ក្នុងរបាយការណ៍របស់ខ្លួន នាយកផ្នែកស៊ើបការណ៍ជាតិសហរដ្ឋអាមេរិកគូសបញ្ជាក់ថា រុស្ស៊ី និងចិនអាចកំពុងតែបង្កើតអាវុធនានាប្រឆាំងផ្កាយរណបដោយលើកពីការគំរាមកំហែងសំខាន់ដែលប្រទេសលោកក៏ត្រូវប្រឈម ។
ក្នុងរបាយការណ៍របស់ខ្លួន នាយកផ្នែកស៊ើបការណ៍ជាតិសហរដ្ឋអាមេរិកគូសបញ្ជាក់ថា រុស្ស៊ី និងចិនអាចកំពុងតែបង្កើតអាវុធនានាប្រឆាំងផ្កាយរណបដោយលើកពីការគំរាមកំហែងសំខាន់ដែលប្រទេសលោកក៏ត្រូវប្រឈម ។
លោក DAN COATS នាយកផ្នែកស៊ើបការណ៍ជាតិអាមេរិកនិយាយថា ក្រុងមូស្គូ និងក្រុងប៉េកាំងតំណាងឱ្យគ្រោះថ្នាក់ធំបំផុត២ ។ របាយការណ៍របស់លោកដាក់ជូនគណៈកម្មការស៊ើបការណ៍របស់ព្រឹទ្ធសភាសរសេរថា ការវាយតម្លៃរបស់យើងគឺថារុស្ស៊ី និងចិន គិតថា ចាំបាច់ត្រូវឆ្លើយតបចំពោះការជឿនលឿនខាងយោធានីមួយៗរបស់សហរដ្ឋអាេមរិកមិនថា ក្នុងប្រព័ន្ធយោធា ប្រព័ន្ធស៊ីវិល ឬអវកាសឡើយ ។ ក្រុងមូស្គូ និងក្រុងប៉េកាំងផ្តោតកាន់តែខ្លាំងឡើងលើលទ្ធភាពវាយប្រហារសំដៅលើបណ្តាប្រព័ន្ធអវកាសទុកដូចជាផ្នែកមួយនៃលទ្ធិយោធានាពេលអនាគតរបស់ពួកគេ ។ ប្រទេសទាំង២នឹងបន្តផលិតរាល់អាវុធប្រឆាំងផ្កាយរណបទុកដូចជាមធ្យោបាយកាត់បន្ថយប្រសិទ្ធភាពរបស់កងទ័ពអាមេរិក ។
ម្យ៉ាងវិញទៀត របាយការណ៍នេះចង់និយាយថា ក្រុងមូស្គូ និងក្រុងប៉េកាំងនឹងធ្វើអ្វីគ្រប់យ៉ាងដើម្បីឱ្យទទួលបានអាវុធទាំងនេះ ដែលសំដៅទប់ទល់ក្នុងទីអវកាសរាល់សត្រូវ ហើយពិសេសបំផុតគឺសហរដ្ឋអាេមរិកទាំងក្នុងកម្រិតការទូតផងដែរ ។ ចិន និងរុស្ស៊ីនឹងស្នើពីការរំសាយយោធានៅទីអវកាស ហើយនិយាយពីគោលការណ៍នៃការបដិសេធការមានអាវុធទាំងនេះ ។
ម្យ៉ាងវិញទៀត ផ្នែកស៊ើបការណ៍អាមេរិកគូសបញ្ជាក់ពីលទ្ធភាពបង្កការរំខានអុកឡុកបណ្តាផ្កាយរណបយោធា ព្រមទាំងបណ្តាប្រព័ន្ធ GPS ។
របាយការណ៍បន្តថា រុស្ស៊ីមានចេតនាធ្វើឱ្យទំនើបដល់កងកម្លាំងប្រយុទ្ធប្រឆាំងវិទ្យុអេឡិចទ្រិក ហើយដាក់ពង្រាយអាវុធសង្គ្រាមវិទ្យុអេឡិចទ្រិកជំនាន់ថ្មីនាឆ្នាំ២០២០ ។ ទន្ទឹមនឹងនេះអីុរ៉ង់ ព្រមទាំងកូរ៉េខាងជើងពង្រីកយ៉ាងខ្លាំង បណ្តាលទ្ធភាពរបស់ពួកគេ ដោយរំលោភបំពានលើបណ្តាបែបបទនៃគមនាគមន៍យោធា ។
លើសពីនេះទៀត យោងតាមផ្នែកស៊ើបការណ៍អាមេរិកថា រុស្ស៊ី និងចិននឹងបង្កើតនាប៉ុន្មានឆ្នាំខាងមុខទៀត បណ្តាប្រព័ន្ធដែលសំដៅកម្ទេចបណ្តាផ្កាយរណប ចំណែកក្រុងប៉េកាំងអាចជិតឈានដល់លទ្ធភាពដាក់ពង្រាយបណ្តាប្រព័ន្ធមានមូលដ្ឋាននៅលើដី ដែលសំដៅស្ទាក់កម្ទេចផ្កាយរណប ។ រុស្ស៊ី និងចិនធ្វើសកម្មភាពស្មុគស្មាញលើតារាវិថី ។ ប្រតិបត្តិការមួយចំនួនប្រហែលជាសំដៅសាកល្បងបណ្តាបច្ចេកវិទ្យាមានមុខងារ២ ក្នុងនោះមានមុខងារប្រឆាំងផ្កាយរណប ។
យោងតាមរបាយការណ៍របស់លោក COAIS ថា បណ្តាប្រព័ន្ធគ្រប់គ្រងកាកសំណល់អវកាសអាចត្រូវប្រើប្រាស់ ដើម្បីប្រយុទ្ធប្រឆាំងបណ្តាផ្កាយរណប ។
របាយការណ៍របស់លោក COATS ដាក់ជូនព្រឹទ្ធសភាអាេមរិក សំដៅកំណត់ពីការគំរាមកំហែងសំខាន់សម្រាប់សហរដ្ឋអាមេរិក ៕
ចែករំលែកព័តមាននេះ