រាជធានីភ្នំពញ ៖ សេចក្តីរាយការណ៍បន្តឱ្យដឹង ទាក់ទិនការស្លាប់នារីម្នាក់ ដែលគេស្គាល់ថា ជាប្រពន្ធក្រោយរបស់តារាកំប្លែង ហុង ដា ត្រូវបានឪពុកបង្កើតនារីរងគ្រោះអះអាងនារសៀលថ្ងៃទី១១ ឧសភា ថា កូនស្រីដែលស្លាប់នេះ មានឈ្មោះស៊ឹម ចាន់ធី អាយុ១៨ឆ្នាំ មានទីលំនៅក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។ ប្រពន្ធអ្នកកំប្លែងនាយហុង ដា ស្លាប់ក្នុងបន្ទប់ខុនដូ
ប្រភពបន្តថា កូនស្រីគាត់ (នារីដែលស្លាប់) បានស្រឡាញ់គ្នាជាមួយហុង ដា ដោយពួកគេបាននាំគ្នាមកទិញខុនដូ ស្ថិតនៅភូមិតាឡី នេះ (កន្លែងកើតហេតុ) ស្នាក់នៅជាមួយគ្នា ។ ថ្ងៃនេះដែរ ហុងដា គឺមិនបាននៅជាមួយកូនស្រីគាត់ទេ ដោយជាប់រវល់ទៅសម្តែងកន្លែងនៅឯខេត្តបន្ទាយមានជ័យ ។
ទោះបីជាយ៉ាងណា ខណៈនេះ សមត្ថកិច្ចនៅមិនទាន់សន្និដ្ឋានបានថា តើជាករណីអ្វីពិតប្រាកដឡើយ ចំពោះការស្លាប់នារីងគ្រោះ ដោយកម្លាំងកំពុងដុតដៃជើងស្រាវជ្រាវយ៉ាងក្តៅបំផុត ។ ក្នុងនោះ សមត្ថកិច្ចក៏មិនអនុញ្ញាតឱ្យអ្នកណាម្នាក់ ចូលទៅជិតសាកសពដែរ ដោយកំពុងពិនិត្យ និងធ្វើសល្យវិច័យបន្តទៀត ។
ចែករំលែកព័តមាននេះ