ត្ន អគ្គនាយករង​សារព័ត៌មាន​កោះសន្តិភាព​បាន​និយាយ​ថា ការ​បណ្តុះបណ្តាល​មន្ត្រី​អោយ​ចេះ​ប្រើប្រាស់​បច្ចេកវិទ្យា​គួប​ផ្សំ​នឹង​ការ​សរសេរ​ប្រកបដោយ​ភាព​ទាក់ទាញ​នឹង​ក្លាយជា​ផ្នែក​មួយ​ដ៏​សំខាន់​សម័យកាល​ឌី​ជី​ថ​ល​ដែល​ទាមទារ​អោយ​មាន​រដ្ឋបាល​អេ​ឡិច​ត្រូ​និក និង​សេដ្ឋកិច្ច​ឌី​ជី​ថ​ល​។

លោក សង្ឃឹមថា ចំណេះដឹង​ដែល​មន្ត្រី​បង្គោល​មក​ពី​២៥​រា​ធានី​ខេត្ត​ទទួល​បាន​នៅ​ក្នុង​វគ្គ​សិក្សា​នេះ​នឹង​ផ្តល់​ជា​ប្រយោជន៍​សម្រាប់​សិក្ខាកាម​ទាំងអស់​ផង និង​ផលប្រយោជន៍​ជាតិ​ទាំងមូល​តាម​រយៈ​ការ​ប្រើប្រាស់​ការ​ប្រើប្រាស់​បច្ចេកវិទ្យា និង​ព័ត៌មាន​សម្រាប់​ជំរុញ​តម្លាភាព គ​ណេ​នេ​យ្យ​ភាព និង​ការ​ទាក់ទាញ​វិនិយោគ​ដែល​នឹង​ឈាន​ដល់​ការ​រីក​ចម្រើន​សេដ្ឋកិច្ច​៕​ដោយ សា​រ៉ា​ន

Picture
Picture