មកដឹងពីមូលហេតុក្រុមជម្រើសជាតិអ៊ីរ៉ង់ មិនច្រៀងភ្លេងជាតិក្នុងការប្រកួតជាមួយអង់គ្លេស
- ភ្នំពេញ
World Cup ៖ ក្រុមជម្រើសជាតិអុីរ៉ង់បានបដិសេធការច្រៀងភ្លេងជាតិរបស់ខ្លួន មុនការប្រកួត
World Cup ៖ ក្រុមជម្រើសជាតិអុីរ៉ង់បានបដិសេធការច្រៀងភ្លេងជាតិរបស់ខ្លួន មុនការប្រកួតរបស់ពួកគេនៅ World Cup ជាមួយនឹងក្រុមជម្រើសជាតិ អង់គ្លេស ដើម្បីតវ៉ាប្រឆាំងនឹងរដ្ឋាភិបាលក្នុងប្រទេសរបស់ខ្លួន។
ក្នុងការប្រកួតនៅយប់នោះ អ្នកគាំទ្រជាច្រើនបានស្រែកអំឡុងពេលលេងភ្លេងជាតិ ហើយអ្នកខ្លះបានលើកបដាសរសេរថា«ស្ត្រី ជីវិត និងសេរីភាព»។ គេសង្កេតឃើញថា នៅប៉ុន្មានខែចុងក្រោយនេះ នៅអ៊ីរ៉ង់ មានការតវ៉ា និងបង្ក្រាបយ៉ាងខ្លាំងក្លា រហូតដល់មានអ្នកស្លា.ប់ជាច្រើននាក់ ។ មែនទែនទៅ ភ្លើងកំហឹងរបស់អ្នកតវ៉ាកើតឡើង បន្ទាប់ពីការស្លាប់របស់នារីវ័យ២២ឆ្នាំម្នាក់ ដែលត្រូវប៉ូលិសឃុំខ្លួន កាលពីខែកញ្ញា ដោយចោទប្រកាន់ថា បានបំពា.នច្បាប់តឹងរ៉ឹងជុំវិញការគ្របក្បាល ។
ជុំវិញបញ្ហានេះសកម្មជនសិទ្ធិមនុស្សបាននិយាយថា អ្នកតវ៉ាជាង៤០០នាក់ បានស្លាប់ និងជាង១៦៨០០ផ្សេងទៀតត្រូវបានចាប់ខ្លួនក្នុងការបង្ក្រាបដោយកងកម្លាំងអ៊ីរ៉ង់ ។ សកម្មភាពទាំងអស់នេះហើយ បានធ្វើឲ្យក្រុមជម្រើសជាតិអ៊ីរ៉ង់ មិនព្រមច្រៀងភ្លេងជាតិ អំឡុងពេលប្រកួត World Cup។
គួរបញ្ជាក់ថា ក្រុមជម្រើសជាតិអ៊ីរ៉ង់ បានប្រកួតចាញ់ក្រុមតោកំណាចអង់គ្លេស ក្នុងលទ្ធផល ៦ ទល់នឹង ២ ក្នុងការប្រកួតបើកឆាករបស់ខ្លួនក្នុងពូលB ៕
ចែករំលែកព័តមាននេះ