ព្រោះតែពាក់ក្រវិល និងសាក់ សម្ភាសន៍មិនជាប់
តាមប្រភពព័ត៌មាន Metro បានឲ្យដឹងថា បុរសម្នាក់បានចោទប្រកាន់សណ្ឋាគារ ដែលខ្លួនទៅសម្ភាសការងារថា រើសអើងរូបរាងខាងក្រៅរបស់មនុស្សដែលធ្វើឲ្យខ្លួនមិនជាប់ការសម្ភាសដោយសារ
ស្កុតឡេន ៖ តាមប្រភពព័ត៌មាន Metro បានឲ្យដឹងថា បុរសម្នាក់បានចោទប្រកាន់សណ្ឋាគារ ដែលខ្លួនទៅសម្ភាសន៍ការងារថា រើសអើងរូបរាងខាងក្រៅរបស់មនុស្សដែលធ្វើឲ្យខ្លួនមិនជាប់ការសម្ភាសដោយសារក្រវិលចោះត្រចៀក។
Sean Dougan អាយុ២៦ឆ្នាំ បានជាប់ការសម្ភាសន៍តាមទូរស័ព្ទពីសំណាក់សណ្ឋាគារ Macdonald ក្នុងប្រទេសស្កុតឡេន តែក្រោយមកក៏បានធ្លាក់នៅពេលទៅសម្ភាសន៍ផ្ទាល់មុខនឹងមុខ។
លោកបាននិយាយថា មានអ្នកសម្ភាសន៍ម្នាក់ក្នុងចំណោមអ្នកសម្ភាសលោកទាំងអស់ បាននិយាយថា ការរកស៊ីក្នុងសណ្ឋាគារនេះគឺជាលក្ខណៈគ្រួសារ ហើយមេដឹកនាំគឺជាអ្នកចាស់បុរាណម្នាក់។
ដោយសារតែហេតុនេះហើយ ទើបលោក Sean សន្និដ្ឋានថា បរាជ័យក្នុងការសម្ភាសការងាររបស់លោក គឹមកពីក្រវិលដែលលោកពាក់ និងស្នាមសាក់ដែលលោកមាននៅលើស្បែក។
ខាងអ្នកនាំពាក្យរបស់សណ្ឋាគារបានប្រាប់មកវិញថា នេះមិនមែនមកពីរូបរាងខាងក្រៅរបស់លោក Sean ធ្វើឲ្យធ្លាក់នោះទេ។ ពោលគឺវាមកពីលោក Sean មិនអាចបត់បែនតាមម៉ោងការងារបាន ព្រោះលោកជាប់រវល់នៅក្នុងក្រុមប្រគំតន្ត្រី។
តើរូបរាងខាងក្រៅរបស់មនុស្សសំខាន់ដែរឬទេ នៅក្នុងសង្គម? ចូរលោកអ្នកផ្តល់ជាមតិ៕
ចែករំលែកព័តមាននេះ