ក្មេងប្រុសចំនួន៣នាក់បានលង់ទឹកស្លា.ប់ និង៦នាក់ផ្សេងទៀត ត្រូវបានជួយសង្គ្រោះទាន់ពេលវេលារួចផុតពីសេចក្តីស្លា.ប់ ខណៈពេលនាំគ្នាទៅជិះទូកលេងនៅកណ្តាលបឹងដែលមានទឹកជ្រៅ ហើយក៏ស្រាប់តែ
ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា ក្មេងប្រុសចំនួន៣នាក់បានលង់ទឹកស្លា.ប់ និង៦នាក់ផ្សេងទៀត ត្រូវបានជួយសង្គ្រោះទាន់ពេលវេលារួចផុតពីសេចក្តីស្លា.ប់ ខណៈពេលនាំគ្នាទៅជិះទូកលេងនៅកណ្តាលបឹងដែលមានទឹកជ្រៅ ហើយក៏ស្រាប់តែលិចទូកតែម្តង។ ហេតុការណ៍នេះ បានកើតឡើងកាលពីវេលាម៉ោង៨និង១៥នាទីព្រឹក ថ្ងៃទី១២ ខែវិច្ឆិកា ឆ្នាំ២០២២ នៅចំណុចបឹងតាអី ដែលស្ថិតក្នុងភូមិត្នោត ឃុំកំពង់ឫស្សី ស្រុកពោធិ៍រៀង ខេត្តព្រៃវែង។
សេចក្តីរាយការណ៍បន្តថា ក្មេងរងគ្រោះទាំង៣នាក់ខាងលើ រួមមាន ទី១- ឈ្មោះ សាន លីម៉េង ភេទប្រុស អាយុ១៦ឆ្នាំ មានទីលំនៅភូមិកំពង់ឫស្សី ឃុំកំពង់ឫស្សី ស្រុកពោធិ៍រៀង ទី២- ឈ្មោះ ប៉ូ រុណ ភេទប្រុស អាយុ១៥ឆ្នាំ មានទីលំនៅក្នុងភូមិភូមិព្រៃមាស ឃុំកំពង់ឫស្សី ស្រុកពោធិ៍រៀង និងទី៣- ឈ្មោះ ណេ ដេវីដ ភេទប្រុស អាយុ១៥ឆ្នាំ រស់នៅភូមិកំពង់ឫស្សី ឃុំកំពង់ឫស្សី ស្រុកពោធិ៍រៀង។
បើតាមការបញ្ជាក់ពីលោក ជា វាសនា អធិការនគរបាលស្រុកពោធ៍រៀង បានអោយដឹងថា មុនពេលកើតហេតុ កុមាររងគ្រោះ និងមិត្តភក្តិជាច្រើននាក់ទៀត បាននាំគ្នាទៅលេងទាត់បាល់ ហើយពេលឈប់លេងបាល់ ក៏បន្តបបួលគ្នាមកជិះទូកលេងនៅបឹងតាអីនេះ ហើយក៏ជួបគ្រោះអកុសលបែបនេះតែម្តងទៅ។
លោកអធិការបានបន្តថា នៅពេលជិះទូកលេងនោះ ក្មេងៗទាំងអស់មានគ្នា៩នាក់ ជិះទូកឈើ (ទូកក្តារ៣សន្លឹក) ប្រវែង៦ម៉ែត្រ ហើយពេលលិចទូកភ្លាម ក្មេងៗរងគ្រោះ៦នាក់ត្រូវបានអ្នកនេសាទនៅក្បែរនោះជួយសង្គ្រោះទាន់ ចំណែកក្មេងរងគ្រោះ៣នាក់ទៀតជួយមិនទាន់ ក៏បានលិចចូលទៅក្នុងទឹក ហើយទំរាំរាវរកឃើញ គឺបានស្លា.ប់បាត់អស់ទៅហើយ។
គួរបញ្ជាក់ថា ស.ពក្មេងរងគ្រោះទាំង៣នាក់ខាងលើត្រូវបានរាវរកឃើញ ក្រោយពេលលិចទូកប្រមាណជាង៣ម៉ោង ហើយត្រូវបានប្រគល់ស.ពទៅអោយក្រុមគ្រួសារ យកទៅធ្វើបុណ្យភ្លាមៗ ចំណែកមូលហេតុដែលធ្វើអោយទូកលិចនោះ ពុំទាន់មានប្រភពណាមួយអាចបញ្ជាក់បានទេ ដោយលោកអធិការស្រុក បានឆ្លើយយ៉ាងខ្លីថា «លោកមិនបានសួររឿងនេះដែរ»។
ចែករំលែកព័តមាននេះ