«Daily Mail»របស់អង់គ្លេសកាលពីថ្ងៃទី១២ ឧសភា ២០១៧ ផ្សាយថាបុរសជនជាតិអូស្រ្តាលីអាយុ៣០ឆ្នាំម្នាក់សុំមិនបញ្ចេញឈ្មោះដែលកំពុងដាច់យ៉ៃ និងទាត់ខ្យល់គ្មានការងារធ្វើតាំងពីឆ្នាំ២០១៦ មក មានក្តីរំភើបរីករាយយ៉ាងខ្លាំងនៅពេលក្រុមហ៊ុន«Powerball»ប្រាប់ដំណឹងថាត្រូវឆ្នោតរង្វាន់ធំ
«Daily Mail»របស់អង់គ្លេសកាលពីថ្ងៃទី១២ ឧសភា ២០១៧ ផ្សាយថាបុរសជនជាតិអូស្រ្តាលីអាយុ៣០ឆ្នាំម្នាក់សុំមិនបញ្ចេញឈ្មោះដែលកំពុងដាច់យ៉ៃ និងទាត់ខ្យល់គ្មានការងារធ្វើតាំងពីឆ្នាំ២០១៦ មក មានក្តីរំភើបរីករាយយ៉ាងខ្លាំងនៅពេលក្រុមហ៊ុន«Powerball»ប្រាប់ដំណឹងថាត្រូវឆ្នោតរង្វាន់ធំដល់ទៅ៥០លានដុល្លារឯណោះ ។
ដឹងដំណឹងនោះភ្លាមបុរសមានសំណាងស្រឡាំងកាំង និងសួរទៅក្រុមហ៊ុនថា រូបគេត្រូវធ្វើបែបណា ? ធ្វើអ្វីខ្លះ ? គួរទូរស័ព្ទទៅប្រាប់ម្តាយ ឬអត់ ? គួរបង្ហាញក្តីរំភើបចំពោះប្រពន្ធបែបបណា?
បុរសនោះជាមនុស្សតែម្នាក់ដែលត្រូវរង្វាន់លើកនេះ ដូច្នេះហើយគេមិនបាច់ទៅពឹងប្រាក់ពីអ្នកដទៃទេ ខណៈគេកំពុងតែដាច់យ៉ៃនេះ ។
បុរសមានសំណាងរូបនោះមានគម្រោងបែងចែកប្រាក់មួយចំនួនទៅមិត្តភក្តិ និងក្រុមគ្រួសារ ព្រមទាំងបើកភោជនីយដ្ឋានមួយ ។ គេនិយាយថា «ខ្ញុំមិនត្រូវការប្រាក់ច្រើនទេ ដូច្នេះហើយចង់ធ្វើមនុស្សធម៌នៅក្នុងសង្គម ព្រោះបច្ចុប្បន្ននេះមានមនុស្សអនាថា និស្សិត និងមនុស្សជាច្រើនជួបការលំបាកនៅក្នុងការរកចំណូល» ៕
ចែករំលែកព័តមាននេះ