ខេត្តកំពង់ឆ្នាំង ៖ ឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង នៅព្រឹកថ្ងៃទី
ខេត្តកំពង់ឆ្នាំង ៖ ឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង នៅព្រឹកថ្ងៃទី 20 ខែវិច្ឆិកា ឆ្នាំ 2022 ក្រោយពីពិនិត្យ គ្រឿងក្នុងមាន់ដែលដឹកតាមរថយន្តសាំយ៉ុងគ្មានលិខិតអនុញ្ញាត បានចាត់តាំងឲ្យបង្កើតគណៈកម្មការចម្រុះដើម្បីធ្វើការដុតកំទេចចោល។
លោក ក្រឹង សំអាត ប្រធានការិយាល័យផលិតកម្មនិងបសុខព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានឲ្យដឹងថា កាលពីយប់ថ្ងៃទី 19 ខែវិច្ឆិកា ឆ្នាំ2022 សមត្ថកិច្ចនគរបាលសេដ្ឋកិច្ច និងមន្ត្រីជំនាញបានចាប់ឃាត់ខ្លួនរថយន្តសាំយ៉ុងមួយគ្រឿងពាក់ស្លាកលេខ ភ្នំពេញ2M 3047 ដែលបានធ្វើការឆែកឆេរពិនិត្យឃើញមានកោះមាន់ និងគ្រឿងក្នុងមាន់ចំនួន 345 ស្មើនឹងប្រមាណ 5 តោន។
ការដឹកជញ្ជូនគ្រឿងមាន់គ្មានលិខិតអនុញ្ញាតបែបនេះ ត្រូវបានយកមករក្សាទុកនៅ ការិយាល័យផលិតកម្មនិងបសុព្យាបាល ។ព្រឹកនេះក្រោយពីព្រះរាជអាជ្ញា ធ្វើការពិនិត្យ រួច បានការអនុញ្ញាតឲ្យរៀបចំង្កើតគណៈកម្មការដើម្បីធ្វើការដុតកម្ទេចចោល កោះ និង គ្រឿងក្នុងមាន់ទាំងនោះ ។ចំណែកឯរថយន្តត្រូវបានកសាងសំណុំរឿងបញ្ជូនទៅតុលាការចាត់ការតាមនិតិវិធី ៕
ចែករំលែកព័តមាននេះ