អភិបាលខេត្តកំពតថា៖ សូមកុំយកវត្តអារាមធ្វើជាកន្លែងសមរភូមិ
- កំពត
ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត រួមដំណើរឯកឧត្តមជឹង ផល្លា ប្រធានក្រុមប្រឹក្សាខេត្ត និងមន្ត្រីសង្ឃខេត្ត កាលពីព្រឹកថ្ងៃទី14…
ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត រួមដំណើរឯកឧត្តមជឹង ផល្លា ប្រធានក្រុមប្រឹក្សាខេត្ត និងមន្ត្រីសង្ឃខេត្ត កាលពីព្រឹកថ្ងៃទី14…
ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត រួមដំណើរឯកឧត្តមជឹង ផល្លា ប្រធានក្រុមប្រឹក្សាខេត្ត និងមន្ត្រីសង្ឃខេត្ត កាលពីព្រឹកថ្ងៃទី14 ខែវិច្ឆិកា បានអញ្ចើញចូលរួមដោះស្រាយករណីក្នុងវត្តព្រះរតនះត្រៃយ៍ ហៅវត្តឋានសួគ៌ នៅលើភ្នំនារាយជាប់ និងជួរភ្នំដំរីរមៀល ស្ថិតក្នុងភូមិនារាយ ឃុំនារាយ ស្រុកឈូក ខេត្តកំពត ។
សូមបញ្ជាក់ថា វត្តឋានសួរគ៏ដែលមានកំពស់ខ្ពស់ជាងគេនោះ កើតអធិកព្រះនាមកូវវណ្ណះ ព្រះជន្ន62វស្សា ជាចៅអធិការវត្តព្រះរតនត្រយ័ ហៅវត្តឋានសួគ៌ ជាមួយលោកអោក បូរា ។ លោកអោក បូរា ក៏ជាសប្បុរសជនអ្នកចូលរួមកសាងនៅក្នុងវត្តឋានសួគ៌នេះដែរ តែក្រោយមក ក៏មានការទាស់គ្នាជាមួយចៅអធិការវត្ត។
លោកអោក បូរា បានចោទប្រកាន់ចៅអធិការវត្តឋានសួគ៌ថា លោកបានកាប់បំផ្លាញព្រៃឈើ ចោទមួយទៀតថា មានស្រីនិងជួយដូរគ្រឿងញឿន។ ប៉ុន្តែពុទ្ធបរិស័ទជិតឆ្ងាយរួមទាំងនៅរាជធានីភ្នំ ក៏បានជំទាស់និងលោកអោក បូរាដាក់ឈ្មោះខ្លួននៅតាមប៉ាន់ណូ រាល់សមិទ្ធិផលនានាក្នុងវត្តថា លោកមិនបានកសាងទេ តែដាក់ឈ្មោះលោក។
ឯកឧត្តម ម៉ៅធនិន មានប្រសាសន៍ថា ការពិនិត្យជាក់ស្ដែង តាំងពីម៉ោង5ព្រឹកនៅលើខ្នងភ្នំនោះ គឺមិនមានហេតុការណ៍ដូចគេចោទប្រកាន់ព្រះសង្ឃនោះទេ។ ហើយបើមានវិញ អាជ្ញាធរគ្រប់គេមិនទុកអោយព្រះសង្ឃអង្គនោះនៅទេ។
ឯកឧត្តមអភិបាលខេត្តមានប្រសាសន៍ទៅកាន់លោកអោក បូរា ថា បើលោកចោទប្រកាន់ព្រះសង្ឃហើយប្រមូលវត្ថុតាងមិនឃើញច្បាស់ជាមានបញ្ហាហើយ ។ ឯកឧត្តម ម៉ៅធនិន បានបញ្ជាអោយលោកអភិបាលរងខេត្តរួមទាំងលោកប្រធានមន្ទីរធម្មការ និងសាសនាខេត្តស្រុកចុះពិនិត្យផ្ទាល់រាល់សមិទ្ធិផលក្នុងវត្ត ថាតើលោកអោក បូរា បានកសាងអ្វីខ្លះ ត្រូវតែដាក់ឈ្មោះរបស់លោកចុះ។ កុំខ្លួនមិនបានកសាងវាយរបស់គេចោលដាក់ឈ្មោះខ្លួនឯងពិតជាមិនត្រឹមត្រូវទេ។
ឯកឧត្តមអភិបាលខេត្តបានអោយមន្ត្រីធម្មការចុះមករៀបចំបោះឆ្នោតជ្រើសរើសគណៈកម្មការកសាងវត្តថ្មីធ្វើអោយបានឆាប់។ ឯកឧត្តមអភិបាលខេត្តកំពតបានអោយរដ្ឋបាលព្រៃឈើខេត្តនិងមន្ត្រីរៀបចំដែនដីខេត្តចុះមកបោះបង្គោលព្រំដីវត្តដាច់ពីដីរបស់រដ្ឋ ព្រោះវត្តអារាមជាសាសនារបស់យើងទាំងអស់គ្នា។ មិនអាចកសាងអ្វីមួយក្នុងវត្តហើយទាមទារបស់ខ្លួនបានទេ ។ ឯកឧត្តមម៉ៅ ធនិន មានប្រសាសន៍ថា មិនអាចយកទីអារាមធ្វើជាកន្លែងសមរភូមិបៀមឈាមព្រូសដាក់គ្នាបានទេ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ