រាជធានីភ្នំពេញ ៖ បុរសចំណាស់វ័យជាង៥០ឆ្នាំម្នាក់បានសម្រេចចិត្តធ្វើអត្តឃា.តសម្លា.ប់ខ្លួននៅបន្ទប់បង្កឱ្យមានការភ្ញាក់ផ្អើលឡើងកាលពីវេលាម៉ោង៧ព្រឹក ថ្ងៃទី២ ខែឧសភា ឆ្នាំ២០១៧ នៅចំណុចផ្ទះគ្មាន
រាជធានីភ្នំពេញ ៖ បុរសចំណាស់វ័យជាង៥០ឆ្នាំម្នាក់បានសម្រេចចិត្តធ្វើអត្តឃាតសម្លាប់ខ្លួននៅបន្ទប់បង្កឱ្យមានការភ្ញាក់ផ្អើលឡើងកាលពីវេលាម៉ោង៧ព្រឹក ថ្ងៃទី២ ខែឧសភា ឆ្នាំ២០១៧ នៅចំណុចផ្ទះគ្មានលេខ៣៨៧ ក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ ។
បុរសរងគ្រោះឈ្មោះ គង់ សុផល ភេទប្រុស អាយុ៥៧ឆ្នាំ មុខរបរនៅផ្ទះ មានទីលំនៅនៅភូមិ-ឃុំកើតហេតុខាងលើ ។
ប្រភពពីស្ត្រីជាប្រពន្ធជនរងគ្រោះសុំមិនបញ្ចេញឈ្មោះបានឱ្យដឹងថា នៅវេលាយប់ថ្ងៃទី១ ឧសភា បុរសជាប្តីបានសុំបន្ទប់របស់ក្មួយសម្រាកមួយយប់ដោយប្រាប់ថា គាត់ចង់នៅស្ងៀមស្ងាត់តែម្នាក់ឯង ដោយឱ្យក្មួយប្រុសចុះមកសម្រាកនៅខាងក្រោមវិញ ។ លុះវេលាម៉ោង៧ព្រឹកឡើងថ្ងៃទី២ ដោយមិនឃើញជនរងគ្រោះចុះមកក្រោមសោះ ក៏យុវជនជាក្មួយឡើងទៅបើកទ្វារបន្ទប់ ប៉ុន្តែទ្វារត្រូវចាក់សោពីខាងក្នុង ក៏ហៅបងប្អូនមកជួយធាក់ទម្លុះទ្វារចូលទៅខាងក្នុងក៏ប្រទះឃើញបុរសរងគ្រោះចង.កនឹងអង្រឹងថ្ពក់នឹងសសរដំបូលស្លាប់បាត់ទៅហើយ ។
ចំណែកក្រុមសាច់ញាតិបញ្ជាក់ថា បុរសរងគ្រោះមានជំងឺប្រចាំកាយ ដូចជាលើសឈាម និងទឹកនោមផ្អែមជាដើម ។ ម្យ៉ាងវិញកូនប្រុសគាត់អាយុ២២ឆ្នាំ ទើបតែស្លាប់ដោយសារគ្រោះថ្នាក់ចរាចរណ៍ ហើយធ្វើបុណ្យ៧ថ្ងៃម្សិលមិញ ដូច្នេះហើយចំណុចទាំងនេះអាចធ្វើឱ្យគាត់ពិបាកចិត្ត ហើយសម្រេចចិត្តគិតខ្លីបញ្ចប់ជីវិតដោយបែបនេះតែម្តង ក៏ថាបាន។
ក្រោយកើតហេតុគេសង្កេតឃើញមានប្រជាពលរដ្ឋក្បែរខាងជាច្រើនបាននាំគ្នាមកចោមរោមមើល និងបានរាយការណ៍ជូននគរបាលមូលដ្ឋាន និងជំនាញចុះអន្តរាគមន៍ធ្វើកោសល្យវិច្ច័យពិនិត្យលើសាកសព ។ ក្រោយការពិនិត្យវិច្ច័យរួចសមត្ថកិច្ចបញ្ជាក់ថា ជនរងគ្រោះពិតជាបានស្លាប់ដោយសារការចង.កសម្លាប់ខ្លួនឯងប្រាកដមែន ពុំមែនជាករណីឃាតកម្មអ្វីទាំងអស់ ដូច្នេះហើយសពត្រូវប្រគល់ជូនសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ