ប្រទេសថៃ ៖ យោងតាមកាសែតថៃបានឱ្យដឹងថា កាលពីថ្ងៃទី២៣ មេសា មានករណីចាក់សម្លា.ប់ស្ត្រីថៃវ័យ៤៧ឆ្នាំ ម្នាក់នៅភូមិខ្លងនឹង ហៅប្រាក់ប៊ីនចិត ស្រុកខ្លងលួង ខេត្តប៉ាធុមថានី បណ្តាលឱ្យស្លា.ប់នៅនឹងកន្លែង ។
ប្រទេសថៃ ៖ យោងតាមកាសែតថៃបានឱ្យដឹងថា កាលពីថ្ងៃទី២៣ មេសា មានករណីចាក់សម្លាប់ស្ត្រីថៃវ័យ៤៧ឆ្នាំ ម្នាក់នៅភូមិខ្លងនឹង ហៅប្រាក់ប៊ីនចិត ស្រុកខ្លងលួង ខេត្តប៉ាធុមថានី បណ្តាលឱ្យស្លាប់នៅនឹងកន្លែង ។
ស្ដ្រីរងគ្រោះឈ្មោះ ផន ្រផាន់ សែនប្រាក់សិទ្ធ ហៅចែស៊ុម អាយុ៤៧ឆ្នាំ ជាថៅកែលក់បន្លែធំមួយកន្លែងនៅផ្សារថៃ ត្រូវបានជនល្មើសចាក់ជាច្រើនកាំបិត ត្រូវដើមទ្រូងនិងបំពង់កស្លាប់ភ្លាមៗ ។ រីឯជនល្មើសឈ្មោះ ធី អាយុ ៣២ឆ្នាំ ជាជនជាតិខ្មែរ និងជាកូនឈ្នួលរបស់ជនរងគ្រោះដែលស្លាប់ ។
តាមកាសែតថៃបានឱ្យដឹងថា មុនកើតហេតុប្រមាណ២-៣ថ្ងៃ ថៅកែស្រីនេះបានបណ្តេញពលករខ្មែរចេញពីការងារ ដោយសារមានអ្នកជិតខាងប្រាប់ថា ជនល្មើសរូបនេះជាជនញៀនថ្នាំមិនអាចទុកបន្តទៅទៀតបានទេ ក្រែងលោមានបញ្ហាទៅថ្ងៃក្រោយ ទើបមានការសម្រេចចិត្តបណ្តេញជនល្មើសនេះចេញតែម្ដង ។
នៅថ្ងៃកើតហេតុ គឺថ្ងៃទី២៣ មេសា ជនល្មើសឈ្មោះ ធី បានលោតផ្លោះរបងផ្ទះរបស់ថៅកែស្រី ហើយសំងំអង្គុយចាំ ថៅកែស្រីត្រឡប់ពីផ្សារវិញដើម្បីធ្វើសកម្មភាព ។ ហើយការរង់ចាំនោះក៏ចំពេលស្ងាត់ ព្រោះគ្រប់គ្នាគេចេញទៅធ្វើការបាត់អស់រហូតល្ងាចទើបត្រឡប់មកផ្ទះវិញ ។ ជាឱកាសល្អដល់ជនល្មើសដែលឃើញថៅកែស្រីនៅផ្ទះម្នាក់ឯង ក៏ធ្វើសកម្មភាពរហូតដល់បានសម្រេច ។
ពេលកំពុងធ្វើសកម្មភាពសម្លាប់ស្ត្រីរងគ្រោះ ពេលនោះកូនស្រីរបស់ស្ដ្រីរងគ្រោះបានទូរស័ព្ទមកម្តាយក៏បានលឺសំឡេងម្តាយនិយាយថា «កុំធ្វើស្អីអញ កុំធ្វើស្អីអញ» តែពីរម៉ាត់ប៉ុណ្ណោះ ក៏ស្ងាត់បាត់មាត់ម្តាយតែម្តង ។
ក្រោយពីធ្វើសកម្មភាពរួចភ្លាមៗ ជនល្មើសបានគេចខ្លួនយ៉ាងរហ័សដោយមានបំណងធ្វើដំណើរវិលត្រឡប់ទៅស្រុកខ្មែរវិញ ។ ដោយមានការចង្អុលបង្ហាញរូបថតជាសាធារណៈពីប៉ូលិសថៃ ឱ្យតាមចាប់ជនល្មើសរូបនេះគ្រប់ច្រកល្ហក ពិសេសនោះគឺច្រកព្រំដែនខ្មែរ-ថៃ ទើបឈានដល់ការចាប់ខ្លួនបានជនល្មើសនៅខេត្តស្រះកែវ តំបន់ខ្លងលឹក ថ្ងៃទី២៣ មេសា វេលាម៉ោងប្រហែលជាង៩យប់ពេលដែលជននេះមកដល់ព្រំដែន ។
បច្ចុប្បន្ន ជនល្មើសត្រូវបញ្ជូនទៅតុលាការនិងធ្វើការកាត់ទោសដែលតាមច្បាប់នៅប្រទេសថៃត្រូវជាប់គុកអស់មួយជីវិត ។
ចែករំលែកព័តមាននេះ